Imatiwu 5:48 - IWE ỌNỊNỊ

⁴⁸ Agụvị avọọ, áa vọrọ ka wa gụ nịnị, anka Áda awụ nịnị ẹbẹẹba mẹ̀ gụ.”

Imatiwu 5:48 Referans Kwoze

Ijemiisi 1:4

Ama vavọọ yị jẹẹ geri-geri pooro nịnị, asị ụ zizi, agụvị wa nyẹngụ gụ ini oze tụra oze nịnị. Asị a nyị ebira ozoza ana vẹtẹ ọnị ụ wẹ̀ yị nyị nịnị.

Ireevi 19:2

Ọ̀ kà a yị ịragụ Anisirẹrị nịnị ka; Ẹnịnị ẹ̀ sị ẹngụ tụ irenyi, agụvị ka ọnị Ẹnẹyịmavara, Ohomorihi ẹnịnị vị ana sị ẹngụ anị tụ irenyi.

Iruuku 6:36

Waa vayị ọza, anka Áda awụ nịnị mẹ̀ẹ̄ vayị ọza.”

Iwe Ọhụhị Imosiisi ana aa hị́ Ọyịvatụrọda 18:13

Re ka waa sị ayị tụra Ẹnẹyịmavara Ohomorihi awụ nịnị ọnịnya kẹnẹ.

Anikorasi 1:28

Agụvị avọọ ị yaa kà ịrẹyị Ikirisitii yị avaba aza nị. Yaa kà wa ọnọ, ị raa sị ịrẹyọyẹẹ zụ̀ wa ịsa, agụvị dị ya mẹ ka aza ẹnẹ ẹnịrị Ikirisiti sị vị ọnya ẹ̀ zụ gụ.

1 Ịjọọnụ 3:3

Avaba aza ana nyị ẹngụ ọyịtureyi ọnọnị, aa mẹ̀ ebira ọnịnị anka Ikirisiti mẹ̀ rẹ nị nị.

2 Anịkọrịntị 7:1

Ẹwụ nịnị anda ayị, avaba ayị a kà a ka a vaa mẹ̀ ịsa ẹnẹẹ yị nị. Agụvị avọọ, à vẹ ya nyịna ẹngụ ayị hụụnị avaba ịsị ẹẹ̄ mẹ ka asị ẹngụ ọza ọnịrị ayị ọza nị! À vẹ ya vị Ohomorihi saka-saka ini oze angwahi Ohomorihi ọyịnyị.

Iruuku 6:40

Ọza ana aa kọsẹ ịsa, o yi zụ huna ọga anị, ama ọ̀ọ sị eyi ụkọrọ anị yẹ ta, dị ọ yà anka ọga anị.

Imatiwu 5:16

Navọ ẹtohweyi ọnị ụ vị nịnị ọ̀ vavọọ zẹtẹ ọ́vịdị aza, dị è zụ re ebira ozoza awụ nịnị dị ẹ̀ sị ụga yị Ada awụ nịnị ẹbẹẹba!”

Oyinyima 17:1

Ẹkụhị ọnya Ẹnẹyịmavara o re ne tù Abụramị. Ịjọnọọọ, Abụramị ọ sị gụ ịrayị ẹnarẹwụ tụra ịhịịna. (909) Dị ọ kà a yị Abụramị dị ọ ka Ọnị ọ vị Ohomorihi Ochẹtẹẹngụ nị. Ọ kà Abụramị ọ̀ọ wụ́ ịrẹyị anị, asị ọ mẹ̀ ebira ene divi.

Ireevi 11:44

Ohomorihi ka, ọnị ọ vị Ẹnẹyịmavara, Ohomorihi awụ nịnị nị, agụvị avọọ, sị ẹngụ awụ nịnị tụ irenyi yị ọnị nịnị agụvị ka ọza ọnịnị ọnị vị nị. A sị ụ sị ịsa anaā sịị ahụ ọnịrị ụvọọ tura ịrẹsụ ẹtẹ du ẹngụ awụ nịnị ẹngụ o.

