Imatiwu 24:43 - IWE ỌNỊNỊ

⁴³ Dị ụ wa yẹ nịnị ka adarehi ọ̀ọ yẹ ụmẹ oni oyi vaa sị vẹ, vị ọ yaanị ee sere ẹtẹ nị, dị ọ yị yaanị zẹẹ ka oyi ọ̀ chaka ọnị irehi.

Imatiwu 24:43 Referans Kwoze

Iruuku 12:39

Dị ụ wa yẹ nịnị ka adarehi ọ̀ọ yẹ ụmẹ oni oyi vaa sị vẹ, vị ọ yaanị ee sere ẹtẹ nị, dị ọ yị zẹẹ ka oyi ọ̀ chaka ọnị irehi.

Imatiwu 24:44

Agụvị avọọ ẹwụ nịnị ọ̀ rẹ vavọọ zị́, agụvị ka Ozi ọza onigirima vị ana vaa vẹ ịnị ụmẹ oni wè yi ro nịnị.

Imatiwu 20:11

Ịjị ẹ sị ọọ dọ, dị ẹyaa rị ihuhuu hi adarehi ọnọọ nị,

Ụhịrẹyị 7:19

Dị ọ̀ ka ọva anị ọ̀ hụrẹ eehi na aha onoze. Ọ yi ya ịnị eehi.

Imatiwu 14:25

Ịnị ẹhụụ etumeyọnị, dị Ijeesu aa ká waa na, dị aa zị ụsẹ ị́rẹsụ enyi nị.

Imatiwu 24:42

Agụvị avọọ wee zí nịnị, agụvị ka wẹ yị yẹ ụmẹ ana Ananyị yị aa sịị vẹ.

Imatiwu 25:10

Di e si hu aa na nị. Ẹ màa naa hị́ angwẹ, dị ọza ana aa nyị ọnẹẹ vẹ nị. Dị ẹnị ene tenyi ẹngụ aanị saasa a ngụ eehi nọ ini ịrẹyị ọnẹẹ, di e gu oze nị.

Imatiwu 25:13

Agụvị avọọ, wee zí nịnị, agụvị ka wẹ yị yẹ ụmẹ oni Ozi ọza onigirima vaa sị vẹ nịnị.”

Ịmaakị 6:48

Di o re ka ezirẹma anị aa mẹ akanya, ẹ màa họ̀ ẹpa nị, agụvị ka ahị aa dọ wa oro. Ịnị ẹhụụ etumeyọnị dị Ijeesu aa ká waa vẹ; dị aa zị ụsẹ ị́rẹsụ enyi nị. Ịjị aa vaa para waa hu,

Ịmaakị 13:35

Agụvị avọọ sị eyi pe ẹtẹ nịnị, oo, agụvị ka wẹ yị yẹ ụmẹ ana adarehi aa sịị vẹ nịnị. Ọ zụ vẹ ụmẹ oruva, ọ rẹ zụ vẹ agẹvịrahụ, àa vị ụkọkọrọ ọ̀ọ maanị nowu kẹnẹ, ọ rẹ zụ vị ẹnẹnẹ viri-viri.

Iruuku 12:38

Ọga ọnọọ ọ̀ọ daka vẹ agẹvịrahụ, àa vị etumeyọnị, di o yi ve tù ka ệ ha ee zí ọnị nị, ezida ẹnẹẹ vaa jẹ ẹtẹẹtẹrẹ.

Iruuku 21:36

Agụvị avọọ, wee zí nịnị, dị ụ waa mẹ̀ aduwa nịnị ụmẹ tụra ụmẹ, agụvị dị ụ wa nyẹngụ há hụụnị avaba ịsa ana aa vẹ nịnị aanị, dị ụ wa zụ jẹẹ ọ́vịdị ẹmị Ozi ọza onigirima.”

Ẹtore 3:3

Tamayị ịsa ana a vịdị sị zụ̀ wụ nịnị, dị ụ rẹ dọ ọ. Sị ụvọ za a nịnị, di u we ro ịnẹ varẹma. Wè yi yee zí nịnị, mị vanaa vẹ kẹnẹ anka oyi avọọ nị, dị ụ wẹ yị yẹ ụmẹ ọnị mee sii vee tù wu nịnị nị.

Ẹtore 16:15

“Re! Mị vanaa vẹ anka oyi avọọ nị. Ọza eme èee zí di o tenyi ịta anị tịtẹ ka asị ọnị na yà ịnị ahwaahụ dị ụhị ọ̀ vaa nyị ọọ nị, vaa daa jẹ.”

Ijoovu 24:16

Ịrahụ dị oyi nịnị aa chaka irehi ne yi oyi, ama dị ẹ tẹ ọọdụ.