Imatiwu 24:14 - IWE ỌNỊNỊ

¹⁴ A vaa kà enube ọyịza ịjọva Ohomorihi ịnị avaba ẹhẹ, agụvị dị ọ̀ vị ivenu yị avaba anẹhẹ; ịjọnọọ ọgọnị, dị ẹzẹtẹ ẹhẹ vẹ.

Imatiwu 24:14 Referans Kwoze

Ẹtore 14:6

Me re re anggẹẹrị ọsa ene ee hira ẹ́bẹẹba. Ọ́ọ nyị enube ọyịza ana yà pooro zịna-zịna ana aa naa kà a yị aza ene hi ẹhẹ, avaba anẹkụra, aza ana aa kà ẹkụra irenyi-irenyi avaba ẹhẹ.

Aniroomi 10:18

Ama me ve họ̀ use ka aanị ka Aniju nịnị è yị wụ́ enube ọyịza da? Ẹnịnị ệ wụ́ ẹtẹẹtẹrẹ. Avaba anẹhẹ ẹ sị wụ́, a màa kà ịrẹyị ọnọọ. Ịrẹyị ẹnịnị ọ na sị ngụ avaba ẹhẹ.

Iruuku 24:47

Ịnị ịrẹha anị a vaa yàa kà enube ọyịzaa yị aza ka è ro ịnẹ varẹma hụụnị ebira odivi ẹnịnị, dị Ohomorihi ọ̀ vagu wa ịnị ịvị ẹnịnị nị. E vee nyimaa hụrẹ Ijerusarẹmị, dị ẹ vavọọ kà a pooro na ngụ avaba ẹhẹ.

Anikorasi 1:23

Áa nyị ka wa yịị sị ayịị tụra Ijeesu nịnị, dị ụ wa jẹẹ geri-geri nịnị, dị asị ụ zẹẹ ka à hụrẹ wụ nịnị hụụnị ọyịtureyi ọnị ụ nyị nịnị, ụ mẹ̀ wụ́ enube ọyịza nịnị. Â kà enube ọyịza ọnọọ yị avaba anẹhẹ. Ụkọrọ enube ọyịza ọnọọ ẹmị Ịpọọrụ kụkụ aa mẹ nị.

Imatiwu 10:7

Na kà a yị wa nịnị ka ụmẹ ana Ada ayị ẹbẹẹba aa sịị mẹ ịjọva ọ sị gụrị ẹtẹ.

Imatiwu 9:35

Ijeesu aa ngụ avaba ẹkụra ọbanyị ọnịrị ẹkụra oweyii zị, dị aa zụ̀ wa ịsa ini irehi ahẹkẹ Aniju ẹnịnị nị, dị aa kà enube ọyịza, Óhomorihi mẹmẹ aa mẹ ịjọva nị. Dị ọ raa mẹ avaba ụkụ irenyi-renyii yị aza nị.

Anikorasi 1:6

Anka énube ọyịza ọnọọ mẹ̀ ngụ ịdị awụ nịnị, avọọ ọ mẹ̀ raa garaa ngụ avaba ẹhẹẹ zị nị. Aa mẹ ka aza ẹ̀ẹ nyị ebira ọyịza, dị ẹ̀ rẹẹ vịraa tụ́ ịnị anị, anka ọ mẹ̀ rẹ yà yị ẹwụ nịnị. Ô nyima ụ mẹ̀ hụrẹ wụ́ enube ọnọọ, dị ẹwụ nịnị rẹ sị ayamva Ohomorihi yẹ obooro.

Imatiwu 24:6

Ụ vaa wụ́ ekuku ịrẹkụ nịnị ọnịrị ụha ịrẹkụ nịnị, ama asị ụ zẹẹ ka ayị awụ nịnị ọ̀ vazi! Ẹ yị zụ nyị ka ọ yị vavọọ yà, ama ẹzẹtẹ ẹhẹ ọọ̀ yị vẹ.

Imatiwu 4:23

Ijeesu aa ngụ avaba Igariri zị, dị aa zụ̀ wa ịsa ini irehi ahẹkẹ Aniju ẹnịnị, dị aa kà enube ọyịza ịjọva Ohomorihi, dị ọ raa mẹ avaba ụkụ irenyi-irenyi yị aza ịnị akakana aza ẹnẹẹ nị.

Odeyi 17:6

Ịjị ẹnịnị è yi re wa, di e tura Ijasoni ọnịrị ọdọwụ ẹnyị nọ ịdị ọdọvịdị ẹkụra nịnị nị. Di eyee nowu ka, “Aza ẹnẹnị ẹ kụ́ ẹhẹ và angga, ẹ rẹ va sị ngụ ịzẹnị bẹẹ.

Ezikẹẹrị 7:10

Ọ kà, ẹwụ nịnị Anisirẹrị ẹkụhị ọnị ụ vaa sị rị ụya nịnị aa vẹ. Ebira jugu-jugu vị ọnị ọzọza kụkụ aa mẹ o me zee e eyi. Ọzọza vị ana kụkụ à sị ẹngụ tụ ẹba ọ mẹ zụ mẹ zụ.

