Imatiwu 27:46 - IWE ỌNỊNỊ

⁴⁶ Ịnị ẹhụụ ụmẹ agogo ẹẹta, dị Ijeesu nowu tụ́ ẹba, dị ọ ka, “Ohomorihi amị, Ohomorihi amị, sị ẹ vẹ dị ụ sị ayị hụụnị ịrẹyị amị?”

Imatiwu 27:46 Referans Kwoze

Ahẹ Ụgama 22:1

Ohomorihi amị, Ohomorihi amị, te, vi u hi ayị amị nị? Mee nowu ka wa gụ mị ụvọ ama we yi tụ́ mi ohi vụrụ-vụrụ.

Anihiburu 5:7

Ịnị ụmẹ oni Ijeesu sị yà ẹhẹ, ộ mẹ̀ aduwa ẹtẹẹtẹrẹ, dị ọ hyakụ aa ká ẹgọ, o mèe nowuu hị́ Ohomorihi ana zụ dọ ọ tụ ka asị ọ sú, Ohomorihi ộ wụ́ aduwa anị agụvị ka ộ sị ayị yị Ohomorihi.

Ayịsaya 53:10

Ama ô ze Ẹnẹyịmavara eyi ka ọ̀ vavọọ rị ụya. Isu anị ọ vị ịsọvọ ana mẹ ka à vagu ịvị yị aza nị. Agụvị avọọ, o vee re ezi anị; o vee kú orubo. Ọnị Ẹ́nẹyịmavara vaa sị mẹ̀ ịsa o sì ka ọnị aa mẹ nị.

Ịmaakị 15:34

Ịnị ụmẹ agogo ẹẹta, dị Ijeesu nowu tụ́ ẹba, dị ọ ka, “Ohomorihi amị, Ohomorihi amị, sị ẹ vẹ dị ụ sị ayị hụụnị ịrẹyị amị?”

Ahẹ Ụgama 71:11

Ẹ ka ẹwụ Ohomorihi o reè ne mi ta. Ẹ ka àa dụ mị dị à za mị ka ẹ yị kụkụ nyị ọza ana vaa dọ mịị tụ́.

Iruuku 23:46

Dị Ijeesu nowu tụ́ ẹba, dị ọ ka, “Nda, mâ sị ụhwẹ amị chire wu ụvọ.” Ịjị ọ maanị sị kà, dị ọ hụrẹ ụhwẹ anị ụvọ nị.

Arụwẹ 1:12

Ẹ yaa hị́ avaba aza anaa parahu ẹ maa jị òrèrè. Ẹ ka, “Ọzọza o re ịsị Ẹnẹyịmavara sị ẹnị mẹ̀. Ẹ yị nyị ọza ana maanị rị ẹngụ ụya ọnị ẹnị rị aanị da”. Ẹnẹyịmavara vị ana sị ọyịkụ-ọyịkụ sị sị ụya rị ẹnị.

Imatiwu 27:47

Aza ẹnyị ana jẹẹ ịzọọ, dị ẹ wụ́, ệ kà a ka vị aa hị́ Erija nị.