Imatiwu 21:19 - IWE ỌNỊNỊ

¹⁹ Ô re ọchị ọnya aanị anka ọchị ezu óze. Ộ nọ ịnị ọchị ọnọọ, ẹ yị nyị ịsị o re ị́rẹsụ anị, ẹ̀ yị vị avị kẹnẹ. Dị ọ kà a yọ ka, “Wa mā vana tụ́ ẹtụtụ pooro hụrẹ ọyaanị na.” Obooboro ọnọọ, dị ọchị ọnọọ wụ nị.

Imatiwu 21:19 Referans Kwoze

Ịtayịtọsị 1:16

Ẹẹ̄ sị irenuu kà a ka ẹnị ẹẹ̄ yẹ Ohomorihi, ama ebira ẹnịnị ẹ́ yị sị zụ ka ẹ́ẹ yẹ Ohomorihi. Ịsa eenyisi ẹnịnịị̄ mẹ nị, dị ẹ rẹ yaa mẹ akamawụ nị, ẹ yị nyị ịsa ozoza ẹnẹ ẹnịnị zụ mẹ vụrụ-vụrụ.

Ịjọọnụ 15:6

Ọza ẹnẹ ẹ̀ yị zẹẹ ka ẹmịrị ọnị ọ̀ vị ọnya, dị a dà a ne ta anka avọ́ ọchị avọọ. Dị ọ wụ, dị aza va tọ̀ọ́ yọ, dị ẹ kụ́ wa va hi ịnị ịra, dị ẹ rị ịra.

Iruuku 3:9

Booro aanị, a raà sị ịraga pe ọchị nịnị iruvo, agụvị avọọ avaba ọchị ẹnẹ ẹ̀ yị tụ́ ẹtụtụ ozoza, vị ana a vaa má, di ee ne e ngụ ịnị ịra.”

Ịjọọnụ 15:2

Avaba avọ ọnị màa há, ẹnẹ ẹ̀ yị tụ́ ẹtụtụ, dị ọ dà a ne ta. Ama avọ ana àaa tụ́ ẹtụtụ, di o tenyi ọ, dị ọ̀ọ tụ́ hu avọọ.

Ịmaakị 11:14

Dị Ijeesu kà a yị ọchị ọnọọ ka, “Ọza ọ mā vana rị ẹtụtụ awụ pooro.” Ezirẹma anị ệ wụ́ ịrẹyị ọnọọ.

Ẹtore 22:11

Ọza ana àaa mẹ̀ ịsa odivi, ọ̀ yịị mẹ̀ ẹ na! Ọza ana àaa mẹ̀ ebira ịdọtị, ọ̀ yịị mẹ ịdọtị anịị na! Ọza ana àaa mẹ̀ ebira Óhomorihi, ọ̀ yịị mẹ̀ ẹ na!”

Ijudi 1:12

Wàa kụ gụ aa rị ịsa ịnị oze ana sị zụ ka wee sì ịrẹyị ẹngụ nịnị, ịdọtị ẹ vị tụ́ ịnị akakana awụ nịnị nị. Sị ẹ vẹ? Agụvị ka ẹnịnị vị anaā rị ịsa anka ọza ọnị ụhị ọ̀yị ma nyị avọọ. Ẹngụ ẹnịnị kẹnẹ ee ro ịrẹyị anị nị. Ẹnịnị vị ana sị mẹẹ anka eguhi ana ahị aa kụ́ụ zịịzị, oni orihi anị ọ̀ yị mā zụ̀. Ịrẹyị ẹnịnị vị osusu anka ọchị ene wusu hụrị ụmọrụmọ, di e si o hu ne ta, dị ọ̀ yị kụkụ zụ tụ́ ẹtụtụ ịnị ụmẹ anị.

2 Itimoti 3:5

Dị ẹ sị tụra eyi ka ẹnị aa mẹ̀ ebira ọnịnị, ama dị ẹyị zẹẹ ka Ohomorihi ọ̀ sị ụkata yị ẹnị. Asị ẹwụrị ẹngụ aza ẹnẹẹ zị ògù vụrụ-vụrụ!

Ayịsaya 5:2

Ô huru ẹtẹ ọnọọ dị ọ tọ̀ọ́ ịrẹta anị hụụnị anị; Dị ọ hị̄ ọchị ịvayịnị ozoza-ozoza hi ọ nị. Dị ọ rẹ dà irehi ọgọdọ tụ́ ịnị ụbazị ọnọọ ịzị oserẹtẹ vaa yà di oo sere e nị. Dị ọ va chị aha ịzị a vaa yàa kwọrọ ẹtụtụ igirepi ẹnẹẹ ẹ̀ẹ sị tụ́ nị. Ọta amị aa tụra eyi ka ọchị ẹnẹẹ vaa tụ́ ẹtụtụ ozoza, ama dị ahịka ẹtụtụ edivi-edivi ẹ na tụ́ nị.

Ijeremaya 8:13

Ẹnẹyịmavara kà, ọnị vaa dọ wa ịsị ịnị aarẹ ẹnịnị. Ẹ yị vaa nyị ẹtụtụ ịnị ọchị ịvayịnị ẹnịnị. Ọchị ihwigi ẹnịnị ẹ yị rẹ vaa nyị ẹtụtụ. A vaa dọ wa avaba ịsị ọnị vịdị sị yị wa.

Imatiwu 21:20

Ịjị ezirẹma anị re e, ô hí wa irenu, dị ẹ ka, “Ho! Ọchị ịsọọnị ộ wụsẹ jịnẹ sị wụ, ọ!”

Ịmaakị 11:20

Ẹnẹnẹ eyinẹhẹ anị, ẹ màa na óze, ê re ka ọchị ọnọọ (ana yà anka ezu) ọ sị wụ huuu na ngụ ịnị ẹpa anị.