Imatiwu 26:31 - IWE ỌNỊNỊ

³¹ Ịjọnọọ Ijeesu ộ kà a yị wa ka, “Avaba awụ nịnị vee zwee hụrẹ mị ẹngụ ịrahụ ọnị, agụvị ka Iwe Ohomorihi ộ kà a ka: ‘Mi vee tụ́ Oseratẹmẹ, dị atẹmẹ nịnị gara hi.’

Imatiwu 26:31 Referans Kwoze

Ịzakaraya 13:7

Ẹnẹyịmavara Ochẹtẹẹngụ kà ụhwọ ọ kwẹẹtẹ tu oseratẹmẹ anị ana mẹ ụkọrọ yị ọnị. Ọ wù ọ dị atẹmẹ anị gara hi ozi. Ọnị a va eyi ịraazị ka aza anị.

Ịjọọnụ 16:32

Ụmẹ aa vẹ, ộ hyakụ si tù booro aanị, ana a vaa gara wụ nịnịị hi, dị ọzọza zị nọ eehi anị, dị ụ kụkụ navọ ẹmị ịnya nịnị. Ama mẹ yị vị ẹmị ịnya, agụvị ka Ada amị ộ yà pe mi.

Ahẹ Ụgama 69:20

Isiya ẹnịnị aa vaa wụ̀ mị, me yi re ọza gụ mị ụvọ. Mee sì ka à nyị ọza ana hyakụ ro o mị, dị ọ sị ayị amị nẹtẹ, ana ẹ yị nyị ọza oni mi re.

Ahẹ Ụgama 38:11

Ọta amị ọnịrị aza ẹnị ẹmịrịị vịdịị zị ògù vi ene kuku ee re mii zwe agụvị ịrẹyị ene tù mị. Anokokoro amị vị ana kụkụ kana hụrẹ mị ẹngụ huu.

Imatiwu 11:6

Ọza ẹnẹ ẹ̀ yị jị mị ịrẹka vaa daa jẹ.”

Arụwẹ 1:19

Ệ hị́ aza ene vịdị sì ịrẹyị ẹnịnị, ama di e vene wa nị. Ohirẹsụ irehi Ohomorihi nịnị ọnịrị azọkụ nịnị e wusu hi ịnị ẹkụra é mee si ịsọyịrị ọyị za ayị zu.

Ayịsaya 53:10

Ama ô ze Ẹnẹyịmavara eyi ka ọ̀ vavọọ rị ụya. Isu anị ọ vị ịsọvọ ana mẹ ka à vagu ịvị yị aza nị. Agụvị avọọ, o vee re ezi anị; o vee kú orubo. Ọnị Ẹ́nẹyịmavara vaa sị mẹ̀ ịsa o sì ka ọnị aa mẹ nị.

Ahẹ Ụgama 88:18

Wa raà mẹ ka ọta amị ana gụrị mi hu, di e sì ịrẹyị amị ẹ̀ hụrẹ mị ẹngụ. Ịrahụ ẹmịrịị kụkụ aa mẹ ụ̀nà nị.

Imatiwu 26:56

Avaba ẹsẹnị aa mẹ, agụvị ịsị ọnịsẹ nịnị chẹrẹ tụ́ ini Iwe Ohomorihi ọ̀ zụ sẹ.” Dị avaba ezirẹma na a vọ tịtẹ, di e si zwe nị.

Imatiwu 26:24

Ẹmị Ozi ọza onigirima ve nee sú, anka Íwe Ohomorihi mẹ̀ kà a. Ama ọza ana àa sị mị chire ọnịvị amị ụvọ, ọ sị dà. Ọ yaanị dahi hu ka asị a vana ma ọza ọnọọ vụrụ-vụrụ.”