Imatiwu 21:5 - IWE ỌNỊNỊ

⁵ “Kà ẹ yị ozi ọnẹẹ Anịzayọnị ka: ‘Ohinọyị awụ aa vẹ ịdị awụ. Ọza hẹẹ ọ vị nị, ộ tụra ịkẹrịkẹtẹ, ozi ịkẹrịkẹtẹ m maa kà aanị nị.’ ”

Imatiwu 21:5 Referans Kwoze

Ayịsaya 62:11

Ọnị Ẹnẹyịmavara aa nọ yị avaba anẹhẹ: “Kà a yị aza ẹnẹ hi Ijerusarẹmị ka Ẹnẹyịmavara aa va dọ̀ wụ ha. Ọ vaa kụ̀ aza ọnị ọ sị dọ ha beri ẹngụ vẹ.”

Ayịsaya 12:6

Navọ avaba aza ana ra Ịzayọnị ọsị ọngwẹ tụ ẹba jị ahẹ! Ohomorihi ọnịnị Isirẹrị ọọ nyị ụbanyị, ọ yà ịnị akakana aza anị.”

Oyinyima 49:10

Ijuda, ẹwa vaa vi ohinọyị nị. Ẹ yị nyị ọza ana vaa dọ wụ ohinọyị. Aza vaa kụ̀ ịsa ẹtẹ vaa wụ, anẹhẹ vị ana vaa vẹ vaa kụ̀ wụ, ịsa ẹtẹ ini Ihiburu a ka Isiro. Ọza ọ yị yẹ ịsị ẹ vị iruvo anị booro.

Ihoseya 1:7

Ama ọnị vaa vayị evere Ijuda, dị ọnị dọ wa ha agụvị ka ọnị ọ vị Ẹnẹyịmavara ana vị Ohomorihi ẹnịnị nị. Ẹ yị vaa nyị ka ẹ kụ ọpa ọnịrị ọkịta, ụ̀hwọ̀ ọnịrị umaata nọ ịrẹkụ, dị ẹ sị dọ ẹngụ ẹnịnị ha.

Ayịsaya 40:9

Ẹwụnị ene hi Ijerusarẹmị hịrẹ nọ ịrẹsụ ataba, dị waa ka enube ọyịza yị Ịzayọnị. Sị ọngwẹ tụ́ ẹba, dị ụ wa nọ ka Ijerusarẹmị ọ kụ̀rà eyi tụ ẹba asị o hí angwa. Kà ẹ yị ẹkụra-ẹkụra ene hi Ijuda ka Ohomorihi ẹnịnị yị.

Ezikẹẹrị 37:24

Ohinọyị ọnya anka ozi ahụ anị Idevidi ọ vaa vị̀ ohinọyị ẹnịnị nị. Ohinọyị ọnyara ọnọọ vaa kụ waa vaabẹ, dị ẹnịnị aa sị ịzẹyịzaa saasa ọda anị.

Ezikẹẹrị 34:24

Ẹnẹyịmavara kà ọnị ọ sị ọ ka, ọnị vaa vị Ohomorihi ẹnịnị, dị ọza ịnyara vị ohinọyị ẹnịnị anka ozi ahụ anị Idevidi avọọ.

Imatiwu 11:29

Navọ maa zụ̀ wụ nịnị oze, dị ma rẹẹ zụ̀ wụ nịnị ịsa; agụvị ka miī ro o yị ọza, dị mị rẹ nyị ayohunẹnẹ nị. Ịjọnọọ ayị awụ nịnị vaa nyị ụhwọtụ.

Imatiwu 2:6

Ẹwụ ẹkụra Ịbẹtịrẹhẹmị ana ya ịnị ẹtẹ Ijuda, ẹ yị vị ẹwụ o weyi hu keekere ini ohirẹsụ ẹkụra Ijuda nịnị, agụvị ka ịdị awụ óhinọyị ọnya vaa hụrẹẹ vẹ ana vaa sị oze zụ̀ aza amị ana vị Anisirẹrị nịnị nị.

Imatiwu 2:2

Dị e họ̀ use ka: ịzị ozi ana a ma ana vaa vị ohinọyị Aniju nịnị ya? Ẹ ka ẹnị ê re ụzọmị anị ka ộ chị tụ eyi ọnị ọyịị̄ zịị hụrẹẹ vẹ, dị ẹnị vẹ ka ẹnị ẹ̀ va vaku ẹtẹ kụ ọ nị.

