Imatiwu 5:29 - IWE ỌNỊNỊ

²⁹ Eyi ụvọrị awụ ọ̀ọ mẹ ka wa mẹ ịvị, tụ̀ ọ kwooze, di u we ne e ta! Agụvị ka ọ́ọ gụụ wụ ka ọchẹngụ awụ ọnya ọ̀ dà vú hu ka è ne ẹwụ ụvọta ngụ ẹkụra.

Imatiwu 5:29 Referans Kwoze

Aniroomi 8:13

Wàa mẹ̀ ebira anka ọchẹngụ awụ nịnị mè sì kẹnẹ, isu aa za a ịrẹsụ nị. Ama wàa zị oze ịnị ụvọ Ụhwẹ Ohomorihi sị ịsa edivi ọnị ọchẹngụ awụ nịnịị̄ sì tịtẹ saka-saka, ụ vaa yàra nịnị pooro zịna-zịna.

Anikorasi 3:5

Agụvị avọọ asị ụ sị oze yị ịsa edivi ẹhẹ ọnọnị ọnị ụụ̄ vịdịị mẹ nịnị. Asị ụ rẹ̀ rẹ sẹ̀ ịrẹka, asị ụ rẹ̀ mẹ ụ̀nọ̀ nịnị; asị ụ rẹ̀ mẹ̀ ebira ịdọtị nịnị, asị ụ mẹ̀ ịsa edivi irenyi-irenyi ọnị ọchẹngụ awụ nịnịị̄ sì, dị ụ wa rẹ hụụnị eyọhụrẹ nịnị. Eyọhụrẹ vị ene re divi anka ori ọyịhẹkẹ avọọ.

1 Anịkọrịntị 9:27

Maa sị ẹngụ amịị dọ avaba ụya, maa sị ụvọọ za ẹngụ amị, agụvị asị ọ na sị vị ka ẹmị ana aa kà enube ọyịzaa yị ọza, áamị ọ̀ sị vị osusu.

Aniroomi 6:6

Yâ yẹ ka ebira ayị ọkụkụ ọnịrị Ijeesu a kanyị za ọchị apavahị nị. Â vavọọ mẹ, agụvị dị wụ ebira ayị eneē sì ka ọnị ọ̀ọ mẹ ịvị. Ọnọọ vaa ka asị ị kụkụ vị ozi ahụ yị ịvị.

Anigaratiya 5:24

Aza ana vị aza Ijeesu ẹ raà sị avaba ebira edivi ẹnẹẹ ẹnẹ ẹ vịdịị mẹ kwooze beri avaba ariro odivi ẹnịnị; ẹ raà kanyị ọọ za ọchị apavahị.

Ịmaakị 8:36

Ọza ọ̀ọ sị avaba ẹhẹ rị ọgụ, dị ụhwẹ anị vene si vú nị, ọgụ ịsị ọza ọnọọ kụkụ va rị?

Imatiwu 19:12

 nyị osiretu ẹnyị ana a vavọọ ma hụụnị ịnẹ ọnyị ẹnịnị vẹ. Ẹnyị yà ịzọọ ana aza vara osiretu. Aza ẹnyị rẹ yà ịzọọ ana sị ayị hụụnị ọnẹẹ ọyịnyị, agụvị ka Ada ayị ẹbẹẹba aa mẹ ịjọvaa tụra wa nị. Ọza ana àa zụ dọ ọ, ọ̀ dọ ọ!”

Imatiwu 10:28

Asị u hí angwa aza anaā wụ ọchẹngụ ọza kẹnẹ, ama dị ọ̀ yị zụ wụ ụhwẹ anị. Ama wee hí angwa ọza ana ahịka o zụ du ọchẹngụ ọnịrị ụhwẹ ọza ha ini ẹkụra!

Imatiwu 23:15

Wa sị dà nịnị. Ẹwụ nịnị ọzwọzọda ọnịrị Anihwarisi nịnị. Ẹwụ nịnị ọmọzakụyẹ! Ẹ yị nyị ịzị ụ wẹ̀ yị mā nọ ka wa na sị ọza vẹ ịnị ahẹkẹ awụ nịnị. Wàa raà sị ọọ vẹ, dị ụ vara a ozi ini ẹkụra huna ẹngụ awụ nịnị ụvọta.

Imatiwu 16:26

Ọza ọ̀ọ sị avaba ẹhẹ rị ọgụ, dị ụhwẹ anị vene si vú nị, ọgụ ịsị ọza ọnọọ kụkụ va rị? Sị ọza vaa sị vara ụhwẹ anị?

Imatiwu 5:22

Ama ẹ ma kà a yị wụ nịnị nị ka ọza ọ̀ọ kụ́ ayị hi ọnọhụva anị, vị aa mẹ̀ ọkarẹyị yọ nị. Ọza ana àa rẹ kụ̀ ọnọhụva anị ụhụ, a vaa hị́ ọọ ịrẹka; ama ọza ana àa tụ́ ozirenu hi ọza, ọ nyayịnẹ nọ ini ẹkụra.

Imatiwu 23:33

Ẹwụ nịnị ẹwụ ana rẹ vị ezi ibe, wéé ro ka wa zụ jị ọkarẹyị ẹkụra nyee nịnị?

Iruuku 12:5

Maa kà a wụ nịnị ọza ana a vọrọ ka wee hí angwa anị nịnị: Wee hí angwa Ohomorihi, ana ahịka ọ̀ọ sị ọza wụ̀, dị ọ rẹ nyị ụkata ọyị sị ọọ ne ngụ ẹkụra. Mị ka wee hí angwa anị nịnị!

Imatiwu 5:30

Ụvọrị awụ ọ̀ọ rẹ mẹ ka wa mẹ ịvị, jị ọ kwooze ne ta! Agụvị ka ọ́ọ gụ wụ ka ọchẹngụ awụ ọnya ọ̀ dà vú hu ka è ne ẹwụ ụvọta ngụ ẹkụra.”

Imatiwu 11:6

Ọza ẹnẹ ẹ̀ yị jị mị ịrẹka vaa daa jẹ.”

Imatiwu 17:27

Ama ye yi sì ka ya mẹ ayị kụ́ wa. Agụvị avọọ, nọ ini irehu, di u we ne arị ngụ enyi, dị ụ wa sị ivovo ọnị ọ̀ọ vịdị za ịpaapa! Wàa ha a irenu, u vee re ẹkẹhị enyusẹ ọnya ịzọọ; sị ọọ dụ we si ne sí ụta ẹmịrị ẹwụ!”

Ijoovu 20:13

Vị ẹ́ sịị̄ tụ irenu dị ẹ tangwa aa hịhị ọ nị.