Imatiwu 26:38 - IWE ỌNỊNỊ

³⁸ Dị ọ kà a yị wa ka, “Ayodu aa vaa wụ̀ mị. Jẹẹ ịzẹnị nịnị, di u we pe mi sị eyi pe ẹtẹ nịnị!”

Imatiwu 26:38 Referans Kwoze

Ịjọọnụ 12:27

Dị Ijeesu rẹ ka, “Ayị amị o si du booro aanị. Sị mị vaa kà? M máá vaa kà a ka Ada amị ọ̀ sị ịrẹyị ọnọnị hụrẹ mị ịrẹsụ nị? Ama agụvị avọọ mị sị vẹ ẹhẹ nị.

1Ipita 3:18

Ikirisiti ộ rị ụya o mè sú agụvị ịvị ayị ụpẹ ọnya gene-gene. Ikirisiti ẹnẹ ẹ̀ yị mẹ ịvị, ô sú yị aza ana mẹ ịvị, agụvị dị ọ̀ zụ sị yị vẹ ịdị Ohomorihi. Aza ệ wụ ọ, ama â mẹ ka ụhwẹ anị ọ̀ yara.

1Ipita 2:24

Ikirisiti ụvọta ộ sị ịrẹsụ dọ ụya ịvị ayị, a mẹ̀ kanyị ọ za ọchị apavahị, agụvị dị ya kụkụ sị mẹẹ oku avọọ dị asị kụkụ zụ mẹ ịvị, dị ya kụkụụ mẹ ịzẹyịza. Ini oze ụnava ana a tụ̀ ọ, ọ sị mẹ wụ nịnị ụkụ nị.

Anigaratiya 3:13

Ama Ikirisiti ọ́ọ dọ yị há hụụnị ịvị ọnị ọda ka yáa rị. Ikirisiti ọ raà dọ ụya ayị rị, ọ mẹ̀ sị ịvị ọnọọ yị ẹngụ anị, anka Íwe Ohomorihi mẹ̀ kà a ka, “Ọza ana àa sị gẹ ọchị, ọ sị ịvị rị ini eyi Ohomorihi.”

Ayịsaya 53:10

Ama ô ze Ẹnẹyịmavara eyi ka ọ̀ vavọọ rị ụya. Isu anị ọ vị ịsọvọ ana mẹ ka à vagu ịvị yị aza nị. Agụvị avọọ, o vee re ezi anị; o vee kú orubo. Ọnị Ẹ́nẹyịmavara vaa sị mẹ̀ ịsa o sì ka ọnị aa mẹ nị.

1Ipita 4:7

Ụmẹ ẹnẹ ẹhẹ ọnọnị vaa sị zẹtẹ, ọ sị gụrị ẹtẹ. Agụvị avọọ sị ụvọ za ẹngụ awụ nịnị, dị ụ wa sị eyi pe ẹtẹ, agụvị dị ụ wa zụụ mẹ̀ aduwa nịnị!

2 Anịkọrịntị 5:21

Ikirisiti ọ yị mẹ ịvị vụrụ-vụrụ. Ama Ohomorihi ọ́ hụ agụvị ayị vara ọnị ụvọta ịvị, agụvị ẹyịrị ọọ ọ̀ zụ vị ọnya, dị ya zụ nyị tụ́ ịnị ịzẹyịza Ohomorihi.

Aniroomi 8:32

Ohomorihi ẹnẹ ẹ̀ yị hyakụ sị Ozi anị ụvọta-ụvọta tẹ yị, ộ na a vọ ka ò sú yị avaba ayị. Ọza ana na aa sị Ozi anị ụvọtaa yị, si u ro ka ọ yị kụkụ zụ sị yị ọọhẹ kẹnẹ?

Imatiwu 25:13

Agụvị avọọ, wee zí nịnị, agụvị ka wẹ yị yẹ ụmẹ oni Ozi ọza onigirima vaa sị vẹ nịnị.”

Ayịsaya 53:3

Aza ana vọ ệ sị eyi wụ ọ, di e yi ọ tịtẹ nị. Ộ sị ẹngụ dọ ụya ọnịrị ayodu. Ọzọza vị anaa sị eyii tẹ̀ẹ yọ. Â sị eyi wụ ọ; ọza e yi ro o ka â nyị ịsị ọ vị.

Ahẹ Ụgama 116:3

Mâ nyị ẹngụkata ọnịrị ayodu ana ahịka ọ sị vọ chee me wusu. Mị ka ọ sị vọ hwẹ̀ à raà sị mị ne chire ẹtẹ.

Ahẹ Ụgama 42:5

Hyakụ vọrọ ka ma maanị và ẹngụ hi di mee du ayị Maa sị ayị amịị tụra Ohomorihi mâ yẹ ka mị rẹ vanaa kụ́ ọ avọ. Ọnị ọ vị Ohomorihi amị ana aā dọ mịị tụ́ nị Ịjị ayị amị si du, m mẹ̀ yà ịnị ẹtẹ Ijodani, ịnị ataba Ihamọnị ọnịrị Imiza, mâ tamayị ẹwụ Ohomorihi.

Ayịsaya 53:12

Agụvị avọọ, Ẹnẹyịmavara kà, “Mị vaa sị udi ụbanyị yọ ẹtẹẹtẹrẹ. Ọnịrị aza ana nyị ụbanyị beri aza ana nyị ụkata vee hi aha ọnya. Ộ dọ ka oni ò sú, dị á za a ịrịka beri aza ana rị ịvị nị, ama ụya ịvị aza ọrụrụ ọ rị nị, dị aa da ịpẹ agụvị aza ana rị ịvị nị.”

Ịmaakị 14:34

Dị ọ kà a yị wa ka, “Ayị oyidu aa vaa wụ̀ mị. Jẹẹ ịzẹnị nịnị, dị ụ wa sị eyi pe ẹtẹ nịnị!”

Ahẹ Isoromọnị 5:3

Ma raà ngwa ẹnya amị hi ẹtẹ; Sị ẹ vẹ dị maa varẹma kụ ọ hi ẹngụ? Ma raà nyịna ahụ amị; Sị ẹ vẹ dị maa varẹma dọ ọ ọtị?