Imatiwu 26:69 - IWE ỌNỊNỊ

⁶⁹ Ípita ọnị mẹ̀ yà ini ohweje, di ozi ahụ ọnẹẹ ọnya ká a vẹ, dị ọ ka, “Aa! Ẹwụ vị ana rẹẹ̄ dụ Ijeesu Anigariri ọnọọ zị bẹẹ!”

Imatiwu 26:69 Referans Kwoze

Imatiwu 26:71

Di o si hu aa nọ enoze nị. Ozi ahụ ọnẹẹ ọsa ô re Ipita, dị aa kà a yị aza ana jẹẹ ịzọọ ka, “Ọnọrụ ọnọnịị̄ dụ Ijeesu Anịnazarẹtị ọnọọ zị.”

1 Ohinọyị 19:13

Ịjị Ẹnẹyịmavara vavọọ sị kà yị Erija, dị ọ dà awuru anị kú eyi nị, dị ọ jịnẹ, dị ọ na jẹẹ ini irenu ụtẹha ọnọọ nị. Dị ọ vana wụ́ ka a kà a ka, “Sị waa mẹ ịzẹnị, Erija?”

Odeyi 5:37

Ịrẹma ọnọọ, ịnị ụmẹ ana aa za aza ịrịka, dị Ijudasi ọnya aanị, Anigariri ọnị rẹ vẹ, dị ọnị rẹ tọ̀ọ́ aza kú ẹngụ nị. Dị a rẹ wụ ọnị, dị aza anị ẹnị rẹ gara hi nị.

Ịjọọnụ 7:52

Dị ẹnịnị ka, “Anigariri ẹwụ wáá rẹ vị nị? Na zama Iwe Ohomorihi re, di u we re ka ẹ̀ yị nyị ọnịsẹ ikonya ana chị hụrẹ Igariri vẹ da.”

Ịjọọnụ 7:41

Dị aza ẹnyị ka, “Ọnị ọ vị Ikirisiti ọnọọ nị.” Ama dị aza ẹnyị ka, “Aanịka Igariri Íkirisiti ọnọọ vaa hụrẹẹ vẹ nị?

Ịjọọnụ 1:46

Dị Inatanẹrị ka, “Aanịka â nyị ịsa ozoza ana zụ hụrẹ ẹkụra Ịnazarẹtị vẹ?” Di Ihwiripi kà a yọ ka, “Vẹ, di u we ve re e!”

Imatiwu 26:58

Ipita ộ saasa Ijeesu ẹ́nẹẹnẹ huuu na ngụ ohweje irehi ohirẹsụ ọbanyị irehi Ohomorihi, dị ọ na yaayịtẹ pe ozi ahụ nịnị ka oni ò re avaba ịsị ẹ vaa mẹ nị.

Imatiwu 26:3

Ohirẹsụ ẹbanyị irehi Ohomorihi ọnịrị ọzwọzọda nịnị ne beri ọdọvịdị Aniju nịnị ệ kụ́ gụ ị́da ohirẹsụ ọbanyị irehi Ohomorihi ana aā hị́ Ikayahwasi.

Imatiwu 21:11

Dị ọkọnị aza ka Ijeesu, ọnịsẹ Ịnazarẹtị ana yà Igariri yọ.

Ahẹ Ụgama 1:1

Ịrajẹ ọ vị yị ọza ẹnị ẹ̀ yị mā dọ ịrẹyị aza edivi mẹ̀ ụkọrọ. Ẹngụ ọza ọnọọ ẹ̀ yị mā bẹ ụvọ tụ́ ịnị ebira ana aza edivi aa mẹ̀, dị ọ̀ yị mē re pè aza ana aa sị eyii wụ̀ Ohomorihi zị ogu nị.

1 Ohinọyị 19:9

O mè tù ịzọọ, dị ọ nọ ịnị ụtẹha ọnya aanị, dị ọ na sụ ịzọọ nị. Ọ mẹ̀ vavọọ yà ịzọọ, dị Ẹnẹyịmavara vana kà ịrẹyị yọ, dị ọ kà, “Sị waa mẹ ịzẹnị, Erija?”

Imatiwu 26:70

Dị Ipita aa kụ́ éyi avaba ẹnịnị nị, dị ọ ka, “Mẹ yị yẹ ịsụ waa kà aanị.”