Imatiwu 27:4 - IWE ỌNỊNỊ

⁴ Dị ọ ka, “Ma sị ịvị mẹ, agụvị ka mâ sị ọza ẹnẹ ẹ̀ yị nyị ịsị ọ mẹ chire ọnịvị ụvọ ka ẹ̀ wụ̀ ọọ.” Dị ẹnịnị tụ́ ohi, dị ẹ ka, “Ịzị ọnọọ gẹ ẹyịrị ẹwụ? Áawụ ọ́nọọ kụkụ vị nọ!”

Imatiwu 27:4 Referans Kwoze

1 Ịjọọnụ 3:12

Asị ị mẹ̀ ebira anka ọza ana aā hị́ Ikeeni. Ikeeni vị ozi Echu, dị ọ za ọyịnyara anị dị ọ wụ̀ ọ nị. Sị ẹ vẹ dị ọ wụ̀ ọ? Agụvị ka avaba ịsa ọnị Ikeeni aa mẹ, vị ịsa edivi; ama ọyịnyara anị vị anaā mẹ ịzẹyịza.

1Ipita 1:19

ama anya Ikirisiti ụvọta ana vị ịsa ọkụmị-ọkụmị yọ nị. Anya ọnọọ vị ana sị mẹẹ anka anya ozi atẹmẹ ana a sịị̄ mẹ̀ ịsọvọ ẹnẹ ẹ̀ yị mā nyị ịdọtị, àa vị ụkụ vụrụ-vụrụ.

Anihiburu 7:26

Ijeesu ọ vị ohirẹsụ ọbanyị irehi Ohomorihi ene rere yi nị. Ọnịnị ọ vị nị, ọ yị mẹ̀ ịsa odivi vụrụ-vụrụ. Ohomorihi ọ raà sị ọ hụụnị akakana ọnịvị nịnị, dị ọ sị ọ tụ́ ẹbẹẹba keekere nị.

Ịtayịtọsị 1:16

Ẹẹ̄ sị irenuu kà a ka ẹnị ẹẹ̄ yẹ Ohomorihi, ama ebira ẹnịnị ẹ́ yị sị zụ ka ẹ́ẹ yẹ Ohomorihi. Ịsa eenyisi ẹnịnịị̄ mẹ nị, dị ẹ rẹ yaa mẹ akamawụ nị, ẹ yị nyị ịsa ozoza ẹnẹ ẹnịnị zụ mẹ vụrụ-vụrụ.

1 Itimoti 4:2

Dị eyee cheeche, dị ẹyaa mẹ ogevegeve. Dị ayị ẹnịnị ẹ yị hyakụ kụkụ jị pèe, dị ọ sị mẹẹ ka vị a raà sị enyusẹ ịrịịra tụra ayị ẹnịnị, dị a sị ọọ wụ nị.

Aniroomi 3:19

Yáa yẹ ka avaba ịsị a chẹrẹ tụ́ ịnị ọda Ohomorihi ọ́ọ za a avaba aza anaa sị ọda ọnọọ yị. Ọnọọ vaa mẹ ka asị a nyị ọza ene kuku zụ re kụ́; dị avaba anẹhẹ ẹ̀ na kụ́ irenu ẹnịnị ọ́vịdị Ohomorihi.

Odeyi 13:28

Ẹnịnị ẹ yị hyakụ zụ re ịrẹyị ana a vọrọ ka à sị mẹ̀ ọkarẹyị isu yọ, ama ẹ kị ka Ipayireti ọ̀ wụ ọọ.

Ịjọọnụ 19:7

Dị Aniju nịnị tụ́ ọọ ohi, dị ẹ ka, “Yâ nyị ọda ọnya. Anka ọda ayị ọnọọ, vị a vọrọ ka ò sú nị, agụvị ka aa hị́ ẹngụ anị Ozi Ohomorihi nị.”