Ireevi 20:26

Ọ kà ẹnịnị ẹ̀ sị ẹngụ ẹnịnị tu irenyi yị ọnị, agụvị ka ọnị Ẹnẹyịmavara vị ana sị ẹngụ anị tụ irenyi. Ọnị ọ sị wa nyị tụ irenyi yị aza ana vọ, ka ẹnịnị ẹ̀ vị aanị.

Imatiwu 5:45

Wa vavọọ mẹ agụvị dị è re ka ezi Ada awụ ẹbẹẹba ụ vị nịnị nị, agụvị ka aa mẹ ka ọyị anị ọ̀ọ háa yị aza edivi ọnịrị aza ọyịza. Ọ raa zụ̀ orihii yị ọnịzẹyịza ọnịrị aza ẹnẹ ẹ̀yị nyị ịzẹyịza.

Anikorasi 4:12

Epahwirasi ka ọnị rẹ kụ́ wụ nịnị. Anda awụ nịnị ọnị rẹ vị, dị ọ rẹ vị ozi ahụ Ijeesu Ikirisiti nị. Ọọ̄ mẹ̀ aduwaa wụ nịnị ẹtẹẹtẹrẹ, ka waa vịraa tụ́ ịnị ịsa Ohomorihi nịnị; dụ wa zụ yẹ ịsị Ohomorihi sì, dị ụ wa rẹ zụụ mẹẹ nịnị.

2 Anịkọrịntị 13:9

Ẹ́yị mẹ̀ vị ọkụmị, dị ẹwụ nịnị nyị ụkata aanị, ịnẹ ayị ô hine. Yaa mẹ̀ aduwa ka wa hyakụ zụ gụ nịnị.

Ahẹ Ụgama 37:37

Tangwa sị eyi pè aza ana aa mẹ̀ ebira ana vọrọ dị ẹ̀ yị mā mẹ akụvị ẹngụ aza ana vavọọ aa mẹ̀ ebira ozoza ệ nyị ẹhẹ tụ́ ịrẹma.

2 Anịkọrịntị 13:11

Ẹwụ nịnị ẹyịnyara amị, maa za ịrẹyị amị ẹtẹ ọgọnị. Adịhyọsa nịnị o. Tenyi oze awụ nịnị! Saasa ịrẹyị ọnị mị kà wụ nị aanị o! Sị ayị yị ẹngụ nịnị, asị ụ zyaazị nịnị oo! Ohomorihi eneē sì ịrẹyị ọza dị ọ rẹẹ̄ sị ẹngwọọrọ yị ọza, vaa yàa pe wu nịnị.

Anẹhwẹsọsị 3:1

Ẹmị Ịpọọrụ vị anịnẹngwa Ijeesu Ikirisiti agụvị ẹwụ nịnị ẹnẹ ẹ̀ yị vị Aniju.

2 Ịsamụwẹrị 22:31

Ẹwụ Ohomorihi, ẹwụ ē mè nyeeyi vụrụ-vụrụ. Ịsa ẹnẹ Ẹnẹyịmavara kà, ẹ yị nyị ireche o! Avaba aza ene zwe na vaka ọnị, avaba ẹnịnị o sere nị, ẹ yị nyị ịsị ẹ zụ kanyị wa.

Imatiwu 5:47

Àa vị ẹyịnyara awụ nịnị kẹnẹ, ụụ̄ kụ́ nị, sị ụ sị jị aza ana vọ nyee? Avọọ aza edivi ẹnị mẹ̀ rẹẹ̄ mẹ nị.

Iwe Ọhụhị Imosiisi ana aa hị́ Ọyịvatụrọda 27:10

Agụvị avọọ, ẹ wụ́ chire e, dị ẹ sị ụvọ za avaba ọda anị ọnị ọnị aa sị yị wa ajịnị.