Imatiwu 25:31 - IWE ỌNỊNỊ

³¹ “Ịhị Ozi ọza onigirima ọ̀ọ vẹ ini igirima anị beri avaba anggẹẹrị ọnịnị nịnị, ọ vaa yaayịtẹ ị́rẹsụ aga igirima anị.

Imatiwu 25:31 Referans Kwoze

Ẹtore 1:7

Re! Aa vẹ ini eguhi. Avaba aza vee re e beri aza ana hyakụ jị ọha ngụ ọọ akaha. Avaba anẹhẹ vaa jị òrèrè agụvị anị. Avọọ gẹdẹ-gẹdẹ ọ mẹ̀ vị nị. Aamị.

Imatiwu 19:28

Dị Ijeesu kà a yị wa ka, “Ịzẹyịza m maa kà a wụ nịnị nị, ẹwụ nịnị ana aa dụ mịị zị aanị, ịjị àa sị ẹhẹ vara ọwọọwa, dị ẹmị Ozi ọza onigirima sị yaayịtẹ ị́rẹsụ aga ohinọyị amị nị, ẹwụ nịnị rẹ vaa yaayịtẹ ị́rẹsụ aga ohinọyị ẹwụrẹva, dị waa mẹ̀ ọkarẹyị tụ́ ịrẹsụ Anisirẹrị ana vị ịrẹsụ ẹwụrẹva nịnị.

Imatiwu 16:27

Agụvị ka Ozi ọza onigirima vaa vẹ beri anggẹẹrị nịnị ini igirima Ada anị; ịjọnọọ dị ọ sị ọgụ ụkọrọ ọzọza yọ anka ụkọrọ ọzọza.

Ịmaakị 8:38

Agụvị avọọ àa nyị ọza ịnị ẹhẹ odivi ọnọnị, ana aa nyị ụhị ọ̀yị dọ irenu ka ọnị vị áamị, dị ọ raa nyị ụhị ịrẹyị amị nị, ẹmị Ozi ọza onigirima rẹ vaa nyị ụhị ọ̀yị kà a ka áamị ọza ọnọọ vị nị, ịjị màa vavẹ ini igirima ada amị beri anggẹẹrị ọnịnị nịnị.”

Ijudi 1:14

Enọkị ana vị ọnọhụhịmba ịnị ịrẹsụ Adamị ộ vịdị kà ịsẹ ịnị oze aza ẹnẹnị ka: Re, Ananyị yị vaa vẹ beri otomiroku anggẹẹrị ọnịnị anị,

Ahẹ Ụgama 9:7

Ama Ẹnẹyịmavara ọnị vị Ohinọyị pooro zịna-zịna nị. O reè tenyi ịzị ọ vaa yà dị ọ̀ọ mẹ̀ ọkarẹyị.

Ịjọọnụ 1:51

Dị Ijeesu rẹ kà a yọ ka, “Ịzẹyịza m maa kà a wụ nị: U vee re ka ẹbẹẹba ộ na hi ẹtẹ, dị anggẹẹrị Ohomorihi aa vaa hịrẹẹ vaachi ịrẹsụ ẹmị Ozi ọza onigirima.”

Iruuku 9:26

Agụvị avọọ, àa nyị ọza ana aa nyị ụhị ọyịkà a ka áamị ọnị vị nị, à vị ka dị aa nyị ụhị ịrẹyị amị nị, ẹmị Ozi ọza onigirima rẹ vaa mẹ nyị ụhị ọyịkà kà a ka ọza ọnọọ vị áamị, ịjị màa vavẹ ini igirima amị beri igirima Ada amị ọnịrị áanggẹẹrị ọnịnị nịnị.

Ịzakaraya 14:5

Anijerusarẹmị nịnị vee zwe zị oze ịnị upoporo ataba ẹyịva ẹnẹẹ. Upoporo anị ộ gọdọ na ngụ Azeeri. Ẹnịnị vee zwe anka ụmẹ ọnị ẹtẹ sị ziizi ịnị ụmẹ Uziya ohinọyị Ijuda. Ẹnẹyịmavara vaa vẹ, dị avaba anggẹẹrị ọnịnị saasa a vẹ.

Ẹtore 20:11

Mée re aga ohinọyị ọnya aanị. Ọ́ọ banyị ẹtẹẹtẹrẹ, dị ọ vị ọvwọọvụ nị. Dị ọza ịnya yaayịtẹ ịnị anị nị. Dị ẹtẹ ọnịrị ẹbẹẹba ee zwee hụrẹ ọvịdị anị, dị ọza ò yi kuku re wa nị.

