Imatiwu 22:10 - IWE ỌNỊNỊ

¹⁰ Ịzẹyịza, di ezi ahụ ẹnẹẹ jịnẹ nọ oze, dị ẹ hị́ avaba aza enee re vẹ nị, à hị́ ọza ọyịza, à hị́ ọza odivi. Dị irehi ịzị a yà aa nyị ọnẹẹ aanị vị ohihi yị aza ana aa vaa rị ịsa nị.

Imatiwu 22:10 Referans Kwoze

Ẹtore 7:9

Ị́rẹma ẹnẹẹ, dị mị rẹ kana eyi, di mi re ọkọnị aza ọnị ọza ọ̀ yị zụ za ịrịka nị. Ẹnịnị vị ana hụrẹ avaba ẹkụra ịnị ẹhẹ saka-saka ana aa kà ẹkụra irenyi-irenyi vẹ, dị ẹ jẹẹ ọvịdị aga ohinọyị ọnọọ, ọnịrị ọvịdị Ozi Atẹmẹ nị. Ẹnịnị vi ene chire awuru ọvwọọvụ, dị ẹ sị avị ụda rị ụvọ nị.

1 Ịjọọnụ 2:19

Aza ẹnẹẹ vị ana hụụ ịdị ayị agụvị ka ẹyịrị wa ẹ́ yị vị ọnya. Ẹyịrị wa ọ̀ọ yaanị vị ọnya, ẹnịnị vị ana yaanị yà pe yị. Ama ẹ́ẹ hụụ ịdị ayị agụvị dị ọzọza è ree ka ẹyịrị wa ẹ́ yị vị ọnya.

2 Anịkọrịntị 12:21

Ọ́ maa navọ, màa na vẹ ịhị ọsa, asị Ohomorihi amị na kà mi chi ini eyi awụ nịnị. Dị maa jị òrèrè agụvị aza ọrụrụ-ọrụrụ ana vịdị mẹ ịvị dị è yi ro ịnẹ varẹma hụụnị ebira ịdọtị ẹnịnị ọnịrị ịrẹkọyịsẹ beri ebira kẹnẹ-kẹnẹ ẹnịnị.

Imatiwu 25:10

Di e si hu aa na nị. Ẹ màa naa hị́ angwẹ, dị ọza ana aa nyị ọnẹẹ vẹ nị. Dị ẹnị ene tenyi ẹngụ aanị saasa a ngụ eehi nọ ini ịrẹyị ọnẹẹ, di e gu oze nị.

Ẹtore 5:9

Dị ẹ jị ahẹ ọwọọwa dị ẹ ka: Ẹwa hụ ọọ sị iwe ọnọọ nị, dị ụ wa hụ̀ ịsa ana sị vá a, agụvị ka â vịdị wụ wụ. A mẹ̀ wụ wụ, wa raà sị anya awụ hị́ aza varẹma va yị Ohomorihi, avaba anẹkụra, aza ana aa kà ẹkụra irenyi-irenyi avaba ẹhẹ.

Imatiwu 13:38

Ẹhẹ ọ vị aarẹ ọnọọ nị. Ihu ozoza ọ vị ezi oni Ohomorihi aa mẹ ịjọva tụra nị. Ebe ẹnẹẹ ẹnị vị ezi Echu nị.

Imatiwu 9:15

Dị Ijeesu kà a yị wa ka, “Aza ọza anaa nyị ọnẹẹ ẹ́ẹ́ zụ jị òrèrè ịnị ụmẹ ọnị ọva ọnẹẹ yà pe wa? Ama ẹkụhị aa vẹ anaa vaa sị ọva ọnẹẹ hụụ ịzọọ, ịjọnọọ ẹ vaa ba awẹ.

Imatiwu 22:9

Agụvị avọọ nọ ozehinava nịnị; avaba aza oni u wèe re, ụ hị́ wa vẹ nịnị.’