Iruuku 23:47

Ọga isoja ẹchẹhị nịnị ô re ịsa ana mẹ, dị ọ sị ụga yị Ohomorihi nị, dị ọ ka, “Ịzẹyịza, ọnịrẹyịzẹyịza ọ́nọrụ ọnọnị vị nị.”

Iruuku 23:41

Ọkarẹyị ẹyị ọnị ộ vọrọ, agụvị ka ụkọrọ ụvọ ayị, ị yaa rị ọgụ anị nị. Ama ẹ yị nyị ịsa odivi ọnị ọnọrụ ọnọnị mẹ.”

Iruuku 23:22

Dị Ipayireti rẹ kà a yị wa ụpẹ ọhụta ka, “Sị ẹ vẹ, sị ẹ vị ịsa odivi ọnị ọ mẹ? Me yi re ịrẹyị ana a vọrọ ka à sị wụ ọ. Maa kà a ka è tụ́ ọọ ịjapa, dị ma hụrẹ ẹ ụvọ.”

Imatiwu 27:54

Ọga isoja ẹchẹhị nịnị ọnịrị isoja nịnị ana yà pe e ene ee sere Ijeesu, ê re, ẹ́tẹ mè henyi ọnịrị avaba ịsa ana mẹ. Angwa ô hí wa, dị ẹ ka, “Ịzẹyịza, ọnọrụ ọnọnị vị Ozi Ohomorihi o!”

Imatiwu 27:19

Ípayireti mẹ̀ yaayịtẹ ịnị aga ọkarẹyị anị, ose anị ộ tụ́ ụtụ hi ọọ ka, “Asị ụ bẹ ụvọ tụ́ ịrẹyị ọnọrụ ọnọọ, oo, agụvị ka ẹ yị nyị ịsị ọ mẹ. Eyi amị ô re ịrẹyị ẹtẹẹtẹrẹ ịnị ụra ajịnị agụvị ịrẹyị anị.”

Ijona 1:14

Ịjị enyi sị da wa ụvọ, dị e yee nowu hí Ẹnẹyịmavara kà ọ̀ navọ asị o vu ẹnị ẹtẹ agụvị ọnọrụ ọnọnị nị. Dị asị o kune ẹnya ịvị isu anị gẹ ẹnị ọbẹ. Dị ẹ ka ẹnị ệ yẹ ka ịnị ụvọ anị akanya ọnọnị hụrẹ vẹ nị. Ẹnẹyịmavara vị ana mẹ̀ ịsa ò me zee e eyi.

Ijeremaya 26:15

Ọ kà, ama ẹnịnị ẹ̀ yẹ ọsọnị ka, ẹnịnị ẹ̀ẹ wụ ọnị ẹnịrị avaba Anijerusarẹmị vaa rị ịvị ka ẹnị ệ wụ̀ ọza ẹnẹ ẹ̀ yị nyị ịsị ọ mẹ. Ẹnẹyịmavara ọ ka ọnị ọ̀ va maanị kà wa ọnọ nị.

Ijoovu 16:2

ọnị ọ vịdị raa wụ ẹngụ ịrẹyị ọnị ọ ka aanị. Ẹ yị nyị ịrẹyị ẹnịnị ana sị ayị anị nẹtẹ vụrụ-vụrụ.

2 Ohinọyị 24:4

Ẹnẹyịmavara ộ yị vagu ọ agụvị ka ọ raà wụ̀ aza ẹnị ẹ yị nyị ịsị e mẹ̀ ẹ va ha. Anya aza ẹnẹẹ vi ene hi yị avaba Ijerusarẹmị.

1 Ohinọyị 21:27

Ahabị mẹ̀ maanị wụ́ ịrẹyị ẹnẹnị, dị ọ za ịta anị dị ọ nà a nị. Dị ọ sị ịta kú ẹngụ ọ́za oni oku sú avọọ, dị aa ba awẹ, dị ọ hụtụ tụ́ ịnị atịtọ nị. Di ahịka vị ọ kụkụ aa zi siisii nị.