Ẹtore 3:21

Ọza ana àa nyị ehuna, mị vaa sị oze yọ ka ọ̀ yaayịtẹ pe mi ịnị aga ohinọyị amị, anka ẹ́mị mẹ̀ rẹ nyị ehuna, dị mị yaayịtẹ pe Ada amị ịnị aga ohinọyị anị.

Ịmaakị 14:62

Dị Ijeesu ka, “Ẹ mịị yọ nị. U vee re ẹmị Ozi ọza onigirima ka mâ yaayịtẹ eyi ụvọrị Ohomorihi Ochẹtẹngụ. Mị vaa vẹ ịnị eguhi ẹ́bẹẹba.”

Imatiwu 26:64

Dị Ijeesu ka, “Ẹmịị yọ nị. Dị maa kà a yị wụ nịnị ka hụrẹ ọyaanị na, u vee re ẹmị Ozi ọza onigirima ka mâ yaayịtẹ éyi ụvọrị Ohomorihi Ochẹtẹngụ. Mị vaa vẹ ini eguhi ẹ́bẹẹba.”

Anihiburu 1:8

Ama Ohomorihi ộ kà a yị Ozi anị ka, “Ohomorihi, ịjọva ọnị ụ waa mẹ vị ana vaa yà pooro zịna-zịna. Ịzẹyịza ụ vaa sị mẹ ohinọyị awụ nị.

1 Anịtẹsaronika 4:16

Ananyị yị vaa mẹ̀ ọda, dị ohirẹsụ anggẹẹrị nịnị nowu, dị ọpanyị Ohomorihi rẹ sụ́ ịrẹyị, dị Ananyị yị ọnị ụvọta chí hụrẹ ẹbẹẹba aa vẹ. Aza ana sị ayị tụra Ijeesu dị e ve sú, ẹ vịdị vaa haa hụụnị isu nị.

Odeyi 1:11

Dị ẹ ka, “Ẹwụ nịnị Anigariri, sị ẹ vẹ dị ụ maanị jẹẹ, dị ụ và eyi hịrẹ ee re ẹbẹẹba nịnị? Ijeesu ọnọnị ana hụụ ịdị awụ nịnị nọ ẹbẹẹba aanị, ọ rẹ vanaa vẹ, anka u mè re e ka ộ hịrẹ nọ ẹbẹẹba nịnị aanị.”

Iruuku 22:69

Ama hụrẹ ọyaanị na, ẹmị Ozi ọza onigirima vaa yaayịtẹ éyi ụvọrị Ohomorihi Ochẹtẹngụ.”

Imatiwu 25:6

Ịjị agẹvịrahụ si tù, di e vene nowu ka: ‘Re! Ọva ọnẹẹ aa vẹ, wụsẹ jịnẹ nọ ẹhẹ, wa na gẹrị ọọ nịnị!’

1 Ịsamụwẹrị 2:10

Aza ana kwẹẹtẹ tù Ẹnẹyịmavara vị ọnị ọ vaa garaa ha. Apaana ihinẹba ọ vaa tụ́ụ hi wa nị. Ẹnẹyịmavara vaa mẹ̀ ọkarẹyị avaba anẹhẹ. Ọ vaa sị ụkataa yị ọza ọnị ọ sị mẹ ohinọyị, mị ka ọza ọnị ọ̀ọ nyị mẹ ohinọyị, vị ọnị ọ vaa sị ụkataa yị.”

1 Anịtẹsaronika 3:13

Ini oze avọọ, dị ụ wa vị ọnịnị nịnị ọ́vịdị Ohomorihi Ada ayị ịnị ụmẹ oni Ijeesu Ananyị yị vaa sị vaa vẹ beri avaba aza anị!

Anihiburu 9:28

Avọọ Íkirisiti ọnị mẹ̀ rẹ sị ẹngụ anị mẹ̀ ịsọvọ ụpẹ ọnya gene-gene nị, ka ọnị ọ̀ kụ́ ịvị aza ọrụrụ-ọrụrụ kwooze. Ọ rẹ vanaa vaa vẹ ịnị ẹhẹ ọnọnị, ama ayị vị agụvị ịvị. Aza ene ee zí ọọ eyi, aa vaa dọ ọ há nị.