Imatiwu 5:3 - IWE ỌNỊNỊ

³ “Aza ana yẹ ka ẹnị ẹ̀ yị yẹ Ohomorihi a mẹ̀ vọrọ, vaa daa jẹ, agụvị ka ẹnị ẹ vaa ngụ ịzị Ada ayị ẹbẹẹba yà aa mẹ ịjọva nị.

Imatiwu 5:3 Referans Kwoze

Ayịsaya 66:2

Ọ kà ọnị ọ mẹ ẹbẹẹba ọnịrị ẹtẹ nị. Avaba ẹhẹ vị anị. Ayị anị o hine tù aza anaā ka ẹngụ ẹnịnị chi, dị ẹ sị ayị tụra ọnị kẹnẹ, di e hí angwa anị ọ̀ọ ka ịrẹyị.

Ụhịrẹyị 29:23

Ọza anaā sịị ẹngụ anị tụ ẹba vị ọnị ụhị nyị. Ama ọza ana ka ẹngụ anị chi vị ọnị a vaa sị ụbanyị yị.

Ahẹ Ụgama 34:18

Ẹnẹyịmavara ộ gụrị aza ana ayị ẹnịnị ee du ka ẹnị ệ mẹ̀ ịsa odivi Aza ana ayị anị vavọọ du vị ọnị ọọ̄ dọ ọ há.

Ụhịrẹyị 16:19

Ó vi ene zoza ka ọza ọ sị ịrẹsụ nẹtẹ beri onosiye nịnị hụụnị ka ọnịrị aza ana sị ẹngụ tụ ẹba ẹẹ sị ụkata dọ ogu aza mẹ̀ ẹnịnị nị.

Iruuku 18:14

Dị Ijeesu ka, “Dị ma kà a wụ nịnị ka ọdẹkẹhirehi ọnọọ Óhomorihi jị ịhị yị, dị aa nọ eehi nị, ẹ yị vị Anihwarisi ọnọọ. Agụvị ka ọza ana àa kà ẹngụ anị hịrẹ, vị Ohomorihi vaa kà a chí nị; ọza ana àa rẹ kà ẹngụ anị chí, dị Ohomorihi kà a hịrẹ.”

2 Ịtọpa 7:14

Aza anị ana aa sị ịrẹha anị hị́, ẹ̀ẹ va ẹngụ ẹnịnị nẹtẹ, dị ẹ mẹ̀ aduwa, dị ẹ ro ịnẹ varẹma, dị ẹ va hụụnị ebira odivi ẹnịnị, ọnị vaa wụ́ aduwa ẹnịnị hụrẹ ẹbẹẹba, dị ọnị sị eyi hụụnị ịvị ẹnịnị, dị ọnị mẹ ẹtẹ ẹnịnị zoza yị ịsa aarẹ.

Ahẹ Ụgama 51:17

Ọza ana ayị anị du ka ọnị ọ raà mẹ̀ ebira odivi, ẹnị ẹ mẹ̀ ịsọvọ oni Ohomorihi sì nị Ẹnẹyịmavara, ẹngụ ọza ana ayị anị ọ̀ọ vavọọ du, we yi vee yi waa tịtẹ.

Ayịsaya 57:15

Ẹma vị Ohomorihi ọnịnị ana nẹba nị. Ẹma yàra pooro zịna nị. Aha ana nẹba dị ọ vị ọnịnị mị ra nị. Ama mị rẹẹ raa pe aza ana ka ẹngụ ẹnịnị chi, di e ro ịnẹ varẹma. Ọ vaa mẹ ka ma mẹ ka ayị ẹnịnị ọ̀ vana nẹtẹ, dị ẹ rẹ nyị ọyịtureyi.

Ijemiisi 2:5

Ẹwụ nịnị ẹyịnyara amị oni mi sì, batọ nịnị oo! Wáá yẹ ka onosiye ene hi ịnị ẹhẹ ọnọnị Óhomorihi nyị ka ẹ̀ sị ayị tụraa, dị ẹ̀ nyị ụbanyị obooro nị, dị ẹ̀ rẹ nyị tụ́ ịnị ịjọva anị? Ohomorihi ộ kà a ka ẹ́ yị zụ nyị ka ọnị ọ yị vaa sịị yị aza ene sì ịrẹyị anị.

