Imatiwu 26:64 - IWE ỌNỊNỊ

⁶⁴ Dị Ijeesu ka, “Ẹmịị yọ nị. Dị maa kà a yị wụ nịnị ka hụrẹ ọyaanị na, u vee re ẹmị Ozi ọza onigirima ka mâ yaayịtẹ éyi ụvọrị Ohomorihi Ochẹtẹngụ. Mị vaa vẹ ini eguhi ẹ́bẹẹba.”

Imatiwu 26:64 Referans Kwoze

Ịdanịyẹrị 7:13

Ịdanịyẹrị ka ịnị ẹtẹ ọnị ọnị re ịrahụ, ọnị ô re ịsị ẹ sị mẹẹ anka ọza avọọ ka aa vẹ ịnị akakana eguhi. Dị a sị ọ ne tu ọza ana ya ịzọọ hụrị ụmọrụmọ aanị nị.

Ịmaakị 14:62

Dị Ijeesu ka, “Ẹ mịị yọ nị. U vee re ẹmị Ozi ọza onigirima ka mâ yaayịtẹ eyi ụvọrị Ohomorihi Ochẹtẹngụ. Mị vaa vẹ ịnị eguhi ẹ́bẹẹba.”

Ahẹ Ụgama 110:1

Ẹnẹyịmavara ộ kà a yị Ananyị mị ka yaayịtẹ éyi ụvọrị amị pooro dị ma sị ọnịvị awụ tụ́ ịzị ụ vaa kụ́ ahụụ hị́.

Anihiburu 1:3

Ini oze Ozi Ohomorihi ọnọọ ígirima Ohomorihi aa zịị zẹtẹ nị. Ọnị ọ vị uhwoto Ohomorihi gẹdẹ-gẹdẹ nị. Ịrẹyị anị ana nyị ụkata ọ sị za avaba ẹhẹ jẹẹ nị. Ộ nyịna aza hụụnị ịvị ẹnịnị ka ẹ̀ nyẹngụ nị. Dị ọ nọ ẹbẹẹba, dị ọ na yaayịtẹ éyi ụvọrị Ohomorihi ana nẹba hu kere-kere nị.

Ẹtore 1:7

Re! Aa vẹ ini eguhi. Avaba aza vee re e beri aza ana hyakụ jị ọha ngụ ọọ akaha. Avaba anẹhẹ vaa jị òrèrè agụvị anị. Avọọ gẹdẹ-gẹdẹ ọ mẹ̀ vị nị. Aamị.

Anihiburu 12:2

À vẹ ya sị eyi pe Ijeesu! Ọnị ọ mẹ ka ye nyima ẹdọwụ, dị ọ rẹ mẹ ka ẹdọwụ ayị ọnọọ ọ̀ gụ nị. Ộ dọ ka oni ò sú isu ụhị ị́rẹsụ ọchị apavahị. Ọ yị za ụhị ọnọọ ịrịka tụ́ ịnị ịsọnyị-ịsọnyị agụvị ịrajẹ ọyịjẹ oni Ohomorihi sị tịtẹ ee zí ọọ. Ọ yaayịtẹ éyi ụvọrị ịnị aga Ohomorihi ohinọyị booro aanị.

Iruuku 21:27

Di e vene re ka ẹmị Ozi ọza onigirima aa vẹ ini eguhi beri ụkata ọnịrị igirima.

Imatiwu 24:30

Ịjọnọọ, dị a nyị apọtẹrẹwa ẹmị Ozi ọza onigirima ẹ́bẹẹba. Dị avaba anẹhẹ aa jị òrèrè, di e re ka ẹmị Ozi ọza onigirima aa vẹ ini eguhi ẹbẹẹba beri ụkata ọnịrị igirima.

Imatiwu 26:25

Dị Ijudasi ana vaa sị ọọ chire ọnịvị anị ụvọ ka, “Ọga, ẹmị wáá yọ?” Dị Ijeesu ka, “Ụ mẹ̀ yị kà a, avọọ yọ.”

Imatiwu 25:31

“Ịhị Ozi ọza onigirima ọ̀ọ vẹ ini igirima anị beri avaba anggẹẹrị ọnịnị nịnị, ọ vaa yaayịtẹ ị́rẹsụ aga igirima anị.

Imatiwu 16:27

Agụvị ka Ozi ọza onigirima vaa vẹ beri anggẹẹrị nịnị ini igirima Ada anị; ịjọnọọ dị ọ sị ọgụ ụkọrọ ọzọza yọ anka ụkọrọ ọzọza.

