Imatiwu 3:16 - IWE ỌNỊNỊ

¹⁶ Ịjị a sị ọyịhwenyi mẹ yị Ijeesu kẹnẹ, dị ọ jịnẹ hụụnị enyi vẹ nị. Re, dị ihinẹba na hi ẹtẹ, dị o re ka Ụhwẹ Ọnịnị Ohomorihi anka arivadi avọọ, dị ọ và kú ọ nị.

Imatiwu 3:16 Referans Kwoze

Ayịsaya 11:2

Ẹnẹyịmavara vaa sị ụhwẹ anịị tụ́ ịnị ayị anị, dị ọ mẹ ka ọ̀ yẹ ịrẹyị ẹtẹẹtẹrẹ. Ọ rẹ vaa mẹ ka ọ yara pè ọza jiwe, dị ọ rẹ sị ụkata yọ. Ohinọyị ọnọọ vaa yẹ ịsa ọnị Ohomorihi sì,

Ịmaakị 1:10

Íjeesu mẹ̀ yị jịnẹ hụụnị enyi vẹ kẹnẹ, di o re ka ihinẹba aa naa hi ẹtẹ, dị Ụhwẹ Ọnịnị ee chí vẹ anka arivadi avọọ, di o ve kú ọọ nị.

Ayịsaya 42:1

Ẹnẹyịmavara kà; “Ozi ahụ amị yị, Ẹma sị ụkata yọ nị. Ma sị ọ nyị̀, ayị amị ô hine tù ọ. Ma raà sị ụhwẹ amịị yọ; Ọ vaa mẹ̀ ebira ana vọrọọ hi avaba anẹhẹ.

Ayịsaya 61:1

Ụhwẹ Ọnịnị Ẹnẹyịmavara Ohomorihi ộ dọ avaba ayị amị, Ọ raà nyị mị, dị ọ tụ́ mị Ka ma Kà enube ọyịza yị onosiye nịnị Dị ma mẹ ụkụ aza ọnị ayị ẹnịnị dụ dị ma nọ ọ ọyịhụrẹ ụvọ aza ana a za a ọnịrị ẹngwọọrọ yị

Odeyi 7:56

Dị Isitivini ka, “Re! Mee re, íhinẹbaa mẹ̀ na hi ẹtẹ, di Ozi ọza onigirima jẹẹ éyi ụvọrị Ohomorihi nị!”

Ezikẹẹrị 1:1

 nyị ọnọrụ ọnya aanị, ana aā hị́ Ezikẹẹrị; ozi ọnọrụ na aā hị́ Ibuzi ọ vị̀ nị, dị ọ vị ohirẹsụ irehi Ohomorihi nị. Ezikẹẹrị ka, ịnị ẹkụhị ọhụhị ịnị ụhwẹ ọhụna ọnị ọnị gụ ịrayị ohurẹẹwụ, ọnịrị Aniju ana vọ ana a za ọrịhị ve hi Ịbabịrọnị mẹ ra hi ụtọ irehu ana aā hị́ Icheba, â nyị ẹtẹ ọnị Ohomorihi sị zụ ọnị.

Ịjọọnụ 3:34

Ọza oni Ohomorihi tụ́ vẹ ẹhẹ, vị ana aa kà ịrẹyị Ohomorihi, agụvị ka Ohomorihi ọ́ sị Ụhwẹ Ọnịnịị yọ ẹtẹẹtẹrẹ.

Ayịsaya 59:21

Ẹnẹyịmavara ộ kà yị aza anị ka ọnị vaa sị ụkata anị ọnịrị ịrẹyị anị yị wa pooro zịna-zịna. Ẹ sị ịrẹyị anị zụ ezi ẹnịnị ne tu ezi ịrẹma-ịrẹma ka ẹ wụ́ chire ọnị.

Ịjọọnụ 1:51

Dị Ijeesu rẹ kà a yọ ka, “Ịzẹyịza m maa kà a wụ nị: U vee re ka ẹbẹẹba ộ na hi ẹtẹ, dị anggẹẹrị Ohomorihi aa vaa hịrẹẹ vaachi ịrẹsụ ẹmị Ozi ọza onigirima.”

Odeyi 1:22

hụrẹ ụmẹ ọnị Ịjọọnụ hụrẹ aa sịị mẹ̀ ọyịhwọzenyi ne tù ụmẹ oni Ijeesu sị hụrẹ ịdị ayị nọ ẹbẹẹba, â vọrọ ka à nyị ọza ịnya ẹnẹ ẹyịrịị va zụụ dọ ivenu tụ́ ọọ ka Ijeesu ọ sị ha hụụnị isu.”

1 Ịjọọnụ 5:6

Ijeesu Ikirisiti ọ vẹ ẹhẹ dị a sị enyi mẹ̀ ọyịhwọzenyi yọ nị, dị o re che anya anị sẹ ẹtẹ nị. Ẹ́ yị vị enyi kẹnẹ ọ sị vẹ, ama enyi beri anya. Ụhwẹ Ọnịnị ọ dọ ivenu tụ́ ọ nị, wáa yẹ ka Ụhwẹ Ọnịnị o mē cheeche.