Ayịsaya 61:1

Ụhwẹ Ọnịnị Ẹnẹyịmavara Ohomorihi ộ dọ avaba ayị amị, Ọ raà nyị mị, dị ọ tụ́ mị Ka ma Kà enube ọyịza yị onosiye nịnị Dị ma mẹ ụkụ aza ọnị ayị ẹnịnị dụ dị ma nọ ọ ọyịhụrẹ ụvọ aza ana a za a ọnịrị ẹngwọọrọ yị

2 Ịtọpa 34:27

Ô ro ịnẹ, dị ọ va ẹngụ nẹtẹ ọvịdị anị, dị ọ na awuru anị hi ẹngụ, di e sụ ùnè agụvị ka ộ wụ́ ka oni o chire wa angwa ka ọnị aa sị ụya rị Ijerusarẹmị ọnịrị aza ene hi ịzọọ. Ẹnẹyịmavara kà ọnị ọ raà wụ́ aduwa anị.

Imika 6:8

Eyiye, Ẹnẹyịmavara ọ raa kà īsa vọrọ yị wụ nịnị anẹhẹ Ịsị e si hụụnị ụvọ awụ nịnị ọ vị ọnọọ nị. Waā kà ịzẹyịza, dị waā vayị ọza. Dị waa mẹ̀ ịsa oni Ohomorihi sì ịnị ịrẹsụ ọkahi.

Iruuku 11:28

Dị Ijeesu ka, “Eyiye de, aza ana aa wụ́ ịrẹyị Ohomorihi, dị ẹ rẹ sị tụ́ ịnị ayị, ẹ vị ana jẹ nị.”

Ahẹ Ụgama 112:1

Waa kụ́ Ẹnẹyịmavara. Aza ene eē hí angwa Ẹnẹyịmavara, dị e sì ịrẹyị ọda anị ẹtẹẹtẹrẹ ẹ̀ nyarị ịrẹsụ ọyịza.

Ahẹ Ụgama 1:1

Ịrajẹ ọ vị yị ọza ẹnị ẹ̀ yị mā dọ ịrẹyị aza edivi mẹ̀ ụkọrọ. Ẹngụ ọza ọnọọ ẹ̀ yị mā bẹ ụvọ tụ́ ịnị ebira ana aza edivi aa mẹ̀, dị ọ̀ yị mē re pè aza ana aa sị eyii wụ̀ Ohomorihi zị ogu nị.

Ijoovu 42:6

Ịrẹyị ọnị ọnị vịdị ka ộ sị vara ụhị yị ọnị. Agụvị avọọ ọnị kụ́ atịtọ ọnịrị edudu ku ẹngụ aa pa ẹvagu aanị nị.

Imatiwu 11:25

Ịjọnọọ dị Ijeesu ka, “Ọga, ana nyị ẹbẹẹba ọnịrị ẹhẹ! Mâ kụ́ wụ avọ, agụvị ka ịsa ọnị ụ sị tẹ yị aza ana yẹ ịsa, wa raà sị zụ̀ aza ẹnẹ ẹ̀ yị nyị ịsị ẹ yẹ.

Iruuku 4:18

“Ụhwẹ Ọnịnị Ohomorihi ộ dọ avaba ayị amị, agụvị ka ọ sị mị nyị ka ma kà enube ọyịza yị onosiye nịnị. Ộ tụ́ mị ka ma kà a yị aza ana a sụ́ ka a vaa ngwa waa tịtẹ, dị ma rẹ mẹ ogweyi nịnị ka èe re ẹtẹ; dị ma rẹ dọ aza ana aa mẹ ehunaa yịị tịtẹ;

Ịmaakị 10:14

Íjeesu mè re wa, ayị ọ sị kụ́ ọọ. Dị ọ ka, “Navọ ezi eweyi nịnị ẹ̀ vẹ ịda amị! Asị ụ dọ wa oro, agụvị ka ẹngụ ẹnẹnị ẹ nyị ịzị Ohomorihi yà aa mẹ ịjọva nị.

Imatiwu 13:16

Ama ẹwụ nịnị ộ da jẹ, agụvị ka eyi awụ nịnị ee re ẹtẹ, ụtọ awụ nịnị raa wụ́ ịrẹyị.

Ayịsaya 30:18

Ama Ẹnẹyịmavara ee sii sì ka ọnị ọ̀ vayị awụ nịnị Ee sì ka ọnị ọ́ vayị awụ nịnị agụvị ka Ẹnẹyịmavara ọnị vị Ohomorihi anaā mẹ̀ ịsa ana vọrọ. Avaba aza ana sị ayị tụra a ẹ̀ nyarị ịrẹsụ ọyịza.

