Imatiwu 27:25 - IWE ỌNỊNỊ

²⁵ Dị avaba ẹnịnị tụ́ ohi, dị ẹ ka, “Naavọ, ịvị isu anị ọ̀ọ yà ịnị ịrẹsụ ayị ọnịrị ịrẹsụ ezi eyi!”

Imatiwu 27:25 Referans Kwoze

Ijosuwa 2:19

Ama ẹnẹ yị vaa nyị ụvọ tu ịnị usu ọza tura ọza ana aa jịnẹ hụụnị ịnị irehi ọnọọ tụ́ ẹhẹ ịnị ụpatẹsị nị.

Odeyi 5:28

“Aanịka yẹ́ẹ́ kà wụ nịnị ọ̀nọ̀ ka asị ụ kụkụ sị ịrẹha ọnọnị zụ̀ aza ịsa nịnị? Wee re nịnị! Ịsị ụ waa sịị zụ̀ aza nịnị, ọ sị gara hi avaba Ijerusarẹmị. Wee sì ka à kà a ka ẹ ya mẹ ka a wụ̀ nị.”

Odeyi 7:52

Áá nyị ọnịsẹ oni ohiku awụ nịnị ọ̀ yị sị ụya rị da? Ẹ raà wụ̀ aza ana vịdị va kà a tịtẹ ka Ọnịzẹyịza ọnọọ aa vẹ. Ọza ọnọọ u si chire aza ụvọ, dị ụ wụ̀ ọ nịnị nị.

Iwe Ọhụhị Imosiisi ana aa hị́ Ọyịvatụrọda 19:10

Vavọọ mẹ̀ ẹ agụvị asị a rẹ wụ̀ aza ẹnẹ ẹ yị nyị ịsị ẹ mẹ̀ va ha kẹnẹ-kẹnẹ, dị ịvị anị ọ vaa ẹnya tụra awụ nịnị ịrẹsụ ịnị ogu ẹtẹ ọnị Ohomorihi sị yị wụ nịnị.

Ịrịka 35:33

Ọza anaa vavọọ mẹ, o reè du ẹtẹ. Ọza ana wụ́ ọza vị ene du ẹtẹ. Ẹtẹ ọ yị zụ nị, ẹ́yị vị aa rẹ wụ́ ọnị.

1 Ohinọyị 2:32

Ẹnẹyịmavara va họ̀ ọ oponu aza ọnị ọ wụ. Aza ẹnẹẹ ọnị ọ wụ̀ ọ vị ọnịzẹyịza, dị ẹ rẹ nyị ebira ozoza huna a nị. Ijowabi vị ana sị ụ̀hwọ̀ wụ̀ aza ẹnẹẹ, ama Idevidi ada amị ẹ yị yẹ. Aza ẹnẹẹ ọnị ọ vavọọ wụ ẹ vị Abịna ozi Ineri ana vị ọga isoja Anisirẹrị ọnịrị Amasa ozi Ijeteri ana vị ọga Isoja Anijuda.

2 Ịsamụwẹrị 1:16

Di Idevidi ka, “Wèe sú, ẹwa rị ịvị ẹngụ awụ nị. Ịrẹyị ọnị ẹwụ ụvọta kà vi ivenu, ka ẹwa wụ̀ ọza ọnị Ẹnẹyịmavara nyị mẹ ohinọyị nị.”

Iwe Ọhụhị Imosiisi ana aa hị́ Ọyịvatụrọda 19:13

Asị ụ vayị anị. Dọ Isirẹrị tịtẹ hụụnị ụvọ ọwọza agụvị ẹkụra ọ nyị ẹngwọọrọ.

Ọyịkụra 20:5

Wẹ yị nyayịnẹ hẹkẹ wa. Ẹma vị Ẹnẹyịmavara ana vị Ohomorihi awụ nị. Me mē sì ka ọza ò sì ịrẹyị amị di ò re kuku ne sì ịrẹyị ori. Ọza ọ̀ọ nyị ịhyẹrẹ amị ịvị ọ mẹ avọọ nị. Maa sị ụya anịị rị ọ ne beri ozi anị ọnịrị aazị anị ne chire ẹmaazị anị.

Imatiwu 21:44

[Ọza tụra ọza ana àa hyẹdụ nya ịrẹta ọnọnị, vị aa gara nị. Ama ọza ọnị ịrẹta ọnọọ ọ̀ọ hụrẹ nya, vị aa kwọ̀ ọ nẹrẹ-nẹrẹ nị.”]

Odeyi 18:6

Ịjị ẹnịnị kwẹẹtẹ tù Ịpọọrụ, dị ẹyaa kụ̀ ọọ ụhụ, dị ọ bànyị awuru hi wa, dị ọ ka, “Wèe kuku vú nịnị, ẹwụ nịnị ọ nyị ohuvọ anị nị! Mẹ yị nyị ụvọ tụ́ ịnị usu awụ nịnị. Hụrẹ ọyaanị na, ịdị Anigiriki, mị kụkụ aa nọ nị.”