Imatiwu 26:10 - IWE ỌNỊNỊ

¹⁰ Ijeesu ọ sị yẹ, dị ọ kà a yị wa ka, “Sị ẹ vẹ dị ụ waa kụ́ ọọ kata a ẹngụ nịnị aanị? Ịsa ozoza ọ mẹ mị aanị nị.

Imatiwu 26:10 Referans Kwoze

Ịtayịtọsị 3:8

Ịrẹyị ọnị maa kà a wụ aanị vị ịzẹyịza. Mee sì ka wa sị ọtụtụrụma tụ́ ọ hi wa ụtọ, agụvị aza ana raà sị ayị tụra Ohomorihi, ẹ̀ zụ sị ọ tụ́ ịnị ayị, dị ẹ̀ mẹ̀ ịsa ene zoza. Ịrẹyị ẹnẹnị ée zoza, ẹ rẹ nyị ọgụ yị ọza.

Anihiburu 13:21

Ohomorihi ọnọọ ọ̀ sị avaba ịsa ozoza yị wụ nịnị, dị ụ wa zụ mẹ̀ ịsa oni o sì ka wa mẹ nịnị! Ohomorihi ọ̀ rẹ mẹ yị ini oze Ijeesu Ikirisiti, dị ya zụ vị ịsị o sì ka ya vị. Ijeesu Ikirisiti ọnọọ ọ vaa nyị ụbanyị pooro zịna-zịna nị. Aamị.

Ịtayịtọsị 3:14

Sị zụ̀ aza ayị nịnị, dị ẹ̀ yẹ ka aa vọrọ ka ẹnị ẹ̀ ẹ mẹ̀ ịsa ozozaa yị aza ẹnẹ ẹ̀ yị nyị ịsa. Ẹnịnị ẹ̀ vavọọ mẹ, agụvị asị ẹhẹ ẹnịnị vị kẹnẹ-kẹnẹ.

Ịtayịtọsị 3:1

Tama aza awụ ayị ka ẹ̀ ká ịrẹsụ hi yị aza anaa mẹ ịjọva, dị ẹ̀ẹ wụ́ ịrẹyị ẹnịnị. Ẹnịnị è re tenyi ẹngụ dị ẹ̀ẹ mẹ̀ ịsa tụra ịsa ene èe zoza.

Ịtayịtọsị 2:14

Ijeesu ọnọọ ọ vịdị sị ẹngụ anịị yị, agụvị dị ọ̀ zụ hị́ yị varẹma nị, agụvị dị ya zụ há hụụnị avaba ịsa edivi. Dị ọ́ mẹ ayị ayị ọnịnị, dị ị kụkụ sị vị aza anị ana aa sịị vụrị ka yaa mẹ̀ ịsa ene zoza nị.

Ịtayịtọsị 1:16

Ẹẹ̄ sị irenuu kà a ka ẹnị ẹẹ̄ yẹ Ohomorihi, ama ebira ẹnịnị ẹ́ yị sị zụ ka ẹ́ẹ yẹ Ohomorihi. Ịsa eenyisi ẹnịnịị̄ mẹ nị, dị ẹ rẹ yaa mẹ akamawụ nị, ẹ yị nyị ịsa ozoza ẹnẹ ẹnịnị zụ mẹ vụrụ-vụrụ.

2 Itimoti 2:21

Ọza ana àa sị ẹngụ anị hụụnị avaba ịsa edivi ẹnẹnị, vị ana vaa yà anka ẹnya ana a sịị̄ mẹ̀ ịsa obooro, agụvị ka ọ raà sị ẹngụ anị tụ́ irenyi yị Ọga anị; ọ rụra Ọga anị mẹ̀ ụkọrọ. Óo tenyi ẹngụ ka Ọga anị ọ̀ọ sị ọnịị mẹ̀ ụkọrọ ozoza-ozoza.

1 Itimoti 5:10

Dị à va dọ osoku, a rẹ vọrọ ka aza ẹ̀ẹ kà ịrẹyị ọyịza anị, agụvị ka aa mẹ̀ ịsa ozoza. A rẹ vọrọ ka ọ̀ vị ọnẹẹ ana pá ezi anị ẹtẹẹtẹrẹ, dị ò reē sì ọzọga. A rẹ vọrọ ka ọ̀ vị ọza ana raà nyịna aza Ohomorihi ahụ da, dị ọ̀ vị ọza anaā mẹ ọgụvọọ yị aza ana aa rị ụya, dị ọ̀ rẹ vị ọza ana ahịka ịsa ozoza ọọ̄ mẹ̀ pooro nị.

1 Itimoti 3:1

Ịrẹyị ọnọnị vị ịzẹyịza: Ọza èe sì ka ọnị ọ̀ vị ọdọvịdị ịragụ Ohomorihi, ụkọrọ ozoza ee sì nị.

