Imatiwu 5:28 - IWE ỌNỊNỊ

²⁸ Ama ẹma kà a wụ nịnị nị ka ọza ene èe re ọnyẹnẹẹ, di eyi anị ọ̀ yị hụụnị ẹngụ anị nị, ọ raà sị ayị anị pee sẹ̀ ịrẹka da.

Imatiwu 5:28 Referans Kwoze

1 Ịjọọnụ 2:16

Avaba ịsa ene hi ịnị ẹhẹ yị: Ịsa edivi ọnị ọchẹngụ azaā sì, ịsa ana azaā sị eyiī tụ́ ịnị anị, dị eyi ẹnịnị ẹ̀ yị hụụnị anị, ọnịrị ịsa ẹhẹ ọnọnị ọnị ọza sịị̄ mẹ eyi. Avaba ịsa ẹnẹnị ẹ́ yị vị ịdị Ohomorihi Ada ayị ẹ hụrẹ vẹ, ẹ́ẹhẹ ẹ vị nị.

Ụhịrẹyị 6:25

Asị ụ zẹ ka uzoza anị ọ dọ wụ ayị. Asị ụ zẹ ka eyi ọyịmẹ̀ anị o vene wu ngụ ọ ụvọ.

Ọyịkụra 20:17

Asị ụ mẹ eyọhụrẹ hi irehi ọza. Asị ụ rẹ mẹ eyọhụrẹ hi ose ọza. Asị ụ mẹ eyọhụrẹ hi ozi ahụ ọnọrụ àa vị ọnẹẹ ọza. Asị ụ mẹ eyọhụrẹ hi imaaru àa vị ịkẹrịkẹtẹ anị. Asị ụ mẹ eyọhụrẹ hị́ ịsa tura ịsa ọnị ọza ọ̀ọ nyị.”

2 Ịsamụwẹrị 11:2

Ini oruva ẹkụhị ọnya di Idevidi ohinọyị kwẹẹtẹ hụụnị ịbẹẹdị anị, dị ọ hịrẹ nọ ịrẹsụ írehi anị, dị aa zị ụsẹ ịzọọ nị. Ọ mẹ̀ vavọọ yà ịrẹsụ irehi anị, di o re ka ọnẹẹ ọnọọ, ô zoza pooro ee.

Ijoovu 31:1

Ijoovu ka ọnị ộ hị́ eku ka ọnị ẹ yị vaa sị eyi pe ozi ọnyẹnẹẹ.

Oyinyima 34:2

 nyị ọza ịnya aanị ana aā hị́ Ihamori. Ọnị ọ vị ohinọyị ẹkụra ọnọọ nị, dị ahịka Anihivi ọ vị nị. Ộ nyị ozi ọnya ana aā hi Ịsẹkẹmị, Ịsẹkẹmị mè re Idina,

2Ipita 2:14

Ịrẹkọyịsẹ kẹnẹ ẹ sị eyi pe nị, ẹnịnị ẹ́ yị zụ hụụnị ịvị ọyị mẹ. Di eyee vene aza ana ayị anị ẹ̀ yị jẹẹ. Ayị ẹnịnị ọọ ta vị tụ́ ini eyọhụrẹ, Ohomorihi o ree chì hi wa da.

Ijoovu 31:9

A vị ka ọnị ọ mẹ eyọhụrẹ ka ose ọza na,

Aniroomi 7:14

Yâ yẹ ka ọda vị ana hụụnị ụvọ Ụhwẹ Ọnịnị vẹ, ama ẹmị vị ọzarẹyịrẹsụ kẹnẹ. Ịvị ọ sị mị za ọrịhị,

Ahẹ Ụgama 119:96

Ma sị yẹ ka avaba ịsa ộ nyị ẹhwị, ama ọda ọnị ụ mẹ vị ana gụ, ẹ yị nyị ịzị ụ yà nyee eyi ịnị anị.

Imatiwu 5:39

Ama ẹma kà a yị wụ nịnị nị ka, ọza ọ̀ọ mẹ wụ odivi, asị u sí ọ atọ! Ọza ọ̀ọ nya wụ arụhwọtọ eyi ụvọrị, rẹ vara eyi ọsa kà a bẹẹ.

Imatiwu 5:22

Ama ẹ ma kà a yị wụ nịnị nị ka ọza ọ̀ọ kụ́ ayị hi ọnọhụva anị, vị aa mẹ̀ ọkarẹyị yọ nị. Ọza ana àa rẹ kụ̀ ọnọhụva anị ụhụ, a vaa hị́ ọọ ịrẹka; ama ọza ana àa tụ́ ozirenu hi ọza, ọ nyayịnẹ nọ ini ẹkụra.

Ireevi 18:20

Ẹnẹyịmavara kà Imosiisi ọ̀ kà a yị wa ka, a sị ẹ na sị ose ọza ẹnẹsa ka e ve du ẹngụ ẹnịnị ẹngụ.

Iwe Ọhụhị Imosiisi ana aa hị́ Ọyịvatụrọda 22:22

Àa za ọnọrụ ka ộ sị ose ọza, ẹnị ẹyịva vị ana sị ịrẹta-ịrẹta wụ̀ agụvị a sị kụ ebira odivi hụrẹ ẹtẹ Isirẹrị.

Ezikẹẹrị 23:16

Ó me yi re wa kẹnẹ, ẹngụ anị ẹ́ yị rẹ kụkụ dọ ọ, dị ọ tu azaa ne tu wa ẹtẹ Anikaridi nị.

Imatiwu 15:19

agụvị ka ịnị ayị ọza áriro odiviī hụrẹẹ vẹ nị, anaā mẹ ka ọ̀ọ wụ̀ ọza, dị ọ̀ọ sẹ̀ ịrẹka, di òo yi oyi, di ò ree dọ ivenu ireche, di ò ree du ọza ịrẹsụ.