Ahẹ Ụgama 146:5

Aza ana ahịka Ohomorihi oni Ijekọvụ hẹkẹ aa gụ ụvọ nị ẹ̀ nyarị ịrẹsụ ọyịza. Mị ka aza ẹnẹẹ ana ahịka Ẹnẹyịmavara ana vị Ohomorihi ẹ sị ayị tụra nị ẹ̀ nyarị ịrẹsụ ọyịza.

2 Ịtọpa 33:12

Ịjị ụya sị hụ ọ, dị ọ ka ẹngụ chi di o ro ịnẹ vaka Ẹnẹyịmavara ana vị Ohomorihi anị, dị ọ da ịpẹ ka ọ mẹ̀ ọgụvọ yị ọnị nị.

Ahẹ Ụgama 41:1

Ẹngụ aza ana ahịka eē ro ịrẹyị onosiye ẹ̀ nyarị ịrẹsụ ọyịza Ụmẹ ẹnị ẹngụ aza ẹnẹẹ ẹ̀ẹ nyị akanya, Ẹnẹyịmavara vị ana aa dọ waa tụ́.

Ahẹ Ụgama 2:12

Waā sị ụbanyịị yị ozi anị nịnị ka ẹ̀ yị vavọọ ayị ọ̀ọ kụ́ ọ, vị aa wụ̀ wụ nịnị vaa ha nị. Yẹ nịnị ka ayị ọ zụ hụra kụ́ ọ. Aza ana sị ẹngụ ẹnịnị na tẹ̀ ịda anị ẹ̀ nyarị ịrẹsụ ọyịza.

2 Ịtọpa 33:23

Ebira ọhịmị anị o divi huu ada anị nị. Ẹ yị nyị ụmẹ ọnị ọ sị sị ka ịrẹsụ hì di o ro ịnẹ hụụnị ebira odivi anị.

Ijemiisi 1:12

Ọza ana àa zama re dị ẹ̀ yị rẹ vaa hyẹdụ nị, ọ vaa daa jẹ; agụvị ka ịjị àa sị ọ zama re, dị ọ jẹẹ geri-geri nị, Ohomorihi vaa sị ẹyịza ọnị o wo oto anị yọ, ana vị ka ọ̀ yàra ịdị anị pooro zịna-zịna. Ohomorihi ka ẹ́ yị zụ nyị ka ọnị ọ́ yị vaa sị ọyịyara ọnọọ yị aza ene èe sì ịrẹyị anị.

Ịjọọnụ 20:29

Dị Ijeesu kà a yọ ka, “A vị agụvị ka we si mi re, ụ va dọ wụ́ụ? Aza ene è yi re mi, dị ẹ dọ mị wụ́, vaa daa jẹ.”

Imatiwu 24:46

Ọga anị ọ̀ọ vẹ di o ve tù ka ọ vavọọ aa mẹ nị, ozi ahụ ọnọọ vaa daa jẹ.

Ahẹ Ụgama 84:12

Ẹnẹyịmavara Ochẹtẹẹngụ, aza ana sị ayị tụra wụ ẹ̀ nyarị ịrẹsụ ọyịza.

Iwe Ọhụhị Imosiisi ana aa hị́ Ọyịvatụrọda 8:2

Tamayị Ẹnẹyịmavara Ohomorihi awụ nịnị mẹmẹ zụ wụ oze ịnị ụnọmị ịrayị ẹbẹẹva. Ọ sị ẹngụkata ọrụrụ zama ẹnịnị re agụvị dị e ka ịrẹsụ hi yị ọnị, dị ọ rẹ yẹ wee yị hi ayị nịnị ọnịrị waa saasa ọda ọnị ộ mẹ̀.

Ijemiisi 1:10

Ọdọwụ ana vị ọzọbanyị, ọnị ọ̀ rẹẹ jẹ ka Ohomorihi ọ sị ọnị kà chi; agụvị ka ódodoo nịnị mẹẹ̄ sụ̀ụ vaa ha, avọọ ọzọbanyị mẹ̀ vaa para ụbanyị anịị hu nị.

Ụhịrẹyị 8:32

Wụ́ ịrẹyị amị, ẹwụ nịnị ọmụha. Waa mẹ ịsị maa ka wụ nịnị, ka ayị awụ nịnị vee hine.

