Imatiwu 27:5 - IWE ỌNỊNỊ

⁵ Dị ọ và ẹkẹhị ẹnẹẹ hi ẹtẹ ini irehi Ohomorihi, dị ọ na, di o ne zù obo yị ẹngụ anị nị.

Imatiwu 27:5 Referans Kwoze

2 Ịsamụwẹrị 17:23

Ịjị Ahitohwẹrị re ka ọza ọ yị dọ ịrẹyị anị mẹ̀ ụkọrọ, di o tenyi umaata anị, dị ọ tụra a, di o si huu aa nọ eehi anị ẹkụra anị nị. Ịjị o tù eehi, di o tenyi irehi anị, di o ne zụ̀ obo yị ẹngụ anị nị. Ó mè wusu di e ne e tụ́ ini ikuta ada anị nị.

Iruuku 1:21

Dị aza ene hi ẹhẹ, ẹnị yị jẹẹ ee zí Ịzakaraya nị. Di e yee ro o ka sị ẹ vẹ dị ọ vavọọ ee kù ini irehi Ohomorihi nị.

Iruuku 1:9

Anka ohirẹsụ irehi Ohomorihi nịnịī mẹẹ mẹ̀, ọnị ọ́ za ka ọ̀ ngụ ini irehi Ohomorihi na rị eturare ịra hi Ohomorihi nị.

Ahẹ Ụgama 55:23

Ohomorihi, aza edivi vị ọnị ụ vaa gụụ hyẹdụ Ọwọza ọnịrị onireche e yi yèe tù achẹva ẹhẹ ẹnịnị di è sú Ama ẹmị vị ana vaa sị ayịị tụra wụ.

Ijoovu 7:15

Dị mị kụkụ ka, àa vana sị ụvọ hi mi ọbẹ di mi su nị, ộ dà mi hí huni ka ma maanị rị ụya nị.

Ijoovu 2:9

Ịjị ose Ijoovu maanị re ọva anị, dị ọ ka, ịzẹyịza ịsị ọ nyị ọnị kụkụ aa mẹ. Ọ vana dahi ka ọ kụ Ohomorihi ụhụ dị o su.

1 Ohinọyị 16:18

Ịjị Izimiri si re ka aa vaa rị ẹkụra ọnọọ, di o hu dị ọ nọ ini ohweje ini eehi ohinọyị nị. O mè tù ịzọọ, dị ọ jị ịra tụ́ irehi ohinọyị dị ọ rị ọ ịra kú ẹngụ anị, di o sú nị.

Ọdọvịdị 9:54

Obobooro ọnọọ, Abimẹrẹkị hị́ ọza ana aā kụ ẹnya ịrẹkụ anị gụ ọ ka ọ tụ ụ̀hwọ̀ anị dị ọ wụ ọnị. Ọ kà a mẹ vaa wụ́ ka ọnyẹnẹẹ ọ wụ ọnị nị. Ịzẹyịza dị ozi ahụ anị ọnọọ jị ụhwọ ngụ ẹngụ dị ọ wụ̀ ọ nị.

Imatiwu 26:61

dị ẹ ka, “Ọnọrụ ọnọnị ộ kà a ka ọnị o nyengu wú irehi Ohomorihi ọnọnị hi ẹtẹ, ịhyẹgwẹta anị, di oni re tenyi ọọ dà.”

Imatiwu 27:6

Dị ohirẹsụ ẹbanyị irehi Ohomorihi kụ́ ẹkẹhị ẹnẹẹ, dị ẹ ka, “Ẹkẹhị enee si sí ọza ana wụ̀ ọza ụta yị; ọda ayị ọ yị zẹẹ ka à sị tụ́ ini irehi Ohomorihi.”