Imatiwu 23:15 - IWE ỌNỊNỊ

¹⁵ Wa sị dà nịnị. Ẹwụ nịnị ọzwọzọda ọnịrị Anihwarisi nịnị. Ẹwụ nịnị ọmọzakụyẹ! Ẹ yị nyị ịzị ụ wẹ̀ yị mā nọ ka wa na sị ọza vẹ ịnị ahẹkẹ awụ nịnị. Wàa raà sị ọọ vẹ, dị ụ vara a ozi ini ẹkụra huna ẹngụ awụ nịnị ụvọta.

Imatiwu 23:15 Referans Kwoze

Anẹhwẹsọsị 2:3

Ịyẹẹyẹ avaba ẹyịrị ụhwẹ echu ẹnẹẹ vị anaā vịdịị kụ́ ogu, dị ahịka oyisì ẹngụ ẹyị ọza kẹnẹ, ị yaa mẹ nị. Dị yaa mẹ̀ ịsa ọnị ọchẹngụ ọnịrị ayị ayị òo sì kẹnẹ; anka aza ana vọ, ẹyị vị ana rẹ vịdị aa mẹ̀ ebira anaa vọrọ ka Ohomorihi ọ̀ sị kụ́ ayị hi yị.

Odeyi 13:43

Ịjị aza ẹnẹẹ sị gara hi, Aniju ọrụrụ-ọrụrụ ọnịrị Anigiriki, ama dị ẹ sị ahẹkẹ Aniju dọ, ệ saasa Ịpọọrụ ọnịrị Ịbanabasị. Dị Ịpọọrụ ọnịrị Ịbanabasị aa kà ịrẹyịị yị wa ka ẹ̀ dọ ayamva oni Ohomorihi aa sịị yị wa, dị ẹ̀ sị ụvọ za a.

Odeyi 13:10

Dị ọ ka, “Ẹwụ ozi Echu, ẹwụ ana sị avaba ẹngụ vị ireche-ireche ọnịrị irikichi, uū sì ka we du avaba ịsa ene zoza. Aanị ka aanị ụ mẹ̀ vaa vara ịzẹyịza Ohomorihii tụ́ ini ireche pooro nị?

Odeyi 14:2

Ama Aniju nịnị ẹnẹ ẹ̀ yị zẹẹ ka ẹnị ẹ̀ dọ wụ́, ẹ rẹ tụ́ Anigiriki nịnị ịrẹyị, dị ẹ sị ayị vara tù ọdọwụ nịnị nị.

Ịjọọnụ 8:44

Ezi ada awụ nịnị ụ vị nịnị nị; ada awụ nịnị ọnọọ ọ vị Echu nị. Ịsa ana ada awụ nịnịị̄ sì kẹnẹ, ụ waa mẹ nịnị nị. Ọwọza ọ vị hụrẹ ụmọrụmọ nị. Ọ mā rẹ saasa ịzẹyịza, agụvị ka ẹ yị nyị ịzẹyịza ikonya ịnịnẹ anị. Èe cheeche, ebira anị aa mẹ avọọ nị, agụvị ka onireche ọ vị nị. Ọnị nyẹmba ọ vị ada ireche nị.

Anigaratiya 6:12

Aza ene ee sì ka, à kà ka à yẹ ẹnị ịnị ẹhẹ, ẹnị ẹyaa sị ụkataa za wụ nịnị ka wa jị ụvẹvẹnẹ nịnị nị. Eyi sì ka à sị ụya rị ẹnị agụvị enube isu Ikirisiti ị́rẹsụ apavahị.

Anigaratiya 4:17

Avaba aza ene ee sì ka ẹnị ẹ̀ và wụ nịnị eyi avọọ, ariro ẹnịnị e yi zoza. Eyee sì ka ẹmịrị ẹwụ nịnị ọ̀ há hi, dị ụ wa kụkụụ dụ ẹnịị zị.

