Imatiwu 22:8 - IWE ỌNỊNỊ

⁸ Di ohinọyị ọnọọ kà a yị ezi ahụ anị ka: ‘Ya sị ịsa mẹ, ama aza ọnị mị hị́, ẹ yị hụ ọọ rị ịsa amị ọnọnị.

Imatiwu 22:8 Referans Kwoze

Ẹtore 3:4

 nyị aza chee ịnị awụ nịnị Isaadisi ịzọọ, ana ahịka ẹ yị dà ịdọtị gẹ ịta ẹnịnị. Ẹnịnị vaa kụ́ ẹnya ọvwọọvụụ hi ẹngụ, dị ọnịrị wa aa zịịzị, agụvị ka ẹnịnị ệ ra anka Ohomorihi mè sì ọọ.

2 Anịtẹsaronika 1:5

Wee re ka ịrẹyị awụ nịnị ọnọnị aa sịị zụ̀ ka Ohomorihi vị anaā mẹ̀ ọkarẹyị ịrẹyịzẹyịza? Ọdịrẹma ịsa ẹnẹnị ọ vị ka Ohomorihi aa mẹ wụ nịnị ka wa vọrọ tụra ịzị ọnị yà aa mẹ ịjọva, ọnị ụ maanị hụ ụvọ anị aa rị ụya nịnị aanị nị.

Odeyi 13:46

Dị Ịpọọrụ ọnịrị Ịbanabasị aa sị ọtụtụrụma kà ịrẹyị huna avọọ nị. Dị ẹ ka, “Â nyị ka à vịdị kà ịrẹyị Ohomorihi yị wụ nịnị da. Ama ụ wẹ̀ yị mẹ̀ dọ ọ nịnị, dị ụ ka wẹ yị vị aza ana aa yàra ị́dị Ohomorihi pooro zịna-zịna nịnị aanị, yaa hụụ ịdị awụ nịnị, dị ya nọ ịdị anẹkụra ẹnẹ ẹ̀ yị vị Aniju.

Ẹtore 22:14

Aza ana àa nyịna ịta ẹnịnị nị, agụvị à zụ sị oze yị ẹnị ka ẹnị ẹ̀ zụ rị ẹtụtụ ọchị anaā mẹ ka ọza ọ̀ yàra pooro zịna-zịna, dị ẹnị ẹ̀ rẹ zụ zị oze ịnị ẹkụra ọnọọ ngụ eehi, vaa daa jẹ.

Iruuku 21:36

Agụvị avọọ, wee zí nịnị, dị ụ waa mẹ̀ aduwa nịnị ụmẹ tụra ụmẹ, agụvị dị ụ wa nyẹngụ há hụụnị avaba ịsa ana aa vẹ nịnị aanị, dị ụ wa zụ jẹẹ ọ́vịdị ẹmị Ozi ọza onigirima.”

Iruuku 20:35

Ama aza oni Ohomorihi re ka ộ vọrọ ka ẹ̀ ha hụụnị isu, dị ẹ̀ rẹ ra ị́dị Ohomorihi, ẹ yị kụkụ vaa nyị ọnẹẹ, dị à hyakụ va sị aza ẹnyị gà ọnọrụ.

Imatiwu 9:15

Dị Ijeesu kà a yị wa ka, “Aza ọza anaa nyị ọnẹẹ ẹ́ẹ́ zụ jị òrèrè ịnị ụmẹ ọnị ọva ọnẹẹ yà pe wa? Ama ẹkụhị aa vẹ anaa vaa sị ọva ọnẹẹ hụụ ịzọọ, ịjọnọọ ẹ vaa ba awẹ.

Imatiwu 22:7

Ịjị ohinọyị ọnọọ maanị wụ́, ayị ọ sị kụ́ ọọ, dị ọ tụ́ isoja anị nịnị dị ẹ na wụ ọwọza ẹnẹẹ, dị ẹ rị ẹkụra ẹnịnị ịra nị.

Imatiwu 22:9

Agụvị avọọ nọ ozehinava nịnị; avaba aza oni u wèe re, ụ hị́ wa vẹ nịnị.’