1 Ịsamụwẹrị 15:30

Dị Ịsọọrụ tụ́ ohi dị ọ ka, “Mâ yẹ ka ma sị akụvị mẹ, ama navọ asị ụ mẹ̀ ụhị nyị mị ịnị eyi ọdọvịdị aza amị ọnịrị Anisirẹrị. Navọ wa saasa mị varẹma dị ma na hẹkẹ Ẹnẹyịmavara ana vị Ohomorihi awụ.”

1 Ịsamụwẹrị 15:24

Dị Ịsọọrụ va kà a yị Ịsamụwẹrị dị ọ ka, “Ma sị ebira odivi mẹ̀, ma raà jịnẹ ọda ọnị Ẹnẹyịmavara mẹ̀ ọnịrị ịrẹyị ọnị ụ kà yị mị. Aza ana saasa mị nọ ịrẹkụ mi ne hí angwa anị, dị mị na dọ ooho yị wa nị.

Ọyịkụra 12:31

Ịnị ịrahụ ọnọọ di Ihwarawo tụ́ na hị́ Imosiisi ọnịrị Eerọnị dị ọ ka, “Buru-buru, ẹnịrị Anisirẹrị anda ẹnịnị ọ̀ wụsẹ kwooze yị aza anị. Ọ kà ẹ̀ wụsẹ na, dị ẹ na hẹkẹ Ẹnẹyịmavara anka e mè họ̀ use nị.

Ọyịkụra 9:27

Di Ihwarawo va tụ́ na hị́ Imosiisi ọnịrị Eerọnị nị. Dị ọ ka ọnị ộ dọ booro aanị ka ọnị ọ sị ebira odivi mẹ̀. Ịsị Ẹnẹyịmavara mẹ ọ gẹ ẹ nị. Dị ọ ka ọnịrị avaba aza anị e si nyeeyi nị.

Ẹtore 11:10

Dị anẹhẹ nịnị aa jẹ agụvị ọnịsẹ ẹẹva ẹnẹẹ. Dị ẹyaa mẹ inohine, dị ẹyaa kụ́ ẹyịza tụ́ụ hi ẹngụ, agụvị ka ọnịsẹ ẹẹva ệ vịdị sị ụyọrị va tù anẹhẹ.

Ijoovu 13:4

Àa vị ẹwụ nịnị yọ, ireche oni wee che nini, ẹ́ yị zẹẹ ka á yẹ ka ẹ̀ yị nyị ịsị u yẹ nịnị. Vị́ ụ sị mẹẹ nịnị anka ọmahọnọ ẹnẹ ẹ̀ yị zụ mẹ ọza ụkụ avọọ nị.

1 Ịsamụwẹrị 19:5

Dị ọ rẹ ka, “Idevidi vị ana sị ịrẹsụ tụ́ isu dị ọ na wụ Igorayati Anihwirisiti. Ọ kà Ịsọọrụ ô re e Ẹnẹyịmavara mẹ ka Anisirẹrị è huna ọnịvị ẹnịnị, dị ọnị ụvọta hyakụ aa jẹ nị.” Di Ijonatani rẹ ka, “Wàa wụ Idevidi dị wa yẹ ka ebira odivi ụ mẹ nị agụvị ka ẹ yị nyị ịsị ọ mẹ.”

Ahẹ Ụgama 94:21

Ệ va iruvo bẹ ẹ yaa gẹ eyi aza ana aa mẹ̀ ebira ana vọrọ, ẹ̀ẹ za ọza ẹnẹ ẹ̀ yị nyị ịsị ọ mẹ, dị ẹ ka à na wụ ọ.

Ụhịrẹyị 12:8

Ọza ana nyị ịrẹyọyẹ vị ana aā sị ụbanyị yị ama ọnụra vị ana aā sị eyi wụ.