Imatiwu 25:20 - IWE ỌNỊNỊ

²⁰ Ozi ahụ ana dọ achuchu ẹẹhị aanị, ộ vẹ dị ọ ka: ‘Ọga, wâ sị achuchu ẹẹhị mị, achuchu ẹẹhị ọsa ọnị mị rị tụ́ ọ yị.’

Imatiwu 25:20 Referans Kwoze

Odeyi 20:24

Mẹ yị za ụhwẹ amị tụ́ ịnị ịsọnyị-ịsọnyị, agụvị dị ma zụ zị ụtụ amị ta, dị ma mẹ̀ ụkọrọ oni Ijeesu Ananyị yị sị mị ka ma mẹ. Ụkọrọ ọnọọ ọ vị ka maa kà enube ọyịza ka Ohomorihiī mẹ ọyịzaa yị ọza.

Ijemiisi 2:18

Aza ẹnyị ẹ zụ nyị ahankata ka: Ọza ịnya ộ dọ Ohomorihi wụ́ kẹnẹ, dị ọsa ọnị aa mẹ̀ ịsa ana vọrọ nị. Ohi amị ọ vị ka: Ọ́za mẹmẹ nyẹngụ dọ Ohomorihi wụ́ kẹnẹ dị ẹ yị sị vị ebira mẹ? Ẹma nyẹngụ sị zụ wụ ka maa sị ayị tụra Ohomorihi ini oze ebira ọnị maa mẹ̀.

Anikorasi 1:29

Agụvị avọọ m maa sị avaba ụkata oni Ohomorihi sị mịị mẹ̀ ụkọrọ ọnọnị nị. Maa vụrị ka ma zụ mẹ̀ ụkọrọ ọnọọ ta.

1 Anịkọrịntị 15:10

Ayamva Ohomorihi ọ mẹ ka ma vị ẹngụ ọza ọnị mị vị ajịnị aanị nị. Ayamva ọnị ọ vayị amị ọ rẹ̀ vaa vị ọọhẹ. Ẹma hyakụ mẹ̀ ụkọrọ huna avaba ezirẹma Ijeesu ana vọ nị. Ayị vị ẹmị ụvọta ọ vavọọ zụ mẹ̀ ụkọrọ, ayamva Ohomorihi aa gụ mị ụvọ ka ma vavọọ mẹẹ nị.

Imatiwu 18:24

O mè nyima kẹnẹ, â sị ọnụta ọnya anị ngụ eehi ve tù ọọ ana rị ọọ ụta akàaka.

Iruuku 19:13

Dị ọ hị́ ẹẹwụ ini ezi ahụ anị, dị ọ sị achuchu ọnya-ọnya yị wa, dị ọ ka: ‘Waa sịị sẹ̀ ohu nịnị pooro dị ma vẹ!’