Ẹtore 3:10

Wa raà sị eyi pe ịrẹyị amị ọnị mị kà ka wa nyị isuuru; agụvị avọọ ẹmị rẹ vaa dọ ẹwụụ tụ́ụ hụụnị ụyọrị ana aa vẹ ịrẹsụ avaba anẹhẹ vaa zama avaba aza ene hi ịnị ẹhẹẹ re.

Odeyi 20:25

“Ma raà na kà enube ọyịza yị avaba awụ nịnị ka Ohomorihi ọ vị ohinọyị nị. Mâ yẹ ka we mē vene kuku re mi nịnị.

Imatiwu 24:3

Ijeesu ộ nọ ịrẹsụ Ataba Orivi, dị ọ na yaayịtẹ ịzọọ nị. Dị ezirẹma anị tangwa ká a vẹ dị ẹ ka, “Kà ẹ yị ụmẹ ọnị ịsa ẹnẹnị vaa sịị mẹ. Sị ẹ vị apọtẹrẹwa ana vaa sị zụ̀ ka waa vaa vaavẹ, ọnịrị ka ẹhẹ raa vaa ta?”

Ẹtore 16:14

Ẹnị ẹ vị ụhwẹ echu ana aa mẹ̀ ụkọrọ ohyozirenu nị. Dị ụhwẹ echu ẹẹta ẹnẹẹ nọ ịda avaba ohinọyị anẹhẹ nịnị nị. Di eyee sì ka ẹnị ẹ̀ kụ́ wa gụ tịtẹ zí ịrẹkụ ana aa vẹ ịnị ẹkụhị ọbanyị Ohomorihi Ochẹtẹngụ nị.

Iruuku 4:5

Dị Echu rẹ sị ọ nọ ịrẹsụ ataba ana nẹba ẹtẹẹtẹrẹ nị. Dị ọ wụsẹ sị avaba ẹkụra irenyi-irenyi ene hi ẹhẹ ọnọnị zụ̀ ọọ nị.

Odeyi 1:2

pooro ne tù ẹkụhị ana a va sị sị ọọ nọ ẹbẹẹba ịdị Ohomorihi. Dị a va sị ọọ nọ ẹbẹẹba, ộ sị ụkata Ụhwẹ Ọnịnị mẹ ọda yị odeyi anị ọnị ọ nyị.

Odeyi 11:28

Ọnya ịnị ẹnịnị ana aā hị́ Agabọsị, ộ kwẹẹtẹ, dị Ụhwẹ Ọnịnị sị ụkata yọ, dị ọ kà ịsẹ ka ụngwẹ ọbanyị aa vẹ ịnị avaba ẹhẹ nị. Ụngwẹ ọnọọ ộ vẹ ịnị ụmẹ oni Ịkịrawụdịyọsị sị rị ohinọyị.

Imatiwu 18:19

Dị ma rẹ kà a yị wụ nịnị ka: Aza ẹnị ẹẹva ịnị ẹngụ awụ nịnị ẹ̀ẹ sị ayị vị ọnya ịnị ẹhẹ ịnị ịsa ene èeyee họ̀ use, Ada amị ana yà ẹbẹẹba vị ana aa mẹ̀ ẹ yị wa.

Iruuku 2:1

Ịnị ụmẹ ọnọọ, Ọgọsịtọsị ohinọyị Aniroomi ộ mẹ̀ ọda ka à chẹrẹ avaba anẹhẹ.

Ịmaakị 13:10

 nyị ka à kà enube ọyịza yị avaba anẹhẹ dị ọdịrẹma ẹhẹ ọ̀ vavẹ.

Odeyi 17:31

Ohomorihi ộ nyị ẹkụhị ọnya ọnọọ vaa sị sị ịzẹyịzaa mẹ̀ ọkarẹyị avaba anẹhẹ. Ọ vavọọ vaa mẹ ini oze ọza ọnị ọ sị nyị. Ọ raà sị zụ̀ avaba aza ka ịzẹyịza yọ, ọ mẹ̀ ha ọza ọnọọ hụụnị isu.”

Odeyi 19:27

Agụvị avọọ, ụkọrọ ayị ọnọnị ọ zụ rị ịrẹha odivi. À hyakụ va hụụnị ọnọọ, irehi ori ọnẹẹ ọbanyị Idiyana ayị ọnọnị vị ana kụkụ vaa vị ịrẹyị kẹnẹ-kẹnẹ. Dị a kụkụ aa sị eyii wụ ori ayị ịnyẹmba ana vịdị nyị ụbanyị, dị avaba Anesiya ọnịrị anẹhẹ aa hẹkẹ ẹ.”

Anihiburu 1:6

Óhomorihi màa vaa tụ́ Ozi anị ọnị ọ nyị mẹ ọọnyị vẹ ẹhẹ, ọ rẹ kà a ka, “Avaba anggẹẹrị Ohomorihi nịnị ẹẹ hẹkẹ ẹ.”

Anihiburu 2:5

Ẹhẹ ana aa vẹ ọnị yaa kà aanị, ẹ́ yị vị anggẹẹrị nịnị Óhomorihi si chire ụvọ.