Imatiwu 23:23 - IWE ỌNỊNỊ

²³ Wa sị dà nịnị. Ẹwụ nịnị ọzwọzọda ọnịrị Anihwarisi nịnị. Ẹwụ nịnị ọmọzakụyẹ! Ụ hyakụ aa tụ́ agẹẹwụ avị ịsẹpẹ eweyi-eweyi irenyi-renyi; ama ịsa obooro ọnị ọda kà, wa raà sị eyi jịnẹẹ nịnị, ẹhụụ ọkarẹyị ana vọrọ ọnịrị ayamva beri ẹdọwụ. Â vọrọ ka waa mẹ ẹsẹnị nịnị, dị asị u hí ayị ana vọ nịnị.

Imatiwu 23:23 Referans Kwoze

Iruuku 11:42

“Wa sị dà nịnị, ẹwụ nịnị Anihwarisi. Ụ hyakụ aa tụ́ agẹẹwụ avị ịsẹpẹ eweyi-eweyi irenyi-irenyi nịnị, ama wa raà sị eyi jịnẹ ịzẹyịza, we yi sì ịrẹyị Ohomorihi nịnị. Â vọrọ ka waa mẹ ẹsẹnị beri ọnị ụ vịdị aa mẹ nịnị.

Imika 6:8

Eyiye, Ẹnẹyịmavara ọ raa kà īsa vọrọ yị wụ nịnị anẹhẹ Ịsị e si hụụnị ụvọ awụ nịnị ọ vị ọnọọ nị. Waā kà ịzẹyịza, dị waā vayị ọza. Dị waa mẹ̀ ịsa oni Ohomorihi sì ịnị ịrẹsụ ọkahi.

Ihoseya 6:6

Ọ kà ọza o sì ịrẹyị anị ọ ngụ ọnị eyi hụụnị ka a sị ịsa ịsọvọ va yị ọnị nị. Ọza ọ yẹ ọnị ọ mẹ yị ọnị hụụnị ka ọ rị ịsọvọ ịra yị ọnị nị.

Imatiwu 9:13

Ama na nịnị, di u we ne sì uruvo ịsa ọnị ịrẹyị ọnọnị kà nịnị ka: ‘Me yi sì ịsọvọ, àyị vị ayamva.’ Agụvị ka mẹ yị vẹ ka ma hị́ ọnịrẹyịzẹyịza, àyị vị ka ọnịvị nịnị è ro ịnẹ varẹma nị.”

1 Ịsamụwẹrị 15:22

Dị Ịsamụwẹrị tụ́ ohi dị ọ ka, “Wáá yẹ ka Ẹnẹyịmavara o yi sì ịrẹyị ịsọvọ anka o mè sì ka ọza ọ̀ọ wụ́ ịrẹyị ọnị ọnị ọ̀ọ kà. Ọza ọ̀ọ mẹ̀ ịsa ẹnị Ẹnẹyịmavara kà ô huna ịsọvọ ẹbanyị-ẹbanyị ana azaā mẹ.

Ụhịrẹyị 21:3

Ọza ọ̀ mẹ̀ ịsị ẹ vọrọ o hine Ẹnẹyịmavara hu ịsọvọ ọyịmẹ̀ nị.

Ireevi 27:30

Avaba achehi ẹẹwụ ịsa ọnị ẹtẹ ọ̀ọ mẹ vị Ẹ́ẹnẹyịmavara, ọ̀ọ vị akụ, ọ̀ọ va vị ẹtụtụ ọchị.

Iruuku 18:12

Mịị̄ za awẹ ụpẹ ẹẹva ịnị ọsẹ, mị rẹẹ̄ tụ́ agẹẹwụ avaba ịsị màa nyị.’

Imatiwu 12:7

Wàa yaanị yẹ iruvo ịrẹyị ọnọnị nịnị ka: ‘Me yi sì ịsọvọ ẹ̀ yị vị ayamva’, wẹ yị yaanị aa jị ịvịị yị ọza ẹnẹ ẹ̀ yị rị ịvị nịnị,

Ayịsaya 28:25

Mâ yẹ ka ọkụrịkụ ọ̀ọ sị ẹtẹ huru ihu ọ kụkụụ mii hị́ ọ nị. Ọ̀ọ sị ịsa ịnị aarẹ ana aā hị́ ihwiti ọnịrị ibaari ne beri ịsa ana vọ, di o chire ọzọza hi aha anị.

Ijeremaya 22:3

Ẹnẹyịmavara kà, waa mẹ ịzẹyịza ọnịrị ịsa ana vọrọ nịnị. Ọza ana aa mẹ̀ẹ rị, dọ ọ hụrị ọza anaa mẹ̀ ẹ rị ụvọ nịnị. Asị ụ mẹ ọzọga nịnị ẹnịrị ezi oku, à vị osoku nịnị eyi ngwẹngwẹ. Asị ụ mẹ ẹvaya yị wa nịnị. Asị ụ wụ̀ aza ẹnẹ ẹ̀ yị nyị ịsị ẹ mẹ̀ ịzẹnị nịnị.

Imatiwu 23:13

“Wa sị dà nịnị, ẹwụ nịnị ọzwọzọda ọnịrị Anihwarisi nịnị. Ẹwụ nịnị ọmọzakụyẹ! Wee gu oze hi aza ka asị ẹ ngụ ịzị Ada ayị ẹbẹẹba yà aa mẹ ịjọva. Ẹwụ nịnị ụvọta ọ yị ngụ eehi, aza ana aa ngụ eehi, wẹ yị zẹẹ wa nịnị.