Ẹtore 20:11

Mée re aga ohinọyị ọnya aanị. Ọ́ọ banyị ẹtẹẹtẹrẹ, dị ọ vị ọvwọọvụ nị. Dị ọza ịnya yaayịtẹ ịnị anị nị. Dị ẹtẹ ọnịrị ẹbẹẹba ee zwee hụrẹ ọvịdị anị, dị ọza ò yi kuku re wa nị.

1 Anịtẹsaronika 4:16

Ananyị yị vaa mẹ̀ ọda, dị ohirẹsụ anggẹẹrị nịnị nowu, dị ọpanyị Ohomorihi rẹ sụ́ ịrẹyị, dị Ananyị yị ọnị ụvọta chí hụrẹ ẹbẹẹba aa vẹ. Aza ana sị ayị tụra Ijeesu dị e ve sú, ẹ vịdị vaa haa hụụnị isu nị.

Odeyi 1:11

Dị ẹ ka, “Ẹwụ nịnị Anigariri, sị ẹ vẹ dị ụ maanị jẹẹ, dị ụ và eyi hịrẹ ee re ẹbẹẹba nịnị? Ijeesu ọnọnị ana hụụ ịdị awụ nịnị nọ ẹbẹẹba aanị, ọ rẹ vanaa vẹ, anka u mè re e ka ộ hịrẹ nọ ẹbẹẹba nịnị aanị.”

Ịjọọnụ 18:37

Dị Ipayireti va họ̀ ọ ka, “Ohinọyị ẹwụ wáá vị ana vị nị?” Dị Ijeesu tụ́ ọọ ohi ka, “Ụ mẹ̀ yị kà a, avọọ yọ, ohinọyị mị vị nị. Â ma mị, mâ vẹ ịnị ẹhẹ, ka ma va sị ịzẹyịza zụ̀ aza. Ọza ene èe sì ịzẹyịza, vaa wụ́ ịrẹyị amị.”

Iruuku 22:70

Dị avaba ẹnịnị ka, “Ọnị ọ vị ka ẹwa vị Ozi Ohomorihi nịị?” Dị Ijeesu kà a yị wa ka, “Ụ ka ẹmịị yọ nị.”

Imatiwu 27:11

Ijeesu ộ jẹẹ ọvịdị ịgọvọnọ, di ịgọvọnọ họ̀ ọ use ka, “Ẹwáá vị ohinọyị Aniju nị?” Dị Ijeesu tụ́ ohi, dị ọ ka, “Ụ mẹ̀ yị kà a avọọ yọ nị.”

Aniroomi 14:10

Sị ẹ vavẹ, dị waa jị ịvịị yị ọnọhụva awụ? Sị ẹ vẹ dị waa sị eyii wụ ọnọhụva awụ? Avaba ayị ọ va naa jẹẹ ọvịdị Ohomorihi, dị aa mẹ̀ ọkarẹyị ayị nị.

Ayịsaya 19:1

Ịrẹyị ene vee tù Anijipiti yị: Ẹnẹyịmavara vị ana tụra eguhi di ee zwee ve Ijipiti. Ori Anijipiti nịnị mè re e, ẹngụ ẹnịnị ẹ kụ́ sù ẹgahị, dị angwahi sị ngụ Anijipiti ẹngụ nị.

Imatiwu 8:20

Dị Ijeesu kà a yọ ka, “Ahaka nịnị ệ nyị ụsị; inomi nịnị ẹ rẹ nyị ịrẹngwẹ, ama ẹmị Ozi ọza onigirima ọ yị hyakụ nyị aha ana vọrọ ka ma yà tụ́ ụhwọ́.”

Imatiwu 16:28

Ịzẹyịza m maa kà a wụ nịnị nị, â nyị aza ẹnyị ana jẹẹ ịzẹnị, ana ahịka e yi vee sú pooro, di è re, Ózi ọza onigirima màa vẹ vaa mẹ ịjọva.”

Imatiwu 22:44

‘Ohomorihi ộ kà a yị Ananyị mị ka: Yaayịtẹ éyi ụvọrị amị pooro dị ma sị ọnịvị awụ tụ́ ịzị ụ waa kụ́ ahụụ hi.’

Imatiwu 28:18

Dị Ijeesu ve tù wa, dị ọ kà a yị wa ka, “A raà sị avaba ụkata ịnị ẹhẹ ọnịrị ẹbẹẹba yị mị.

Iruuku 22:69

Ama hụrẹ ọyaanị na, ẹmị Ozi ọza onigirima vaa yaayịtẹ éyi ụvọrị Ohomorihi Ochẹtẹngụ.”