Imatiwu 24:17 - IWE ỌNỊNỊ

¹⁷ Ọza ana àa yà ịrẹsụ irehi, asị o chí nọ ini eehi na sị ịsọnyị-ịsọnyị!

Imatiwu 24:17 Referans Kwoze

Imatiwu 10:27

Ịsị màa kà wụ nịnị ịnị ịrahụ, na kà a nịnị ụmẹ ọọdụ! Ịsa àa tangwa were kà chire wu nịnị ụtọ, na jẹẹ ịrẹsụ irehi, dụ wa nọ̀ ọ nịnị!

Odeyi 10:9

Eyinẹhẹ anị, aza ẹnẹẹ màa na, ẹyaa vaa ngụ Ịjọpa. Ịnị ẹhụụ ụmẹ agogo ẹwụrẹva, dị Ipita hịrẹ nọ ịrẹsụ irehi ka ọnị ọ̀ na mẹ̀ aduwa nị.

Iruuku 12:3

Agụvị avọọ ịrẹyị ọnị ụ wàa kà ịnị ịrahụ nịnị, a vaa wụ́ ọ ịnị ọọdụ; ịsị u wèe were kà chire ẹngụ ụtọ nịnị, a vaa nọ ọ ị́rẹsụ irehi.

Iruuku 5:19

Ẹnịnị ẹ yị nyẹngụ sị oswẹngụ ọnọọ tù ịzị Ijeesu yà, agụvị ka aza ẹ sị rụrụ baaba. Ệ sị ọọ hịrẹ ịrẹsụ irehi ọnọọ, dị ẹ hụ̀ itu, di e chí oswẹngụ ọnọọ ọnịrị odooro ọnị ọ hụtụ ịnị anị, hi ọvịdị Ijeesu ịnị akakana aza nị.

Imatiwu 6:25

Agụvị avọọ dị ma kà a wụ nịnị ka, asị ụ rẹ̀ mẹ ariro ini oze ẹhẹ awụ nịnị ka, sị ụ vaa rị kẹ, à vị ka si u vee hú. Asị ụ rẹ̀ rẹ mẹ ariro agụvị ọchẹngụ awụ nịnị ka si u ve sii kú ẹngụ nịnị. Aanịka ụhwẹ ọza o yi huna ịsọyịrị, à vị ẹngụ ọza o yi huna ịta?

1 Ịsamụwẹrị 9:25

Ẹ mẹ̀ raà hụrẹ aha ịsọvọ ọnọọ chi vẹ, dị Ịsamụwẹrị ọnịrị Ịsọọrụ nọ ịrẹsụ irehi dị ẹ naa kà ịrẹyị nị.

Iwe Ọhụhị Imosiisi ana aa hị́ Ọyịvatụrọda 22:8

Wàa da irehi ọwọọwa, re ka wa sị ịsa kara ụtụtọ ịrẹsụ irehi. Ẹ yị nyị awụ rị ọza òo ne zina di o su nị.

Ijoovu 2:4

Dị Echu tụ Ẹnẹyịmavara ohi ka, ẹ yị nyị ịsị ọnị ọza ọyị zụ sị zune ụhwẹ anị. Sị ụvọ kanyị ọchẹngụ anị kẹ!

2 Ịsamụwẹrị 11:2

Ini oruva ẹkụhị ọnya di Idevidi ohinọyị kwẹẹtẹ hụụnị ịbẹẹdị anị, dị ọ hịrẹ nọ ịrẹsụ írehi anị, dị aa zị ụsẹ ịzọọ nị. Ọ mẹ̀ vavọọ yà ịrẹsụ irehi anị, di o re ka ọnẹẹ ọnọọ, ô zoza pooro ee.

Imatiwu 24:16

Ịjọnọọ aza ana aa yà Ijudiya, è zwe nọ ịrẹsụ ataba!

Imatiwu 24:18

Ọza ana àa rẹ yà ịnị aarẹ, asị ọ varẹma nọ ini eehi na sị awuru anị!