Imatiwu 27:19 - IWE ỌNỊNỊ

¹⁹ Ípayireti mẹ̀ yaayịtẹ ịnị aga ọkarẹyị anị, ose anị ộ tụ́ ụtụ hi ọọ ka, “Asị ụ bẹ ụvọ tụ́ ịrẹyị ọnọrụ ọnọọ, oo, agụvị ka ẹ yị nyị ịsị ọ mẹ. Eyi amị ô re ịrẹyị ẹtẹẹtẹrẹ ịnị ụra ajịnị agụvị ịrẹyị anị.”

Imatiwu 27:19 Referans Kwoze

Imatiwu 27:24

Ịjị Ipayireti re ka ẹ yị nyị ịsị ọnị zụ mẹ, ka ịrazị hyakụ aa vaa chị, dị ọ sị enyi, dị ọ sị nyịna ụvọ anị éyi avaba aza nị, dị ọ ka, “Ẹ yị nyị ụvọ amị rị tụ́ ịnị iswọọza ẹnẹ ẹ̀ yị nyị ịsị ọ mẹ aanị, oo! Ịrẹyị awụ nịnị ọ vị nị.”

1Ipita 2:22

Ẹ́ yị nyị ụmẹ ọnị ọ sị mẹ ịvị, ọza ộ yị rẹ wụ́ ịrẹyị ireche ini irenu ani da.

Ịjọọnụ 19:13

Ịjị Ipayireti vavọọ wụ́ ịrẹyị ọnọọ, dị ọ sị Ijeesu jịnẹ vẹ nị. Dị ọ va yaayịtẹ aha ọkarẹyị anị nị. Aā hị́ ịzọọ “Oze ịrẹta”, ama Igabata Ániheberuū hị́ ọọ nị.

Iruuku 23:47

Ọga isoja ẹchẹhị nịnị ô re ịsa ana mẹ, dị ọ sị ụga yị Ohomorihi nị, dị ọ ka, “Ịzẹyịza, ọnịrẹyịzẹyịza ọ́nọrụ ọnọnị vị nị.”

Ụhịrẹyị 29:1

Ọza anaa ka ọnị ọ mā dọ ohuvọ ọza, vị ana jị obo nee vu.

1 Ịjọọnụ 2:1

Ẹwụ nịnị ezi emi, maa chẹrẹ ịsa ẹnẹnịị tụ́ụ hi wu nịnị agụvị asị ụ mẹ̀ ịvị nịnị. Ama àa nyị ọza ana mẹ ịvị, áa nyị ọnịpọda ọnya ana yà ịdị Ohomorihi Ada ayị; ọza ọnọọ ọ vị Ijeesu Ikirisiti ana vị ọnịrẹyịzẹyịza nị.

Imatiwu 27:4

Dị ọ ka, “Ma sị ịvị mẹ, agụvị ka mâ sị ọza ẹnẹ ẹ̀ yị nyị ịsị ọ mẹ chire ọnịvị ụvọ ka ẹ̀ wụ̀ ọọ.” Dị ẹnịnị tụ́ ohi, dị ẹ ka, “Ịzị ọnọọ gẹ ẹyịrị ẹwụ? Áawụ ọ́nọọ kụkụ vị nọ!”

Imatiwu 2:22

Ama ịjị Ijosẹẹhụ wụ ka Achẹrọsị ọ dọ ada anị Ịhẹrọdị ịrẹsụ ịnị ẹtẹ Ijudiya nị, angwa ô hí ọ ọyị nọ ịzọọ. Ohomorihi ộ kà a ọnọ ịnị ụra, dị ọ tangwa na yà Igariri nị.

Imatiwu 2:19

Ịjị Ịhẹrọdị wusu, dị anggẹẹrị Ohomorihi ọnya rẹ sị ẹngụ zụ̀ Ijosẹẹhụ ịnị ụra ịnị ẹtẹ Ijipiti nị,

Imatiwu 1:20

Ama o mee rò ịrẹyị tụ ịrẹsụ ịsa ẹnẹnị, re, dị anggẹẹrị Ohomorihi sị ẹngụ zụ ọ ịnị ụra nị. Dị ọ ka, “Ijosẹẹhụ, ozi Idevidi, asị u hí angwa ọyị nyị Imeri ose wu, agụvị ka Ụhwẹ ọnịnị ọ mẹ ka oo zyẹẹ nị.

