Imatiwu 21:3 - IWE ỌNỊNỊ

³ Àa nyị ọza ana kà ịsọnyị-ịsọnyịị wụ nịnị, dị ụ kà a yọ nịnị ka: ‘Ananyị yị ee sì wa nị.’ Ọ vaa navọ ka wa wụsẹ kụ́ wa vẹ nịnị.”

Imatiwu 21:3 Referans Kwoze

Odeyi 17:25

Ẹ yị nyị ịsị ọ̀ yị nyị, agụvị avọọ ẹ yị nyị ka ọza ọ̀ na sị ụvọ anị mẹ̀ ụkọrọ dị ọ̀ sị ịsa va yọ. Ọnị ọ vanaā sị ụhwẹẹ yị aza ọnịrị avaba ịsa ana vọ nị.

2 Anịkọrịntị 8:9

Wâ yẹ nịnị, Íjeesu Ananyị yị oni Ohomorihi nyị mẹ ohinọyị ka ọ̀ dọ yị há, ịzị ọ vayị ọza na zá. Ọzọbanyị ọ vị nị, ộ hụvị awụ nịnị bàrà onosiye, ka ẹwụ nịnị ọ̀ zụ vara ọzọbanyị ini oze osiye anị.

Ịjọọnụ 3:35

Ohomorihi Ada ayị ô sì ịrẹyị Ozi anị, dị ọ rẹ sị avaba ịsavị-ịsavị chire e ụvọ nị.

Ịjọọnụ 17:2

Wa raà sị ọda avaba aza chire mi ụvọ, agụvị dị ma zụ mẹ ka avaba aza ọnị ụ kụ́ chire mi ụvọ, ẹ̀ yàra ị́dị awụ pooro zịna-zịna.

Ahẹ Ụgama 24:1

Ẹnẹyịmavara ọ nyị ẹhẹ, ọnịrị avaba ịsa ene hi ini anị nị. Ọnị ọ rẹ nyị aza ene hị́ ịnị anị nị.

Ẹzịra 7:27

Dị Ẹzịra ka, ọnị ộ sị ụga yị Ẹnẹyịmavara, Ohomorihi ohiku ẹnịnị ana mẹ ka ohinọyị ọ̀ maanị sị ụbanyị yị irehi Ẹnẹyịmavara Ohomorihi ana ya Ijerusarẹmị nị.

Ẹzịra 1:5

Dị Ẹnẹyịmavara kụ́ hi Anisirẹrị ọrụrụ-ọrụrụ ayị ka ẹ̀ nọ Ijerusarẹmị na tenyi irehi Ẹnẹyịmavara ana ya ịzọọ. Dị avaba ohirẹsụ irehi Ohomorihi nịnị ọnịrị Anireevi ne beri avaba ọdọvịdị ịrẹsụ-ịrẹsụ ene hi Ijuda ọnịrị Ịbẹnjamịnị kwẹẹtẹ ka ẹnị a nọ Ijerusarẹmị nị.

2 Anịkọrịntị 8:16

Yâ kụ́ Ohomorihi avọọ ka ộ mẹ̀ ka Ịtayịtọsị ộ sị ayị sì ịrẹyị awụ nịnị, anka ẹyị mẹ̀ rẹẹ mẹ

Ẹzịra 1:1

 nyị ụmẹ ọnya aanị ọnị ọnọrụ ọnya ana aa hị́ Ịsayịrọsị sị vị ohinọyị Ipesiya. Ịnị ịrayị ịpaapa ọnị ọ rị ohinọyị, Ẹnẹyịmavara ộ mẹ̀ ka ịrẹyị anị ọnị Ijeremaya vịdị ka yị Anisirẹrị ọ sẹ. Ẹnẹyịmavara ộ kụ́ hi Ịsayịrọsị ayị ka, ọ mẹ̀ ọda, dị aa chẹrẹ ẹ tịtẹ, dị aa nọ̀ ọ ịnị avaba ẹtẹ anị nị.

1 Ohinọyị 17:9

“kwẹẹtẹ dị waa nọ Ịzarẹhwatị ịnị ẹtẹ Ịsịdọnị, dị wa na yà ịzọọ. Ma raà mẹ ọda yị ọnẹẹ ọnya aanị ana vị osoku ana yà ịzọọ ka ọ̀ọ sị ịsọyịrị va yị wụ.”

1 Ịsamụwẹrị 10:26

Dị Ịsọọrụ ọnị rẹ si hu aa nọ Igibiya ana vi eehi anị nị. Â nyị aza ẹnyị aanị ana nyị ụkata, Ohomorihi ộ sị tụ́ ịnị ayị ẹnịnị, dị ẹ kwẹẹtẹ dị ẹ saasa Ịsọọrụ aa na nị.

Ijemiisi 1:17

Avaba ẹyịza ene zoza ana gụ vanaā hụụ ịdị Ohomorihii vẹ. Ịdị Ada ayị ana mẹ ẹtohweyi hi ini ihinẹba ẹẹ̄ hụrẹẹ vẹ nị. Ohomorihi ọ mā vara, o mē re jesi dị ọ̀ navọ yị tụ́ ịnị ịrahụ.

Imatiwu 21:2

dị ọ ka, “Nọ ịnị ẹkụra ana và eyi ká wụ nịnị avọọ! Wàa maanị yị sị ngụ ịzọọ nịnị kẹnẹ, u vee re ịkẹrịkẹtẹ ọnya ana a za zù, ọnịrị ozi anị. Ngwa wa, dụ wa kụ́ wa va mị nịnị!

Imatiwu 21:4

Avaba ẹsẹnị vị ana mẹ, agụvị ịrẹyị ọnị ọnịsẹ kà, ọ̀ zụ sẹ, ka: