Imatiwu 21:6 - IWE ỌNỊNỊ

⁶ Dị ezirẹma anị na, dị ẹ mẹ, anka Íjeesu mẹ̀ kà a yị wa nị.

Imatiwu 21:6 Referans Kwoze

Ịjọọnụ 15:14

Wàaa mẹ̀ ịsa ọnị mị kà wụ nịnị, ọta amị ụ vị nịnị avọọ nị.

1 Ịsamụwẹrị 15:11

“Ộ zị mị ẹngụ ka mâ sị Ịsọọrụ rị ohinọyị. Ộ raà vara ayị anị tu mị. Ộ yị mẹ ịsị mị ka ọ̀ na mẹ.” Ịrẹyị ọnọọ ô du Ịsamụwẹrị ayị, dị ahịka vi o ji orere pooro hi Ẹnẹyịmavara ẹngụ ịrahụ ọyịvụrụ nị.

Ọyịkụra 40:16

Ịzẹyịza di Imosiisi mẹ avaba ịsa ẹnẹẹ anka Ẹnẹyịmavara mẹ̀ kà a yọ nị.

Ọyịkụra 39:43

Di Imosiisi zama ụkọrọ ọnọọ re di o re ka vị ẹ mẹ̀ ẹ anka Ẹnẹyịmavara mẹ̀ kà a yị ẹnị nị. Dị ọ mẹ̀ aduwa ka ò zee yị wa nị.

Oyinyima 12:4

Ịzẹyịza dị Abụramị kwẹẹtẹ aa na anka Ẹnẹyịmavara mẹ̀ kà a yọ nị. Di Ịrọọtị saasa a aa na nị. Abụramị vị ịrayị ẹtarẹwụ tụra ẹẹhị (75) dị ọ vavọọ kwẹẹtẹ hụrị Ịharanị.

Oyinyima 6:22

Ịzẹyịza dị Inowa vavọọ mẹ̀ ẹ nị. Avaba ịsị Ohomorihi ka ọ̀ mẹ, dị ọ vavọọ mẹ̀ ẹ nị.

Imatiwu 21:5

“Kà ẹ yị ozi ọnẹẹ Anịzayọnị ka: ‘Ohinọyị awụ aa vẹ ịdị awụ. Ọza hẹẹ ọ vị nị, ộ tụra ịkẹrịkẹtẹ, ozi ịkẹrịkẹtẹ m maa kà aanị nị.’ ”

Imatiwu 21:7

Dị ẹ sị ịkẹrịkẹtẹ ọnọọ ọnịrị ozi anị vẹ, dị ẹ tụ́ awuru ẹnịnị tụra wa, dị Ijeesu tụra a nị.

Ezikẹẹrị 12:7

Ezikẹẹrị ka ọnị ộ mẹ̀ ịsị Ẹnẹyịmavara kà yị ọnị. Ọnị ộ kụ ẹnya anị tụ ẹhẹ ọọdụ anka ọza ana a dụ a nọ ẹkụra ọsa avọọ. Oruva, dị ọnị sị ụvọ anị chị́ ugene nị. Ịrahụ, dị ọnị chema ẹnya anị tụra ịza dị ọnị aa na eyi avaba Anisirẹrị nịnị nị.