Ịzakaraya 9:9

Aza ene hi Ịzayọnị ẹẹ jẹ, dị aza ene hi Ijerusarẹmị ee nowu ịrajẹ. Ree, ohinọyị awụ nịnị aa vẹ ịda awụ nịnị. Ọ nyị ịzẹyịza ọnịrị ẹdọha. Ọza hẹẹ ọ vị nị, ọ́ọ tụra ịkẹrịkẹtẹ, ozi ịkẹrịkẹtẹ araka ọ tura nị.

Ayịsaya 53:11

Ịjị òo re avaba ịsị ẹ mẹ agụvị ụya ọnị ọnị rị, ayị anị vee hine. Agụvị ịsa ene reè tù ọ, ozi ahụ amị ana vị ọnịrẹyịzẹyịza vaa mẹ ka, aza ọrụrụ-ọrụrụ ẹ̀ vara ọnịrẹyịzẹyịza, agụvị ka ọnị ọ rị avaba ụya ịvị ẹnịnị nị.

Ịrịka 12:6

Dị ộ kà ẹnịnị batọ, dị ẹ wụ́ ịrẹyị ọnị aa vaa ka. Ọ kà ụmẹ ana a sị nyị ọnịsẹ anị nịnị ịnị akakana Anisirẹrị nịnị, ọnịị̄ pe wa ka ịrẹyị ịnị etore ọnịrị ịnị ụra nị.

Oyinyima 31:29

Ọ kà Â nyị ịsị ọnị yaanị zụ sị mẹ̀ ẹ. Ama Ohomorihi ada Ijekọvụ ộ kà a yị ọnị ịrahụ ẹẹrị ka ọnị ọ̀ mẹ hẹẹ asị a nyị ịsị ọnị mẹ̀ ẹ.

Oyinyima 31:24

Ịnị ịrahụ, di Ịrabanị anakẹbẹẹba Imesopotemiya ra ụra re Ohomorihi nị. Di Ohomorihi kà a yọ dị ọ ka, “Mẹ hẹẹ, ọ ka asị a nyị ịsị ọ mẹ Ijekọvụ vụrụ-vụrụ.”

Iruuku 23:41

Ọkarẹyị ẹyị ọnị ộ vọrọ, agụvị ka ụkọrọ ụvọ ayị, ị yaa rị ọgụ anị nị. Ama ẹ yị nyị ịsa odivi ọnị ọnọrụ ọnọnị mẹ.”

Oyinyima 31:11

Ịnị ụra ọnọọ, di anggẹẹrị Ohomorihi hị́ ọnị, dị ọnị zẹẹ nị.

Imatiwu 27:18

Ộ yẹ ka agụvị ayamịkụ ẹ sị za Ijeesu chire ọnị ụvọ nị.

Odeyi 12:21

Ịhị ẹkụhị ana a jị si tù, dị Ịhẹrọdị chire awuru ohinọyị anị, dị ọ yaayịtẹ ịnị aga ohinọyị, dị aa kà ịrẹyịị yị aza nị.

Odeyi 18:12

A mẹ̀ yị sị Igariyo rị ohinọyị ana jẹẹ yị Aniroomi ịnị ẹtẹ Akaya, dị Aniju nịnị wụsẹ kwẹẹtẹ, dị ẹ za Ịpọọrụ, dị ẹ sị ọọ nọ ikootu nị.

Odeyi 18:16

Dị Igariyo dụ wa hụụnị ikootu nị.

Odeyi 18:17

Dị Anigiriki nịnị za Isositenesi ana vị ọdọvịdị irehi Ohomorihi Aniju, di e tụ́ ọọ ọ́vịdị ikootu gẹdẹ-gẹdẹ nị. Ama ẹ yị nyị ịzị ọnọọ kanyị Igariyo vụrụ-vụrụ.

Odeyi 25:6

Ịhwẹsịtọsị ộ vana mẹ ẹhụụ ẹkụhị ẹẹwụ ịzọọ, di o ve chí nọ Isesariya nị. Eyinẹhẹ ọnị o tù ịzọọ, dị ọ na yaayịtẹ aha ọkarẹyị anị, dị ọ ka à sị Ịpọọrụ vẹ nị.

Odeyi 25:10

Dị Ịpọọrụ ka, “Ini ikootu ohinọyị Aniroomi mị jẹẹ booro aanị nị, ịzẹnị a vọrọ ka à yà mẹ̀ ọkarẹyị amị nị. Ẹwụ ụvọta ộ yẹ ka ẹ yị nyị ịsa odivi ọnị mị mẹ Aniju nịnị.

Odeyi 25:17

Ẹ mẹ̀ vẹ kẹnẹ, me yi du ụmẹ ha. Eyinẹhẹ anị mị wụsẹ na yaayịtẹ aha ọkarẹyị amị, dị mị ka à sị ọọ vẹ nị.