Imatiwu 26:18 - IWE ỌNỊNỊ

¹⁸ Dị ọ kà a yị wa ka ẹ̀ nọ ịnị ẹkụra ọsọọ, dị è ne tù ọnọrụ ọnya aanị, dị ẹ̀ kà a yọ ka, “Ọga ka ụmẹ anị o si tù, ọnịrị ezirẹma anị vaa rị Eche Ọyịparahu ini eehi awụ.”

Imatiwu 26:18 Referans Kwoze

Ịjọọnụ 7:6

Dị Ijeesu kà a yị wa ka, “Ụmẹ amị o yi tù, ama avaba ụmẹ vị ụmẹ ẹwụ nịnị.

Ịjọọnụ 17:1

Íjeesu mẹ̀ maanị sị ịrẹyị ẹnẹẹ kà kẹnẹ, dị ọ kụ̀rà eyi anị tụ́ ẹbẹẹba nị, dị ọ ka, “Ọga, ụmẹ o si tù, sị igirima yị Ozi ewu, dị Ozi ewu ọnị ọ̀ rẹ sị igirima yị wụ!

Ịjọọnụ 13:1

Ọ sị vọ ka ụhwọọ aa rị Eche Ọyịparahu nị. Ijeesu ộ yẹ ka ụmẹ o si tù ọnị ọnị aa sịị hụụnị ẹhẹ, dị ọnị ọ̀ nọ ịdị Ada anị. Oō sì ịrẹyị aza anị ene hi ịnị ẹhẹ. Booro aanị, o si tù ka ọ̀ sị zụ̀ wa ịzị o sì ịrẹyị ẹnịnị na za.

Ịjọọnụ 7:30

Ịjọnọọ di eyee sì ka ẹnị ẹ̀ za a nị; ama ẹ yị nyị ọza ana sị ụvọ kanyị ọọ, agụvị ka ụmẹ anị oò yi tù.

Ịjọọnụ 7:8

Ẹwụ nịnị ọ̀ọ hịrẹẹ nọ ini eche ọnọọ! Ẹmị ẹ̀ yị nọ, agụvị ka ụmẹ amị oò yi tù.”

Ịjọọnụ 12:23

Dị Ijeesu ka, “Ụmẹ o si tù ana a vọrọ ka à sị sị igirima yị ẹmị Ozi ọza onigirima.

Iruuku 22:53

Ẹ́mị rị ẹwụ nịnị mẹ̀ẹ̄ yà ini irehi Ohomorihi eyinị-eyinị, wẹ yị sị ụvọ kanyị mị nịnị. Ama ụmẹ awụ nịnị ọnịrị ụmẹ ụkata ịrahụ o si tù.”

Ịjọọnụ 11:28

Ịjị Ịmata vavọọ sị kà, di o si hu aa na nị. Di o were na hị́ Imeri ọhụva anị, dị ọ kà a yọ ka, “Ọga ộ vẹ, aa hị́ wụ.”

Ịmaakị 5:35

Íjeesu màa yịị kà ịrẹyị, dị ọnụtụ hụụnị eehi ọdọvịdị irehi Ohomorihi ọnọọ vẹ nị. Dị ẹ kà a yị Ịjayịrọọsị ka, “Ozi ewu ô wusu, sị ẹ vẹ dị ụ kụkụ aa tụ́ Ọga akanya?”

Imatiwu 26:2

“Wâ yẹ nịnị ka uhurenyi aa rị Eche ọyịparahu nị. A vaa sị ẹmị Ozi ọza onigirimaa chire ọnịvị amị ụvọ, dị ẹ kanyị mị za ọchị apavahị.”

Imatiwu 23:10

Asị ụ rẹ hị́ ọza ọnyọọnyị ‘Ọga’ nịnị! agụvị ka Ikirisiti ọnịnya ọ vị ọga awụ nịnị nị.

Imatiwu 23:8

Asị ụ rẹ̀ kà a ka àa hị́ wụ nịnị ‘Ananyị yị’! Ọza ịnya kẹnẹ ọ nyị wụ nịnị nị. Avaba awụ nịnị vị ẹyịnyara.

Imatiwu 21:3

Àa nyị ọza ana kà ịsọnyị-ịsọnyịị wụ nịnị, dị ụ kà a yọ nịnị ka: ‘Ananyị yị ee sì wa nị.’ Ọ vaa navọ ka wa wụsẹ kụ́ wa vẹ nịnị.”

Ịjọọnụ 20:16

Dị Ijeesu va kà a yọ ka, “Imeri!” Di Imeri kana eyi, dị ọ kà a ịnị ẹkụra Ihiburu ka, “Iraboni” (iruvo anị ọ vị “Iticha” à vị “Ọzwọzịsa”).

Imatiwu 26:49

Dị Ijudasi vẹ, di o wuse ne tù Ijeesu, dị ọ kụ́ ọọ, dị ọ ka, “Ọga”, di o kú ọọ irenu nị.

Imatiwu 26:19

Dị ezirẹma Ijeesu na mẹ, anka Íjeesu mẹ̀ kà a yị wa nị. Di e tenyi ịsa Eche Ọyịparahu nị.