Imatiwu 5:34 - IWE ỌNỊNỊ

³⁴ Ama ẹma kà a yị wụ nịnị nị ka asị ụ hyeku vụrụ-vụrụ; asị ụ sị ẹbẹẹba hyeku, agụvị ka ịzị Ohomorihiī yaayịtẹ yọ nị!

Imatiwu 5:34 Referans Kwoze

Ijemiisi 5:12

Ẹwụ nịnị ẹyịnyara amị, ịrẹyị obooro yị: Asị ụ sị ihinẹba, àa vị ẹhẹ hị́ eku! Asị a hyakụ nyị ịsị ụ sị hị́ eku vụrụ-vụrụ. Wâ kà a ka Hịịn, ọ̀ vị hịịn; wàa kà a ka Eyiye, ọ rẹ vị eyiye, agụvị asị Ohomorihi Ananyị yị na jị ịvị wụ nịnị.

Ayịsaya 66:1

Ẹnẹyịmavara kà a, ẹbẹẹba vị aha ọyị yaatụ ohinọyị anị, dị ẹhẹ vị ịrẹhụ ọnị ọnị aa kụ́ ahụ hi nị. Ẹngụ irehi si è ro ka ẹnị ẹ zụ da yị ọnị kẹ? Ịzị ẹ vị aha ẹnẹ zụ da ka ọnị ọ ra kẹ?

Ịrẹyị Ọzwọzịsa 9:2

Ịsị ọnyọọnya ọ vaa za ẹhẹ avaba ọza ẹtẹ nị. Ẹ yị nyị ọba irenyi yị ọnịrẹyịzẹyịza ọnịrị ọza odivi, ọza ọyịza ọnịrị ọza ọhịmị, ọza ọnịnị ọnịrị ọnịdọtị, ọza anaa mẹ ahẹkẹ ọnịrị ọza ẹnẹ ẹ yị mẹ ahẹkẹ. Ọ mẹ ya yị ọza ọyịza, avọọ ọ mẹ ya ọza odivi nị. Ọ mẹ ya yị aza ana hị́ eku, avọọ ọ mẹ ya yị aza ẹnẹ ẹ yị nyayịnẹ hị́ eku nị.

Ayịsaya 57:15

Ẹma vị Ohomorihi ọnịnị ana nẹba nị. Ẹma yàra pooro zịna nị. Aha ana nẹba dị ọ vị ọnịnị mị ra nị. Ama mị rẹẹ raa pe aza ana ka ẹngụ ẹnịnị chi, di e ro ịnẹ varẹma. Ọ vaa mẹ ka ma mẹ ka ayị ẹnịnị ọ̀ vana nẹtẹ, dị ẹ rẹ nyị ọyịtureyi.

Ahẹ Ụgama 11:4

Ẹnẹyịmavara yà ini Irehi Ọnịnị anị ọ yà ịrẹsụ ode ohinọyị anị ẹbẹẹba. Ee re avaba ịsa ọnị ọzọza aa mẹ.

Odeyi 7:49

Ohomorihi ka, ‘ẹbẹẹba vị aga ohinọyị anị, ẹhẹ vị ịzị aā kụ́ ahụụ hi, ọ ka ye re ẹngụ irehi ọnị ụ vaa dàa yị ọnị; ịzị ụ ka ọnị ọ̀ yà tụ́ ụhwọ́?’