Imatiwu 22:24 - IWE ỌNỊNỊ

²⁴ Dị ẹnịnị ka, “Ọga, Imosiisi ộ kà a ka ọza òo sú, dị ọ̀ yị ma ozi nị, ọyịnyara anị ọ̀ kụ́ ose anị ogu, dị ọ̀ ma ozi yị ẹnẹbẹnị anị ene sú.

Imatiwu 22:24 Referans Kwoze

Iruuku 20:28

“Nda, Imosiisi ộ chẹrẹ ẹ tịtẹ yị ka, ọza òo sú, dị ọ navọ ose anị tịtẹ dị ọ̀ yị ma ozi nị, ọyịnyara anị ọ̀ kụ́ ọnẹẹ ọnọọ ogu, dị ọ̀ ma ozi yị ẹnẹbẹnị anị ene sú.

Ịmaakị 12:19

“Nda, Imosiisi ộ chẹrẹẹ tịtẹ yị ka, ọza òo sú, dị ọ navọ ose anị tịtẹ nị, dị ọ̀ yị ma ozi nị, ọyịnyara anị ọ̀ kụ́ ọnẹẹ ọnọọ ogu, dị ọ̀ ma ozi yị ẹnẹbẹnị anị ene sú.

Iruuku 6:46

“Sị ẹ vẹ dị waa hị́ mị ‘Ananyị yị, Ananyị yị’, ama dị ụ wẹ yị mẹ̀ ịsa ọnị mị kà?

Imatiwu 22:36

“Ọga, ye re ọda ene hu kere-kere ịnị avaba ọda?”

Imatiwu 22:16

Dị ẹ tụ́ ezirẹma ẹnịnị beri aza Ịhẹrọdị nịnị ne tù Ijeesu nị. Dị ẹ ka, “Ọga, yâ yẹ ka ọnịrẹyịzẹyịza ụ vị nị. Ịzẹyịza Ohomorihi kẹnẹ, ụ sịị̄ zụ̀ aza nị. Wẹ yị yẹ ọzọbanyị, agụvị ka we mē re eyi aza.”

Imatiwu 7:21

“Ẹ yị vị avaba aza ana aa hị́ mị ka: ‘Ananyị yị!’ ẹ vaa ngụ ịzị Ada ayị ẹbẹẹba yà aa mẹ ịjọva; ẹ̀ yị vị aza ana aa mẹ̀ ịsa ana Ada amị ẹbẹẹba sì ka ẹ̀ mẹ.

Iruutu 1:11

Dị Inawomi tụ́ wa ohi ka, “Varẹma wa na nịnị ezi emi, sị ẹ vẹ dị ụ ka waa saasa mị nịnị? Wu wéé ro ka ma kụkụ zụ ma ezi ọsa ana vaa nyị wụ nịnị nị?

Oyinyima 38:11

Di Ijuda kụkụ va hị́ Ịtama ose ozi anị, dị ọ ka: Ọ̀ kụkụ vavọọ vị osoku tụ́ ịda ada anị pooro di Isera ọ̀ vịra. Ijuda ô ro o ka ọnị ọ̀ọ ka Isera o re kú o ogu aanị, ọnị ọ rẹ nyayịnẹ su anka ẹnẹbẹnị anị nịnị. Ịzẹyịza di Ịtama na yà ịdị ada anị nị.

Oyinyima 38:8

Di Ijuda va hị́ Onani dị ọ ka, “Ọ̀ navọ ò ku osoku ẹnẹbẹnị anị dị ọ̀ ma ozi yị ẹnẹbenị anị.”

Iruutu 3:13

Yà ịzẹnị tù ẹnẹnẹ ụhwọọ, dị ma họ̀ ọ use ka ọ́ọ́ dọ ka ọnị ọ̀ kụ wụ ogu. Ọ̀ọ dọ, o zoza, dị ọ kụ wụ ogu. Ama àa vị ọ̀ yị dọ nị, Ẹnẹyịmavara ọ̀ọ yà ịzọọ, mị vaa kụ wụ ogu. Na hụtẹtẹ tù ẹnẹnẹ ụhwọọ.”

Iruutu 4:5

Dị Ibowazị ka, “Oo zoza. Ịhị wàa hị́ ẹtẹ ọnọọ hụụnị ụvọ Inawomi, ụ rẹẹ vaa sị Iruutu Animowabi ọnị ọva anị sú nị. Wàa vavọọ sị ọ, dị ọ̀ ma ozi ana vaa kú ogu ọza ene sú aanị, dị aa sị ẹtẹ ọnọọ tamayị ịrẹha anị.”

Imatiwu 22:25

A va nyị ẹyịnyara ịhịmba ana ra ịzẹnị. Ana vị ọzọkụ ẹnịnị ộ nyị ọnẹẹ; ọ yị ma ozi di o sú, dị ọhụva anị kụ́ ose anị ogu nị.

Iruuku 20:33

Ịnị ụmẹ oni oku nịnị vaa sị haa hụụnị isu, ẹnẹ ọnẹẹ ọnọọ kụkụ vaa vị ose anị? Ẹnị ịhịmba ọ nyị ọọ aanị nị.”