Imatiwu 25:33 - IWE ỌNỊNỊ

³³ Dị ọ kụ́ atẹmẹ hi eyi ụvọrị anị, dị ọ rẹ kụ́ ẹvụ nịnị hi eyi ụvọha.

Imatiwu 25:33 Referans Kwoze

Ahẹ Ụgama 100:3

Yẹ nịnị ka Ẹnẹyịmavara ọ vị Ohomorihi nị. Ọnị ọ mẹ yị nị, ẹ yị vị ẹyị ụvọta ọ mẹ ẹngụ ayị. Aza anị ị vị nị, dị aa tẹsị ayị anka ọza ana nyị atẹmẹ mẹ̀ẹ tẹsị atẹmẹ anị avọọ nị.

Ahẹ Ụgama 110:1

Ẹnẹyịmavara ộ kà a yị Ananyị mị ka yaayịtẹ éyi ụvọrị amị pooro dị ma sị ọnịvị awụ tụ́ ịzị ụ vaa kụ́ ahụụ hị́.

Ahẹ Ụgama 45:9

Ezi ohinọyị nịnị ẹ vị ezi anẹẹ ene hi ini eehi awụ nị Ohinọyị, ose ewu vị ọnị ụ sị tụ́ udi ọbanyị ịzị ụ yà dị ọ hara igooru ọkụmị-ọkụmị hi ẹngụ.

Anihiburu 1:3

Ini oze Ozi Ohomorihi ọnọọ ígirima Ohomorihi aa zịị zẹtẹ nị. Ọnị ọ vị uhwoto Ohomorihi gẹdẹ-gẹdẹ nị. Ịrẹyị anị ana nyị ụkata ọ sị za avaba ẹhẹ jẹẹ nị. Ộ nyịna aza hụụnị ịvị ẹnịnị ka ẹ̀ nyẹngụ nị. Dị ọ nọ ẹbẹẹba, dị ọ na yaayịtẹ éyi ụvọrị Ohomorihi ana nẹba hu kere-kere nị.

Anẹhwẹsọsị 1:20

Ụkata ọbanyị ana aa sịị mẹ̀ ụkọrọ ịnị ẹngụ ayị ọnịrị ụkata ọbanyị ọnị ọ sị há Ikirisiti hụụnị isu vị ọnyọọnya. Ụkata ọnọọ ọ rẹ sị sị Ikirisiti na yaayịtẹ éyi ụvọrị anị ẹ́bẹẹba nị.

Ịmaakị 16:19

Ịjị Ananyị yị maanị sị wa pe kà ịrẹyị, dị a sị ọọ nọ ẹbẹẹba nị, dị ọ na yaayịtẹ é yi ụvọrị Ohomorihi nị.

Ahẹ Ụgama 95:7

Ọnị ọ vị Ohomorihi ayị nị, dị ẹyị vị aza anị ene ee sere nị. Vị ị sị mẹẹ atẹmẹ anị ana aa tẹsị anị avọọ nị. Wàa wụ́ ka ộ kà ịrẹyị nịnị ajịnị, asị ụ mẹ̀ akamawụ hị́ ọ nịnị. Wâ yẹ ka avọọ ohiku awụ nịnị mẹ̀ me akamawụ hị́ ọ ịzị aā hị́ Imeriba ọnịrị Imasa ịnị ụnọmị nị.

Ahẹ Ụgama 79:13

Ịjọnọọ dị ẹyị aza awụ ọnị waa tẹsị anị anka ọza mẹ̀ẹ tẹsị ịsụpa avọọ, dị ẹyị aa kú wụ avọ pooro. Di ezi ịrẹma-ịrẹma ẹnị raa kụ avọ ịrẹyị ọnọnị. Dị yaa jị ahẹ kụ́ wụ.

1 Ohinọyị 2:19

Ịzẹyịza di Ịbatịsẹba ne si tù Isoromọnị ohinọyị ka ọnị ọ̀ na kà ụtụ Adonija yọ nị. Di ohinọyị kwẹẹtẹ, ka ọnị ọ̀ na gẹrị ọ nị. Ọ mẹ̀ na sị gẹrị ọ, di ohinọyị tana tụra ẹtẹ dị ọ kụ́ ọ nị. Ịjị ọ sị ọ kụ́ dị ọ varẹma na yaayịtẹ ịnị aga anị nị. Dị ọ rẹ sị aga yị Ịbatịsẹba ọnyị ohinọyị, dị ọnị yaayịtẹ éyi ụvọrị ohinọyị nị.

Ịrẹyị Ọzwọzịsa 10:2

Ọza ana yẹ ịrẹyị vị ana ayị anị mẹ ka ọọ̄ mẹ̀ ebira ana vọrọ; ama ọnụra vị anaā mẹ akụvị.