Imatiwu 23:3 - IWE ỌNỊNỊ

³ Agụvị avọọ ịsị ẹ̀ẹ ka wa mẹ, sị eyi pe e dị ụ waa mẹ̀ ẹ nịnị! Ama asị u sị eyi sì wa nịnị, agụvị ka ẹ mā mẹ̀ ịsa ẹnẹẹ ka ọza ọ̀ mẹ.

Imatiwu 23:3 Referans Kwoze

2 Itimoti 3:5

Dị ẹ sị tụra eyi ka ẹnị aa mẹ̀ ebira ọnịnị, ama dị ẹyị zẹẹ ka Ohomorihi ọ̀ sị ụkata yị ẹnị. Asị ẹwụrị ẹngụ aza ẹnẹẹ zị ògù vụrụ-vụrụ!

Ịtayịtọsị 1:16

Ẹẹ̄ sị irenuu kà a ka ẹnị ẹẹ̄ yẹ Ohomorihi, ama ebira ẹnịnị ẹ́ yị sị zụ ka ẹ́ẹ yẹ Ohomorihi. Ịsa eenyisi ẹnịnịị̄ mẹ nị, dị ẹ rẹ yaa mẹ akamawụ nị, ẹ yị nyị ịsa ozoza ẹnẹ ẹnịnị zụ mẹ vụrụ-vụrụ.

Odeyi 5:29

Dị Ipita ọnịrị odeyi ana vọ tụ́ ohi, dị ẹ ka, “Â nyị ka ya wụ́ ịrẹyị Ohomorihi hu ọ́ọza.

Aniroomi 13:1

Ọzọza ọ̀ ká ịrẹsụ hi yị aza ana aa mẹ ịjọva, agụvị ka Ohomorihi ọ sị wa tụ́ ịzọọ nị. Avaba aza ana sị ụvọ za ọda booro aanị, Ohomorihi ọ sị ọda ọnọọ yị wa nị.

Imatiwu 21:30

Dị ịnda ọnọọ re ne tù ọnọhụva, dị ọ rẹ vavọọ kà nị. Dị ọnị ka: ‘Maa nọ, Ọga’, ama ọ yị va nọ.

2 Ịtọpa 30:12

Ohomorihi ộ sị ụvọ kanyị Anijuda nịnị ayị, dị ọ mẹ ka ẹ vayị bẹ, dị ẹ dọ ka ẹnị aa saasa ọda ọnị ohinọyị ọnịrị ọdọvịdị anị nịnị mẹ̀.

Iwe Ọhụhị Imosiisi ana aa hị́ Ọyịvatụrọda 5:27

Dị ẹ ka, Imosiisi ọ na wụ̀ avaba ịrẹyị ọnị Ẹnẹyịmavara ana vị Ohomorihi ẹnịnị ọ̀ọ ka dị ọ̀ ka enube yị ẹnị. Ẹnị vaa wụ dị ẹnị saasa a.

Iwe Ọhụhị Imosiisi ana aa hị́ Ọyịvatụrọda 4:5

Imosiisi ka, ọnị ọ̀ ra sị avaba ọda zụ wa anka Ẹnẹyịmavara Ohomorihi anị mẹ ka yị ọnị. Ẹnịnị ẹ̀ saasa a ịzị ẹ̀ yaa va dọ dị ọ vị ẹ̀nịnị aanị.

Ọyịkụra 18:23

Wàa maanị mẹẹ anka Ohomorihi mẹ̀ kà a wụ, ọ yị vaa ngụ wụ ẹngụ. Avaba aza ẹnẹnị aa nọ eehi, dị ịnẹ ẹnịnị ee hine.”

Imatiwu 23:2

Dị ọ ka, “Ọzwọzọda nịnị beri Anihwarisi nịnị vị ana yà udi Imosiisi aa zụ̀ aza ọda.

Imatiwu 23:4

Ẹnịnị vị eneē kune ẹnya ọrata, di e chema a tụra ọza ịza; ama ẹnị e yi vee sì ka ẹnị ẹ̀ hyakụ sị igege kanyị ọ, dị ẹnị è zịna a.