Imatiwu 5:22

Ama ẹ ma kà a yị wụ nịnị nị ka ọza ọ̀ọ kụ́ ayị hi ọnọhụva anị, vị aa mẹ̀ ọkarẹyị yọ nị. Ọza ana àa rẹ kụ̀ ọnọhụva anị ụhụ, a vaa hị́ ọọ ịrẹka; ama ọza ana àa tụ́ ozirenu hi ọza, ọ nyayịnẹ nọ ini ẹkụra.

Odeyi 17:13

Ịjị Aniju ene hi Ịtẹsaronika wụ́ ka Ịpọọrụ ọ na kà ịrẹyị Ohomorihi Íbereya, dị ẹ nọ ịzọọ, dị ẹ na tụ́ aza ịrẹyị ẹtẹẹtẹrẹ nị.

Odeyi 14:19

Aniju ẹnyị ệ hụrẹ Antịyọkị (ịnị ẹtẹ Ipisidiya) vẹ, ẹnyị ẹ rẹ hụrẹ ẹkụra Ayịkọnịyọmị vẹ. Dị ẹ tụ́ anẹkụra ẹnẹẹ ịrẹyị, di e ne Ịpọọrụ ịrẹta, di e tura a hụụnị ẹkụra nị. Vị ẹnịnị ro ka ô wusu nị.

Odeyi 2:10

beri Ihwirigiya ọnịrị Ipamihwiriya, Ijipiti ọnịrị oze eyi Iribiya ọgụrị Isayirini. Aza ẹnyị ẹ rẹ hụrẹ Iroomi vẹ. Aza ẹnyị ẹ yị vị Aniju, ọsa vị azọga ana dọ ahẹkẹ Aniju nịnị.

Odeyi 6:5

Ịrẹyị ọnọọ ô zé avaba ẹnịnị eyi. Dị ẹ nyị Isitivini nị, ana sị ayị tụra Ohomorihi ẹtẹẹtẹrẹ, dị Ụhwẹ Ọnịnị rẹ dọ avaba ayị anị. Dị ẹ rẹ nyị Ihwiripi ọnịrị Ipirokorusi beri Inikanọ ọnịrị Itimoni nị. Ẹ rẹ nyị Ipaminasi ọnịrị Inikorasi Anantịyọkị ana dọ ahẹkẹ Aniju.

Ẹsịta 8:17

Dị avaba Aniju ene hi ịzị ọda ọnọọ tù ịnị ẹtẹ ọnọọ aa rị eche anị. Dị aahẹ aa sụ́ ịrẹyị kuu ịnị avaba ẹtẹ ọnọọ nị. Dị angwahi sị ngụ aza ana vọ ẹngụ nị. Dị aza ọrụrụ-ọrụrụ anẹkụra irenyi-irenyi kụkụ aa hí ẹngụ ẹnịnị Aniju nị.

Imatiwu 5:29

Eyi ụvọrị awụ ọ̀ọ mẹ ka wa mẹ ịvị, tụ̀ ọ kwooze, di u we ne e ta! Agụvị ka ọ́ọ gụụ wụ ka ọchẹngụ awụ ọnya ọ̀ dà vú hu ka è ne ẹwụ ụvọta ngụ ẹkụra.

Imatiwu 3:7

Ama òo mè re ka ọrụrụ-ọrụrụ ịnị Anihwarisi ẹnịrị Anisadusi nịnị ệ vẹ ka à mẹ̀ ọyịhwọzenyi yị ẹnị, dị ọ kà a yị wa ka, “Ẹwụ nịnị ezi ibe, ẹnẹ va kà wụ nịnị ọ̀nọ̀ ka we zwè yị ọyịkụ Ohomorihi anaa vẹ?

Imatiwu 23:13

“Wa sị dà nịnị, ẹwụ nịnị ọzwọzọda ọnịrị Anihwarisi nịnị. Ẹwụ nịnị ọmọzakụyẹ! Wee gu oze hi aza ka asị ẹ ngụ ịzị Ada ayị ẹbẹẹba yà aa mẹ ịjọva. Ẹwụ nịnị ụvọta ọ yị ngụ eehi, aza ana aa ngụ eehi, wẹ yị zẹẹ wa nịnị.