Imika 5:2

Ẹnẹyịmavara kà wéē re Ịbẹtịrẹhẹmị ana yà ini ẹtẹ Ehwirati avọọ Ọza ee re ka oni o weyi ini ovwoovu Anijuda. Ẹnẹyịmavara kà ọnị vaa sị ọza ịnya hụụ ịzọọ mẹ ohinọyị Anisirẹrị. Hụrẹ ụmọrụmọ ovwoovu ọza ọnọọ hụrẹ aa vẹ nị.

2 Anịkọrịntị 10:1

Ẹmị Ịpọọrụ, mâ sị ịrẹswọkahi ọnịrị ebira hẹẹ Ikirisiti dá ịpẹ wụ nịnị. Aza ẹnyị aa kà a ka màa yà ịdị awụ nịnị, ma mā nyayịnẹ kà ịrẹyị; ama màa va sị hụụ ịdị awụ nịnị, dị maa kà ọnọrụ.

Ahẹ Ụgama 9:14

Wẹ̀ yị zẹẹ ka me sú, mị va zụụ jẹẹ Ịzayọnị ịnị akakana aza awụ dị maa gā wụ Dị mị ya ịzọọ dị maa jẹ agụvị ka wa raà dọ mị tụ́.

1 Ohinọyị 10:26

Isoromọnị ộ hara ịkẹkẹ umaata gụ ọnịrị umaata. Avaba ịkẹkẹ umaata ọnị ọ nyị vị akawụ-akawụ oze akana, di umaata anị ẹnị vị akawụ-akawụ oze ịhịnọnyị nị. Dị ọ kụ́ wa hi ini ẹkụra ọnị ọ kụ́ ịkẹkẹ hi ana vi ịda ohinọyị, Ijerusarẹmị nị.

1 Ohinọyị 1:33

Ẹ mẹ̀ vẹ, dị ohinọyị ka, “kụ́ ezi ahụ amị dị ẹwụrị wa ẹ̀ sị Isoromọnị ozi emi tụra ịkẹrịkẹtẹ ohinọyị ọnị mịị̄ tụra. Wàa raà sị ọ tụra a, dị ẹwụrị ọ ò dudu zị chi na Igihoni.

2 Ịsamụwẹrị 16:2

Di Idevidi ohinọyị va họ̀ Iziba ka sị aa kụ́ ịsa ẹnẹẹ mẹ nị. Di Iziba ka aneehi ohinọyị ọnị ka ẹ̀ kụ́ ịkẹrịkẹtẹ ẹnẹẹ dị ẹ̀ẹ tụra wa nị. Dị ọ rẹ ka ụbụrẹẹdị ọnịrị akara ana a sị ẹtụtụ ihwigi jị avọọ vị ọnị ọnị ka isoja Idevidi ẹ̀ rị, dị aza ene hi ịnị ụnọmị ọnị ọ kụ́ ngụ ẹngụ è tụ́ eche ọnọọ.

Ọdọvịdị 12:14

Abidoni ọọ ma ezi ọnọrụ ẹbẹẹva beri aazị ọnọrụ-ọnọrụ ohurẹẹwụ. Ẹnịnị va naa tụra ịkẹrịkẹtẹ zị. Ịrayị ịhịnta Abidoni mẹ ọdọvịdị Anisirẹrị nịnị vị nị.

Ọdọvịdị 5:10

Ẹwụ nịnị ana tụra ịkẹrịkẹtẹ ọnịrị ẹwụ nịnị ana yaatẹ ịrẹsụ achị beri ẹwụ nịnị ana aa na oze wee ro o.

Iwe Ọhụhị Imosiisi ana aa hị́ Ọyịvatụrọda 17:16

Ohinọyị ẹ yị vaa nyị umaata rụrụ yị isoja anị, dị ẹ yị vaa tụ aza nọ Ijipiti na hị́ umaata agụvị ka Ẹnẹyịmavara ộ raà kà a ka asị aza anị varẹma nọ Ijipiti.

Ịrịka 24:19

Dị Anisirẹrị nịnị kụkụ aa mẹ ohinọyị tụra wa ịrẹsụ, di e vu aza ana vọ ẹtẹ.

Ịjọọnụ 1:49

Dị Inatanẹrị tụ́ ohi, dị ọ ka, “Ọga, ẹwa vị Ozi Ohomorihi nị. Ẹ wa rẹ vị Ohinọyị Anisirẹrị nịnị nị.”

Imatiwu 21:6

Dị ezirẹma anị na, dị ẹ mẹ, anka Íjeesu mẹ̀ kà a yị wa nị.

Iruuku 24:27

Dị Ijeesu ve nyima aa kà a yị wa ịrẹyị ana a kà ini oze anị tụ́ Iwe Ohomorihi nị. Ô nyima hụụnị ịsa oni Imosiisi kà huuu va ngụ ịsa ọnị ọnịsẹ nịnị kà.