Imatiwu 21:17 - IWE ỌNỊNỊ

¹⁷ Dị ọ hụrẹ ịdị ẹnịnị, dị ọ nọ ịnị ẹkụra Ịbẹtanị, dị ọ na sụ̀ ịzọọ nị.

Imatiwu 21:17 Referans Kwoze

Ịjọọnụ 11:18

Ịbẹtanị ộ gụrị Ijerusarẹmị, ẹhụụ ịmẹẹrị ẹẹva avọọ ọ vị nị.

Ịjọọnụ 11:1

 nyị ọnọrụ ọnya aanị ana aā hị́ Ịrasarụsị, ẹnẹ ẹngụ aa zị. Ẹkụra Ịbẹtanị ọ ra nị. Ịzọọ ọ vị ẹkụra Imeri ọnịrị onyeyiza anị Ịmata nị.

Iruuku 24:50

Dị Ijeesu sị wa jịnẹ hụụnị ẹkụra huuu na ngụ oze Ịbẹtanị nị; dị ọ sị ụvọ tụ́ ẹba, dị ọ mẹ̀ aduwa yị wa nị.

Ịmaakị 11:11

Dị Ijeesu na ngụ Ijerusarẹmị, dị ọ ngụ ini irehi Ohomorihi, dị ọ tangwa re avaba ịsa chẹrẹkẹ nị. Agụvị ka ọyị ộ ta, dị ọnịrị ezirẹma anị si hu aa nọ Ịbẹtanị nị.

Ịmaakị 11:19

Ịjị oruva si tù, dị ẹ hụụnị ẹkụra ọnọọ nị.

Imatiwu 16:4

Aza edivi ọnịrị ọsẹrẹka nịnị kẹnẹ eē sì apọtẹrẹwa nị. Ẹ yị nyị ụkọrọ apọtẹrẹwa anaa vaa sịị zụ̀ wa, ẹ̀ yị vị apọtẹrẹwa Ijona ana vị ọnịsẹ kẹnẹ.” Dị ọ hụụ ịda ẹnịnị, dị aa na nị.

Iruuku 19:29

Ọ màa vaa ngụ Ịbẹtị-Ihwegi ọnịrị Ịbẹtanị, ọgụrị ataba ana aā hị́ Ataba Orivi, dị ọ tụ́ ezirẹma anị ẹẹva nị,

Iruuku 10:38

Íjeesu ọnịrị ezirẹma anị màa na óze, dị ẹ na ngụ ẹkụra ọnya aanị nị. Dị ọnẹẹ ọnya aanị ana aā hị́ Ịmata hị́ ọọ nọ ini eehi anị nị.

Ịmaakị 11:1

E mèe vee tù Ijerusarẹmị, dị ẹ sị ngụ ẹkụra Ịbẹtị-Ihwegi ọnịrị Ịbẹtanị, ọgụrị Ataba Orivi. Dị Ijeesu tụ́ ezirẹma anị ẹẹva,

Ịmaakị 3:7

Ijeesu ọnịrị ezirẹma anị ệ hụụ ịzọọ, dị ẹ nọ ụtọ irehu nị. Dị ọkọnị aza wara hụrẹ ẹtẹ Igariri ọnịrị Ijudiya saasa wa na nị.

Imatiwu 26:6

Íjeesu mẹ̀ yà ịnị ẹkụra Ịbẹtanị ini eehi Ịsayịmọnị ana vị ọnịkụ ọbanyị,

Ihoseya 9:12

Ezi ẹnịnị ana hụ, dị ẹ yara vị ọnị vaa jị ọyị yị, dị ọnị ọ tụ́ wa avosusu. Hụrẹ ụmẹ ọnị ọnị va ịrẹma ẹnịnị, vị ọnị odivi-odivi vana vee tù wa.

Ijeremaya 6:8

Ọ kà, ẹwụ nịnị Anijerusarẹmị ọ̀ jẹẹ, dị ẹngụkata ẹnẹnị ọ̀ kà wụ nịnị ọ̀nọ̀, ka ẹyị vị avọọ ọnị va hụrẹ ẹwụ nịnị ụvọ. Ọnị vaa jị ẹkụra awụ nịnị eburu dị ẹ yị kụkụ nyị aza vụrụ-vụrụ.

Ịmaakị 14:3

Íjeesu mẹ̀ yà ịnị ẹkụra Ịbẹtanị, ini eehi Ịsayịmọnị ana vị ọnịkụ ọbanyị, dị aa rị ịsa, dị ọnẹẹ ọnya aanị vẹ nị. Ộ nyị eturare tụ́ ini ijogo ọnya aanị. Eturare ọnọọ ộ nị, dị ọ katarihi nị. Dị ọ dà ijogo ọnọọ irenu, dị aa và eturare ọnọọ hi Ijeesu ịrẹsụ nị.