Imatiwu 5:9 - IWE ỌNỊNỊ

⁹ Aza eneē sì ẹngwọọrọ vaa daa jẹ, agụvị ka Ohomorihi vaa hị́ wa ezi anị.

Imatiwu 5:9 Referans Kwoze

Anihiburu 12:14

Sị vụrị, di u we re ka wáa sị ẹngwọọrọ pe aza aa mẹ; dị ụ wa rẹ sị vụrị di u we re ka waa mẹ̀ ebira ọnịnị nịnị! Agụvị ka aza ẹnẹ ẹ̀yị vavọọ mẹ, eyi ve zuu re Ananyị yị.

Aniroomi 12:18

Ẹwà sị vụrị di u we re ka waa sị ẹngwọọrọ pe avaba azaa mẹ nịnị!

Anigaratiya 5:22

Ama Ụhwẹ Ọnịnị ọọ̄ mẹ̀ ka ọza ọ̀ọ vịra ịnị ịsa ẹnẹnị nị: ịrẹyị ọza oyisì ọnịrị inohine beri ẹngwọọrọ ọnịrị isuuru beri ebira hẹẹ ọyịmẹ̀ ọnịrị ebira ozoza ne beri ịzẹyịza ọyịmẹ̀ ọnịrị

Ahẹ Ụgama 120:6

Aza ẹnẹnị e yi sì ẹngwọọrọ, o si tù ka ma hụụ ịzọọ ọgọnị.

Aniroomi 8:14

Avaba aza ana àa zẹẹ ka Ụhwẹ Ohomorihi ọ̀ọ sị oze zụ̀ ẹnị, ẹnị ẹ vị ezi Ohomorihi nị.

Iruuku 6:35

Ama sì ịrẹyị ọnịvị awụ nịnị, dị ụ waa mẹ ọyịzaa yị aza nịnị! Waa sị ịsaa rere ọza, ama asị u tụra eyi ka ụ vaa dọ ọ varẹma! Ịjọnọọ ọgụ awụ nịnị vaa banyị, dị ụ zụ vị ozi Ohomorihi ana aha ene hu keekere nịnị. Ọọ̄ ngụ ayị aza ẹnẹ ẹ̀ yị mā kụ́ avọ, ọnịrị aza edivi.

2 Anịkọrịntị 13:11

Ẹwụ nịnị ẹyịnyara amị, maa za ịrẹyị amị ẹtẹ ọgọnị. Adịhyọsa nịnị o. Tenyi oze awụ nịnị! Saasa ịrẹyị ọnị mị kà wụ nị aanị o! Sị ayị yị ẹngụ nịnị, asị ụ zyaazị nịnị oo! Ohomorihi eneē sì ịrẹyị ọza dị ọ rẹẹ̄ sị ẹngwọọrọ yị ọza, vaa yàa pe wu nịnị.

Anikorasi 3:13

Waa sị ẹngụụ jị ọọ yị ẹngụ nịnị. Wàa mẹ ẹngụ ịrẹyị, waa vaa gu ẹngụ nịnị. Waa vaa gu ẹngụ nịnị anka Íkirisiti mẹ̀ vagu wu nịnị.

Ahẹ Ụgama 34:12

Àa nyị ọza awụ nịnị ene sì ka ẹhẹ anị ò zoza dị ọnị ò kú orubo.

Imatiwu 5:48

Agụvị avọọ, áa vọrọ ka wa gụ nịnị, anka Áda awụ nịnị ẹbẹẹba mẹ̀ gụ.”

2 Anịkọrịntị 5:20

Ẹya vị odeyi Ikirisiti tụ́ ịzẹnị nị. Vị ọ sị mẹẹ ka Ohomorihi ụvọta aa zị oze ịnị ụvọ ayịị dá ịpẹẹ wụ nịnị aanị nị: “Yâ sị Ikirisiti dá ịpẹẹ wụ nịnị ka wa navọ Ohomorihi ọ̀ vara wụ nịnị ọta anị.”

Odeyi 7:26

Eyinẹhẹ anị, o re ne tù ka Anisirẹrị ẹẹva aa zyaazị. Dị ọ ka oni ee nee ji wa nị. Dị ọ ka: ‘Ẹwụ nịnị ẹyịnyara amị, ẹyịnyara ụ vị nịnị nị, sị ẹ vẹ dị ụ waa chamayịị yị ẹngụ nịnị?’

Imatiwu 5:45

Wa vavọọ mẹ agụvị dị è re ka ezi Ada awụ ẹbẹẹba ụ vị nịnị nị, agụvị ka aa mẹ ka ọyị anị ọ̀ọ háa yị aza edivi ọnịrị aza ọyịza. Ọ raa zụ̀ orihii yị ọnịzẹyịza ọnịrị aza ẹnẹ ẹ̀yị nyị ịzẹyịza.

1 Ịtọpa 12:17

Idevidi ộ na gẹrị wa, dị ọ kà a yị wa ka, àa vị ẹ vẹ ka ẹnị è ve pe ọnị za ọta dị ẹnị ẹ̀ gụ ọnị ụvọ nị, ẹnịnị ẹ̀ nyaasẹ. Ama àa vị ẹ vẹ ka ẹnị ẹ̀ va kụ́ ọnị ahụ yị ọnịvị anị nịnị, Ohomorihi ohiku ộ yẹ. Ọ vaa sị ụyaa rị wa, ka ọnị ẹ yị mẹ wa ọhịmị.

1 Anịkọrịntị 6:6

Ọdọwụ aa sị ọdọwụ ọsaa nọ ikootu, dị aza ẹnẹ ẹ̀ yị dọ wụ aa mẹ̀ ọkarẹyị yị wa.

Anihwiripi 4:2

Aarịhịnị, ẹwụ Iyodiya ọnịrị Isintike, re ka waa nyị ariro ọnya nịnị, anka ọ mẹ̀ vọrọ tụra aza ana aa saasa Ananyị yị.

Iruuku 20:36

Vị ẹ rẹ vaa sị mẹẹ anka anggẹẹrị nịnị avọọ nị, e yi kuku vee sú. Ezi Ohomorihi ẹ rẹ vị nị, agụvị ka ẹ sị ha hụụnị isu.

Anẹhwẹsọsị 4:1

Ẹmị ana yà ịnị ẹngwa agụvị Ananyị yị maa dá ịpẹẹ wụ nịnị ka waa mẹ̀ ebira ana vọrọ tụra wụ nịnị anka aza oni Ohomorihi sị hị́.

Aniroomi 8:16

Ụhwẹ Ohomorihi ộ dọ ayị ayị ivenu ka ezi Ohomorihi ị vị nị.

Aniroomi 8:19

Avaba ịsa oni Ohomorihi tụ́, ee zí eyi ka ịhị Ohomorihi ana sị ụbanyị ezi anịị zụ̀.