2 Anịtẹsaronika 2:17

Ẹnịnị ẹ̀ navọ ẹ̀ sị ayị awụ nịnị hunẹnẹ, dị ẹ̀ mẹ ka wa nyị ọtụtụrụma, dị ụ wa zụụ mẹ̀ ebira ozoza, dị ụ wa rẹ zụụ kà ịrẹyị ene zoza nịnị pooro!

Anikorasi 1:10

Ịrẹyọyẹ ọnọọ vaa mẹ ka wa zụụ zị ụsẹ ana vọrọ ini eyi Ananyị yị nịnị, di o re zé eyi ẹtẹẹtẹrẹ; dị ẹhẹ awụ nịnị ọ̀ zụ nyị ẹtụtụ ịnị avaba ịsị ụ wàaa mẹ nịnị. Dị ụ raa yẹ Ohomorihii hu avọọ nịnị.

Anẹhwẹsọsị 2:10

Ụkọrọ ụvọ Ohomorihi ị vị nị, ộ mẹ̀ ka ẹyịrị Ijeesu Ikirisiti ọ̀ vị ọnya, agụvị dị yaa zụụ mẹ̀ ịsa ozoza ọnị ọ vịdị sị eto anị mẹ tịtẹ ka ị vaa mẹ.

Anigaratiya 6:17

Hụrẹ ajịnị na, asa a nyị ọza ene kuku zigi mi, agụvị ka apịtahụ ene hi ịnị ẹngụ amị aanị, ẹ́ẹ sị zụ̀ ka Íjeesu mị vị nị.

Anigaratiya 5:12

Aza ana àaa và wụ nịnịị zí avọọ, à kà ka ẹ̀ na nị ẹngụ ẹnịnị.

Anigaratiya 1:7

Ịnị ịzẹyịza, ẹ yị nyị enube ọyịza ọsa vụrụ-vụrụ; ama áa nyị aza ẹnyị ana aa và wụ nịnị zí, eyee sì ka eni è du enube ọyịza Ikirisiti ha.

2 Anịkọrịntị 9:8

Ohomorihi ọ zụ sị ịsa wụ nịnị huna ọpa oni u sì nịnị. Dị ịsa ọnọọ aa hụ wụ nịnị ini oze tụra oze, dị ọ hyakụ aa vọ ẹtẹ ọnị ụ zụ sị mẹ̀ ịsa ozoza nịnị.

Ịmaakị 14:6

Dị Ijeesu ka, “Naavọ hẹẹ nịnị! Sị ẹ vẹ dị ụ waa kụ́ ọọ kata a ẹngụ nịnị aanị? Ịsa ozoza ọ mẹ mị aanị nị.

Ijoovu 13:7

Sị ẹ vị dị ẹ ya hụ agụvị Ohomorihi mẹ̀ apẹ, dị yee cheeche aanị?

Inehemaya 2:18

Dị Inehemaya ộ kà yị wa Ohomorihi mẹmẹ jẹẹ ọnị ịrẹma ọnịrị ịrẹyị ọnị ohinọyị kà. Dị avaba aza tụ ohi vabẹ ka, ozoza! Aa vẹ ẹnị ẹ kwẹẹtẹ ẹnị ẹ tenyi ọvọ ọnọọ tụra. Avọọ ẹnịnị mẹ tụ ẹngụ ọtụtụrụma mẹ̀ ụkọrọ ọnọọ nị.

1Ipita 2:12

Waa mẹ̀ ebira ọyịza, ụ mẹ yà ịnị akakana anarịmadọwụ nịnị aanị. Aza ẹnẹẹ ẹ̀ẹ daka aa kà ịrẹyị odivi awụ nịnị, áa vọrọ ka è zụ ré ebira ọyịza awụ nịnị, dị ẹ̀ zụ sị ụga yị Ohomorihi ịnị ẹkụhị oni òo ve tù wa.

Imatiwu 26:9

A yaanị nyẹngụ ná eturare ọnọọ ẹtẹẹtẹrẹ, dị a sị ẹkẹhị anị yị onosiye nịnị.”

Imatiwu 26:11

Onosiye vị oni u wee re nịnị eyinị-eyinị; ama ẹma rẹẹ̀ yị vaa yàa pe wu nịnị pooro nị.

Iruuku 8:49

Íjeesu màa yịị kà ịrẹyị, dị ọnụtụ ọnya hụụnị eehi ọdọvịdị irehi Ohomorihi ọnọọ vẹ nị. Dị ọ kà a yị Ịjayịrọọsị ka, “Ozi ewu ô wusu, asị ụ rẹ̀ kụkụ tụ́ Ọga akanya!”