Imatiwu 20:22 - IWE ỌNỊNỊ

²² ị Ijeesu tụ́ ohi, dị ọ ka, “Wẹ yị yẹ ịsị u wee họ̀ use nịnị. Wáá va zụụ sị akoo hú ụyọrị oni mi vee hú nịnị?” Dị ẹ kà a yọ ka, “Ya zụ mẹ̀ ẹ.”

Imatiwu 20:22 Referans Kwoze

Iruuku 22:42

Dị ọ ka, “Ada amị, wèe sì, ụ sị ako ụyọrị ọnọnị hụrẹ mị ịrẹsụ. Ama ẹ yị vị ịsị mi sì, mẹ ịsị u wèe sì!”

Imatiwu 26:42

Dị ọ rẹ varẹma ụpẹ ọhụva na mẹ̀ aduwa nị, dị ọ ka, “Ọga, àa vị ka ụyọrị ọnọnị ọ yị zụ hụrẹ mị ịrẹsụ, ẹ̀ yị vị mị rị ọọ, mẹ ịsị u wèe sì!”

Ịjọọnụ 18:11

Dị Ijeesu kà a yị Ipita ka, “Sị ụhwọ awụ chire ịhị anị! Ụ wáá ka asị mị rị ụya ana Ada amị sị mị ka ma rị nị?”

Ịmaakị 14:36

Dị ọ rẹ ka, “Ada amị, ada amị, ẹ yị nyị ịsụ wẹ̀ yị zụ mẹ. Sị ako ụyọrị ọnọnị kwooze mi! Ama ẹ yị vị ịsị mi sì, ẹ̀ yị vị isu wèe sì.”

Imatiwu 26:39

Dị ọ kà nọ ọvịdị chee, dị ọ va ku ẹtẹ, dị aa mẹ̀ aduwa nị. Dị ọ ka, “Ọga, ọ̀ọ yaanị rụra mẹ, ụmẹ ụyọrị ọnọnị ọ̀ há hụrẹ mị ịrẹsụ; ama ẹ yị vị ịsị mi sì, ẹ̀ yị vị ịsị u wèe sì.”

Aniroomi 8:26

Ụhwẹ Ohomorihi raa gụ ẹyị ẹnẹ ẹ̀ yị nyị ụkata ụvọ. Yẹ yị yara mẹ̀ aduwa, a mẹ̀ vọrọ; agụvị avọọ Ụ́hwẹ Ohomorihi ọnị ụvọta aa dá ịpẹẹ yị Ohomorihi yị nị. Ee tì ana ahịka irenu ọ yị zụ kà.

Ayịsaya 51:22

Ẹnẹyịmavara Ohomorihi awụ nịnị anaā vụ ịrẹvụ yị aza anị kà, ọnị ọ raà dọ ako ọnị ọnị sị yị wa ịnị ọyịkụ. A yị kụkụ vaa sị ụkata-ụkata za wa ka e hu dị ọọ vaa mẹrị wa.

Ijemiisi 4:3

Wàa hyakụ da ịpẹ, ọ yị sị, agụvị ka wẹ yị da ịpẹ a mẹ̀ vọrọ nịnị; agụvị ka ịsa ene zé ẹwụ ịnyara eyi nịnị kẹnẹ u wee sì nịnị nị.

Iruuku 12:50

 nyị ọyịhwọzenyi ana a vaa mẹẹ mị, mị vaa daa rị ụya dị à va mẹ̀ ẹ ta.

Ijeremaya 49:12

Ẹnẹyịmavara kà, aza ẹnẹ ẹ̀ yị vọrọ ka ẹ̀ rị ụya ọnọnị eyee hú enyi hụụnị ako ụyọrị ọnọnị, ví u wéé ro nịnị ka ẹwụ nịnị vaa haa hụụnị anị nịnị nị? Éyiye de. Ẹ́ yị zụ nyị ka wẹ yị rị ụya nịnị.

Imatiwu 26:56

Avaba ẹsẹnị aa mẹ, agụvị ịsị ọnịsẹ nịnị chẹrẹ tụ́ ini Iwe Ohomorihi ọ̀ zụ sẹ.” Dị avaba ezirẹma na a vọ tịtẹ, di e si zwe nị.

Ụhịrẹyị 16:18

Ụhị ọọ̄ nyị ọza anaā sịị ẹngụ tụ ẹba nị. Ịrẹsụ ọyị sị tụ́ ẹba vị anaā va ọza nẹtẹ.

Ahẹ Ụgama 75:3

Ohomorihi, ụ ka ịjị ẹhẹ ọnịrị aza ene hi ịnị anị aa vangga, ẹwa sị ụvọ za ẹhẹ jẹẹ geri-geri nị.

Imatiwu 26:35

Dị Ipita ka, “Àa daka aa wụ mịị beri ewu, mẹ yị vaa kà a ka mẹ yị yẹ wụ.” Dị ezirẹma ana vọ ẹnị rẹ vavọọ sị irenu tọ̀ ọnya nị.

Ayịsaya 51:17

Kwẹẹtẹ Ijerusarẹmị, ha kwẹẹtẹ, Ẹnẹyịmavara ọ raà ka wụ nịnị enyi ụya ịnị ọyịkụ anị. We reè hu ọ ẹnẹmẹhị ana mẹ ka ọọ mẹrị wụ, dị waa vanga nị.