Imatiwu 5:17 - IWE ỌNỊNỊ

¹⁷ “Asị u roo ka mị vẹ ka ma va kụ́ ọda kwooze nị, à vị ịrẹyị ọnịsẹ nịnị. Mẹ yị vẹ ka ma va kụ́ wa kwooze, ẹ̀ yị vị ka ma va sị iruvo avaba anị zụ̀.

Imatiwu 5:17 Referans Kwoze

Aniroomi 10:4

Ikirisiti ọ kụ́ avaba ịrẹyị ọda Aniju nịnị vẹ ịnị ọzarẹyịrẹsụ nị. Avaba ọza ana àa kụkụ sị ayị tụra Ohomorihi kẹnẹ, dị Ohomorihi kụkụ za wa ịrịka tụ́ ịnị ọnịrẹyịzẹyịza.

Iruuku 16:17

Ọ rụra mẹ ka ẹhẹ ọnịrị ẹbẹẹba ẹ̀ ta; ama àa vị ọdaa yọ, ẹ yị nyị ana vaa jịị ha ịnị anị.

Aniroomi 8:4

Ohomorihi ộ vavọọ mẹ, agụvị ẹyị ana aa zị ụsẹ anka Ụhwẹ Ohomorihi mè sì, ọ̀ zụ mẹ avaba ịsa ana vọrọ saka-saka ọnị ọda Ohomorihi sì ka aa mẹ.

Aniroomi 3:31

Áá zụ kà a ka ya raà mẹ ka ọda Ohomorihi ọ̀ vị ịrẹyị kẹnẹ-kẹnẹ? Asị Ohomorihi zẹẹ! Ọda vị ọnị ị hyakụ sị tụ́ udi ana vọrọ tụra a.

Ayịsaya 42:21

Ayị Ẹnẹyịmavara ô hine, agụvị ịsa ana vọrọ ọnị ọọ̄ mẹ̀. Ộ sị ụbanyị yị ọda anị, dị ọ mẹ ka ọ nyị igirima nị.

Imatiwu 7:12

Avaba ịsị u wèe sì ka ọza ọ̀ mẹ hi wu nịnị, ẹwà rẹ vavọọ mẹ̀ ẹ hi wa! Iruvo ọda ọnịrị ịrẹyị ọnịsẹ nịnị ọ vị ọnọọ nị.”

Imatiwu 3:15

Dị Ijeesu tụ́ ohi, dị ọ́ kà a yọ ka, “Naavọ wa vavọọ mẹ ẹ! Yàa vavọọ mẹ, ịsa ọnị Ohomorihi si ka ya mẹ̀, ị yaa mẹ avọọ nị”. Ịjọnọọ dị Ịjọọnụ zẹẹ yọ nị.

Odeyi 18:13

Dị ẹ ka, “Ọnọrụ ọnọnị aa za aza ka ẹ̀ẹ hẹkẹ Ohomorihi ini oze ọnị ọda ayị ọ̀ yị zẹẹ.”

Odeyi 6:13

Dị ẹ hị́ onivenu ireche vẹ, ana kà a ka, “Ọnọrụ ọnọnị vị ana aa mẹ akanya ịrẹyị odivi ọyịkà a hi irehi Ohomorihi, dị ọ raa kà ịrẹyị odivii hi ọda oni Imosiisi mẹ nị.

Ịjọọnụ 8:5

Anka ọda ayị, Imosiisi vị ana kà a ka ẹngụ ọnẹẹ ọnọnị, asị ịrẹta-ịrẹta wụ ọ. Sị ẹwụ kà tụ̀ ọọ?”

Odeyi 21:28

Di e nowu ka, “Ẹwụ nịnị Anisirẹrị, gụ yị ụvọ! Ọnọrụ ana aa ngụ ọọ zị yị, dị aa kà ịrẹyị odivi Anisirẹrị ọnịrị ọda Imosiisi beri irehi ọnịnị ọnọnịị yị avaba aza nị. Wee re, ọ mẹ̀ hyakụ kụ́ Anigiriki vẹ ịzẹnị ka è ve du irehi Ohomorihi ẹngụ!”