Imatiwu 26:74 - IWE ỌNỊNỊ

⁷⁴ Dị Ipita kwẹẹtẹ, di ee chìi hi ẹngụ anị, dị aa hyeku nị, dị ọ ka, “Mẹ yị yẹ ọza ọnọọ!” Kẹnẹ, dị ụkọkọrọ nowu nị.

Imatiwu 26:74 Referans Kwoze

Ẹtore 3:19

Avaba aza oni mi sì ịrẹyị anị vị oni miī tụ́ ohuvọ, dị mị sị ụya rị wa. Agụvị avọọ re ka wáa kụ́ ẹngụ hi ọọ, di u we ro ịnẹ varẹma.

1 Anịkọrịntị 16:22

Ọza ene èe yi sì ịrẹyị Ananyị yị, o du oo kù. “Marana ta”, ọnị ọ vị ka, Ananyị yị, waa vẹ.

Ịjọọnụ 18:27

Dị Ipita rẹ ka, “Eyiye.” Obooboro ọnọọ, dị ụkọkọrọ nowu nị.

Imatiwu 10:28

Asị u hí angwa aza anaā wụ ọchẹngụ ọza kẹnẹ, ama dị ọ̀ yị zụ wụ ụhwẹ anị. Ama wee hí angwa ọza ana ahịka o zụ du ọchẹngụ ọnịrị ụhwẹ ọza ha ini ẹkụra!

Aniroomi 9:3

Mâ hyakụ zụ dọ ka Ohomorihi ò chì hi mi, dị ọ̀ sị mị hụụ ịdị Ohinọyị ọnị ọ nyị ka ọ̀ dọ yị há, dọ ịrẹsụ anda ayị. Anka ọzarẹyịrẹsụ, ẹnị ẹ vị aza amị nị;

Iruuku 22:60

Dị Ipita rẹ ka, “Ọnọrụ ọnọnị, mẹ yị hyakụ yẹ ịrẹyị ọnị ụ waa kà aanị.” Ípita màa yịị kà ịrẹyị kẹnẹ, dị ụkọkọrọ nowu nị.

Ịmaakị 14:68

Dị Ipita aa kụ́ ka, “Mẹ yị yẹ ịsị waa kà aanị; mẹ yị hyakụ yẹ.” Di o si hu aa nọ enoze, dị ụkọkọrọ nowu nị.

Ịmaakị 14:30

Dị Ijeesu kà a yọ ka, “Ịzẹyịza m maa kà a wụ nị, ịnị ịrahụ ana aa vẹ aanị, dị ụkọrọ ò ve nowu gụ ụpẹ ẹẹva, ụ vaa kà a tù ụpẹ ẹẹta ka wẹ yị yẹ mị.”

Imatiwu 27:25

Dị avaba ẹnịnị tụ́ ohi, dị ẹ ka, “Naavọ, ịvị isu anị ọ̀ọ yà ịnị ịrẹsụ ayị ọnịrị ịrẹsụ ezi eyi!”

Ọdọvịdị 21:18

Dị ẹ ka, ẹnẹ yẹ ka ẹnẹ yị zụ sị ezi anẹẹ ẹnịnị yị Anịbẹnjamịnị ka ẹ nyị wa agụvị ka ẹnị ẹ ra hị́ eku ka ọza anaa vavọọ mẹ ọ yị vee zoza yị ọ.

Ọdọvịdị 17:2

Ẹkụhị ọnya Imika ọ kà a yị ọnyị anị ka ẹkẹhị ọnyị anị ọnị ọ ka ọza ộ sị ịhị ọnọọ ana vị achuchu ẹẹhị rẹjịjị, ọnị ọnyị anị hu agụvị anị ee chi hi ọza ana sị ọ ịhị ọnọọ, ẹkẹhị ọnọọ ọ ya rị ọ nị. Ọ kà ọnị ọ sị ọ nị. Dị ọnyị anị ka Ẹnẹyịmavara ọ navọ o zee yị wụ.

Imatiwu 26:34

Dị Ijeesu kà a yọ ka, “Ịzẹyịza m maa kà a wụ nị, ịnị ịrahụ ana aa vẹ aanị, dị ụkọkọrọ ò ve nowu, ụ vaa kà a tù ụpẹ ẹẹta ka wẹ yị yẹ mị.”

Imatiwu 26:73

Ịjị ọ da kù chee, dị aza ana jẹẹ ịzọọ kà a yị Ipita ka, “Ịzẹyịza yọ, ọza ịnyara ẹnịnị ụ vị nị, ẹkụra awụ ộ hyakụ sị zụ̀.”

Imatiwu 26:75

Dị Ipita tamayị, Ijeesu mẹ̀ vịdị kà a ka, “Dị ụkọkọrọ ò ve nowu, ụ vaa kà a tù ụpẹ ẹẹta ka wẹ yị yẹ mị.” Dị Ipita jịnẹ tụ́ ẹhẹ, dị aa jị òrèrè ẹtẹẹtẹrẹ nị.