2 Ịtọpa 33:19

Avaba ịsa ọnị ohinọyị Ịmanasẹ mẹ̀ ịnị ụmẹ anị vị ana chẹrẹ tụ́ ịnị iwe ịtọpa ọnịsẹ nịnị. Aa chẹrẹ ohinọyị mẹmẹ mẹ̀ aduwa, ohi ọnị Ohomorihi sị yọ ọnịrị avaba ịvị ọnị ọ mẹ̀ dị ọ vee ro ịnẹ hụụnị ebira odivi. Avaba irehi ori ọnị ọ dà, ọnịrị uyi ori neberi ori Asẹra ọnị ọ kụ́ aha irenyi-irenyi dị aa hẹkẹ wa vị ana chẹrẹ tịtẹ.

Ẹtore 22:14

Aza ana àa nyịna ịta ẹnịnị nị, agụvị à zụ sị oze yị ẹnị ka ẹnị ẹ̀ zụ rị ẹtụtụ ọchị anaā mẹ ka ọza ọ̀ yàra pooro zịna-zịna, dị ẹnị ẹ̀ rẹ zụ zị oze ịnị ẹkụra ọnọọ ngụ eehi, vaa daa jẹ.

Ẹtore 19:9

Dị anggẹẹrị rẹ kà a mị ka: Chẹrẹ ọsọnị: Aza ana àa hị́ ka ẹ̀ vẹ ịnị eche Ozi Atẹmẹ ọnọọ vaa dàa jẹ. Dị ọ kà a mị ka ịzẹyịza, ịrẹyị Ohomorihi obooro ịrẹyị ẹnẹnị vị nị.

Imatiwu 25:34

Ịjọnọọ dị Ohinọyị kà a yị aza ene hi eyi ụvọrị anị ka: ‘Wa vẹ nịnị, ẹwụ nịnị ana Ada amị raà mẹ ka ò zé yị! Ngụ ịzị Ohomorihi yà aa mẹ ịjọva, oni o si tenyi tịtẹ wụ nịnị, ẹ́hẹ mè hụrẹ nyima.

Ahẹ Ụgama 128:1

Aza ana nyị angwahi Ẹnẹyịmavara dị ẹ yaa saasa ọda anị ẹ̀ nyarị ịrẹsụ ọyịza.

Imatiwu 11:6

Ọza ẹnẹ ẹ̀ yị jị mị ịrẹka vaa daa jẹ.”

Imatiwu 8:11

[Ẹma kà a wụ nịnị nị ka aza ọrụrụ-ọrụrụ vaa hụrẹ ịzị ọyịị̄ zịị hụrẹ ọnịrị ịzị ọyịị̄ zịị ngụ ẹtẹẹ vẹ, dị ẹ yaayịtẹ pe Abụrahamị ọnịrị Ayiziiki ne beri Ijekọvụ ịzị Ada ayị ẹbẹẹba yà aa mẹ ịjọva ka ẹnị ẹ̀ rị ịsa.]

Imatiwu 3:2

Dị ọ ka: aza è ro ịnẹ varẹma hụụnị ebira odivi ẹnịnị, agụvị ka ụmẹ ọnị Ada ayị ẹbẹẹba vaa sị mẹ ịjọva aa gụrị ẹtẹ nị.

Imatiwu 19:14

Ama dị Ijeesu kà a yị wa ka, “Navọ ezi eweyi nịnị ẹ̀ vẹ ịda amị, asị ụ dọ wa oro, agụvị ka ẹngụ ẹnịnị ẹ nyị ịzị Ada ayị ẹbẹẹba yà aa mẹ ịjọva nị.”

Iruuku 22:29

Anka Áda amị mẹ̀ sị ọdaa mị ka ma vị ohinọyị, avọọ ẹ́mị mẹ̀ rẹ sị ọdaa wụ nịnị nị,

Iruuku 22:30

ka wa yaayịtẹ aha ịsọyịrị amị ịzị mị yà aa mẹ ịjọva nịnị, dị ụ waa rị, di u wee hú nịnị. Ẹwụ nịnị rẹ vaa vị ohinọyị, dị ụ waa mẹ̀ ọkarẹyị tụ́ ịrẹsụ ovwoovu ẹwụrẹva Anisirẹrị nịnị.”

Ẹtore 3:17

Ụ ka wáa nyị ụbanyị, wáa nyị avaba ịsa, ẹ yị nyị isu u kuku ee sì. Ama wẹ yị yẹ ka onosiye ọnịrị ọnụyọrị ọbanyị ụ vị nị. Ogweyi ụ vị, dị ụ rẹ yà ịnị ahwaahụ nị.