Imatiwu 22:21 - IWE ỌNỊNỊ

²¹ Dị ẹnịnị kà a yọ ka óohinọyị Aniroomi yọ nị. Dị Ijeesu kà a yị wa ka, “Ẹ̀hẹẹ, sị ịsa ana àa vị óohinọyị Aniroomi yị ohinọyị ọnọọ nịnị; dị ụ wa rẹ sị ịsa ana àa vị ịsa Ohomorihi yị Ohomorihi nịnị!”

Imatiwu 22:21 Referans Kwoze

Aniroomi 13:7

Ụta ọnị wàa rị wa, u sí ọọ nịnị! Tụ́ ẹkẹhị irehi irenyi-irenyi ẹnịnị yị wa nịnị; dụ wa rẹ nyị ịrẹsụ ọkahi, dụ wa sị ụbanyị yị ọzọza, anka ọ mẹ̀ vọrọ!

Odeyi 4:19

Dị Ipita ọnịrị Ịjọọnụ tụ́ ohi dị ẹ ka, “Ẹwụ nịnị ọ̀ kà a dị a re, ọ́ọ́ vọrọ ini eyi Ohomorihi ka ya wụ́ ịrẹyị awụ nịnị huna ịrẹyị Ohomorihi?

Ụhịrẹyị 24:21

Ozi emi, nyị angwahi Ẹnẹyịmavara ọnịrị ohinọyị. Asị ụ zị ògù aza anaa mẹ̀ akamawụ hị́ wa.

Imatiwu 22:37

Dị Ijeesu tụ́ ọ ohi, dị ọ ka, “Sị avaba ayị awụ sì ịrẹyị Ohomorihi Ananyị yị beri avaba ivehu awụ, ọnịrị avaba ịrẹyọyẹ awụ!

Iruuku 23:2

Dị ẹyaa sị ịrẹyị anịị tụ́ ịrẹka nị ka, “Yâ za ọnọrụ ọnọnị ka ee du ẹkụra ayị; ọ ka asị ẹ rẹ̀ tụ́ ẹkẹhị irehi yị ohinọyị Aniroomi. Ọ rẹ ka ọnị ọ vị Ikirisiti ana vị ohinọyị nị.”

Odeyi 5:29

Dị Ipita ọnịrị odeyi ana vọ tụ́ ohi, dị ẹ ka, “Â nyị ka ya wụ́ ịrẹyị Ohomorihi hu ọ́ọza.

Imatiwu 4:10

Ịjọnọọ dị Ijeesu kà a yọ ka, “Và ị́rẹma amị, ẹwụ Isitani, agụvị ka â chẹrẹẹ ka: ‘Waa va ku ẹtẹẹ yị Ohomorihi Ananyị yị; ọnị ịnyara kẹnẹ ụ rẹ vaa hẹkẹ nị!’ ”

Imatiwu 22:20

Dị ọ họ̀ wa ka, “Eni uhwoto anị ọnịrị ịrẹha anị yà ịnị anị aanị?”

Ịmaakị 12:17

Dị Ijeesu kà a yị wa ka, “Ẹ̀hẹẹ, sị ịsa ana àa vị óohinọyị Aniroomi, yị ohinọyị ọnọọ nịnị; dị ụ wa rẹ sị ịsa ana àa vị ịsa Ohomorihi, yị Ohomorihi nịnị!” Ịrẹyị Ijeesu o si hí wa irenu.

Iruuku 20:25

Dị Ijeesu kà a yị wa ka, “Ẹ̀hẹẹ, sị ịsa ana àa vị óohinọyị Aniroomi yọ! Dị ụ wa rẹ sị ịsa ana àa vị ịsa Ohomorihi, yị Ohomorihi nịnị!”