Imatiwu 4:9 - IWE ỌNỊNỊ

⁹ Dị ọ kà a yị Ijeesu ka, “Avaba ịsa ẹnẹnị mị vaa sịị yị wụ nị, wàa zẹẹ ka wa va ku ẹtẹ, dị ụ wa kụ́ mị.”

Imatiwu 4:9 Referans Kwoze

2 Anịkọrịntị 4:4

Ẹnịnị ẹ yị dọ wụ, agụvị ka Echu ana anẹhẹ nịnị aa hẹkẹ, ọ sị wa ayị gu. Ọ yị zẹẹ ka è re ẹtohweyi ene ee hweyii tụra wa. Etohweyi ọnọọ vị ana hụụnị enube ọyịza Ijeesu oni Ohomorihi nyị mẹ ohinọyị ka ọ̀ dọ há, ana nyị igirima vẹ. Ọza oni Ohomorihi nyị ọdọzaha aanị vị uhwoto Ohomorihi.

Ẹtore 19:10

Dị mị và ku ẹtẹ ọvịdị anị ka ma hẹkẹ ẹ nị. Ama dị ọ kà a mị asị mị vavọọ mẹ nị. Ọ kà, Ọnịrị ẹyị dudu vị ezi ahụ beri anda ayị nịnị ana dọ ịrẹyị Ijeesu wụ́. Ohomorihi a vọrọ ka yaa hẹkẹ nị. Ịrẹyị ọnị Ijeesu sị zụ̀ ọ mẹ ka ọnịsẹ nịnị ẹ̀ zụ kà ịsẹ nị.

Ịjọọnụ 16:11

Ọ rẹ vaa sịị zụ̀ ịsị ẹ vị ọkarẹyị Ohomorihi, agụvị ka Ohomorihi ọ sị ịvị jị yị ohinọyị ẹhẹ ọnọnị da.

1 Itimoti 3:6

Ọza ana vaa vị ọdọvịdị, áa vọrọ ka ò si kù ọnị ọ sị ayị tụra Ijeesu. Àyị vị avọọ, dị aa mẹ eyi, dị aa sị ẹngụụ tụ́ ẹba, dị Ohomorihi jị ịvị yọ, anka ọ mẹ̀ jị ịvị yị Echu avọọ.

Ahẹ Ụgama 72:11

Avaba ohinọyị vi ene vee kú ẹtẹẹ yị ohinọyị ayị ọnọnị, dị avaba anẹhẹ aa hẹkẹ ẹ.

Ẹtore 19:16

 chẹrẹ ịrẹha ọnya aanị tụ́ ịnị awuru anị ọnịrị ịnị usi anị ka, “Ọza ana nyị avaba aza ọnị Ohinọyị avaba ohinọyị nịnị.”

Ịjọọnụ 14:30

Me yi kuku sì ka ma kà ịrẹyịị wụ nịnị gọdọ hu aanị, agụvị ka ohinọyị ẹhẹ ọnọnị aa vẹ. Ama ọ yị nyị ụkata ị́rẹsụ amị.

Ịjọọnụ 13:3

Ijeesu ộ yẹ ka Ada anị ọ raà sị avaba ịsa chire ọnị ụvọ; ọ rẹ yẹ ka ịdị Ohomorihi ọ́nị hụrẹ vẹ, dị ọnị raa vàa nọ ịdị Ohomorihi nị.

Ịjọọnụ 12:31

O si tù ụmẹ booro aanị ka à mẹ̀ ọkarẹyị yị anẹhẹ. Booro aanị a vaa dụ ohinọyị ẹhẹ ọnọnịị jịnẹẹ kwooze nị.

Imatiwu 26:15

Dị ọ kà a yị wa ka, “Sị ụ vaa sịị mị nịnị, dị ma sị Ijeesu chire wu nịnị ụvọ?” Dị ẹ sị akata yọ nị.

Ịdanịyẹrị 4:32

Ọ kà, a vaa dụ ọ hụụnị ẹkụra dị ọnịrị uye ịnị avị nịnị kụkụ na rá. Ọ vaa rị avị anka ụnọ avọọ mẹ ịrayị ịhịmba. Ịjị ọnọọ ọ vaa yẹ́ ka Ohomorihi ene hu kere-kere ọ nyị ọda avaba anẹhẹ nị ọnịrị ka ọza enee ze e eyi ọ́ nyẹngụ sị rị ohinọyị nị.

Ụhịrẹyị 8:15

Ọnị ọọ̄ mẹ̀ ka ohinọyị nịnị ẹ̀ẹ mẹ ịjọva, dị ọdọvịdị nịnị ẹnị ẹ rẹ mẹ ọda ene zoza nị.

Imatiwu 4:10

Ịjọnọọ dị Ijeesu kà a yọ ka, “Và ị́rẹma amị, ẹwụ Isitani, agụvị ka â chẹrẹẹ ka: ‘Waa va ku ẹtẹẹ yị Ohomorihi Ananyị yị; ọnị ịnyara kẹnẹ ụ rẹ vaa hẹkẹ nị!’ ”