Imatiwu 2:23 - IWE ỌNỊNỊ

²³ Dị ọ na yà ịnị ẹkụra ọnya ana aā hị́ Ịnazarẹtị nị, agụvị ịsa ọnị ọnịsẹ kà, ọ̀ rẹ zụ sẹ ka, “Anịnazarẹtị á vaa hị́ ọ nị.”

Imatiwu 2:23 Referans Kwoze

Ọdọvịdị 13:5

Ọnụtụ ọnọọ ka, ọ vee zyẹẹ dị ọ ma ozi ọnọrụ. Ọ̀ọ sị ozi ọnọọ ma, asị ọ kwọ ịrẹsụ vụrụ-vụrụ agụvị ka ozi ọnọọ vị ozi ana va sị tụ irenyi yị Ohomorihi hụrị ụmẹ ana a sị ma a. Ozi ọnọọ ọ vaa dọ Anisirẹrị nịnị ha hụụnị ụvọ Anihwirisiti nịnị nị.

Ịmaakị 1:24

dị ọ ka, “Navọ yị hẹẹ, sẹ jị gẹ ẹyịrị ẹwụ, Ijeesu Anịnazarẹtị? Ụ wáá vẹ ka wa va wụ yị nị? Mâ yẹ ọza ọnị ụ vị; ẹwa vị Ọza Ọnịnị Ohomorihi nị.”

Imatiwu 26:71

Di o si hu aa nọ enoze nị. Ozi ahụ ọnẹẹ ọsa ô re Ipita, dị aa kà a yị aza ana jẹẹ ịzọọ ka, “Ọnọrụ ọnọnịị̄ dụ Ijeesu Anịnazarẹtị ọnọọ zị.”

Imatiwu 1:22

Avaba ẹsẹnị vị ana mẹ, agụvị ịsị ana Ananyị yị zị oze ịnị ụvọ ọnịsẹ ka, ọ̀ zụ sẹ ka:

Odeyi 24:5

Ya sị yẹ ka enezigi ọ́nọrụ odivi ọnọnị vị nị. Aa mẹ ka avaba Aniju nịnị avaba ẹhẹ ệ mẹ ẹvazi. Ọnị ọ vị ọdọvịdị ogu Anịnazarẹtị nịnị nị.

Odeyi 2:22

Ẹwụ nịnị Anisirẹrị, sị ụtọ pe ịrẹyị ọnọnị nịnị! Ohomorihi ộ sị ụvọ tụ́ ọọ yị Ijeesu Anịnazarẹtị, ka ọ̀ọ mẹ̀ ụkọrọ ohyozirenu, dị ọ̀ọ sị apọtẹrẹwaa zụ̀ wụ nịnị. Ẹwụ nịnị ụvọta ộ yẹ ọsọnị, agụvị ka ịdị awụ nịnị ịzẹnị gẹdẹ-gẹdẹ ọ yà mẹ̀ ẹ nị.

Ịjọọnụ 19:19

Ipayireti chẹrẹ ịsa ọnya, dị ọ vàa kú apavahị Ijeesu nị. Ịsa ọnọọ chẹrẹ yị: “Ijeesu Anịnazarẹtị, Ohinọyị Aniju.”

Ịjọọnụ 18:7

Dị Ijeesu rẹ họ̀ wa ka, “Eni u wee sì nịnị?” Dị ẹ rẹ ka Ijeesu Anịnazarẹtị yọ nị.

Ịjọọnụ 18:5

Dị ẹnịnị tụ́ ọọ ohi ka Ijeesu Anịnazarẹtị yọ nị. Dị Ijeesu ka, “Ẹmị ọnọọ yọ!” Ijudasi ana aa sị ọọ chire ọnịvị anị ụvọ aanị vị ana jẹẹ ịzọọ pe wa.

Iruuku 2:39

Ịjị ẹ sị avaba ịsị ọda Ohomorihi ka à mẹ mẹ, dị ẹ varẹma nọ Igariri, dị ẹ nọ ẹkụra ẹnịnị ana vị Ịnazarẹtị nị.

Iruuku 1:26

Ịnị ụhwẹ ịhịnọnyị ọnị Erizabẹẹtị ee zyẹẹ, Ohomorihi ọ rẹ tụ́ anggẹẹrị ana aā hị́ Igebirẹẹrị nọ ẹkụra ọnya ịnị ẹtẹ Igariri ana aā hị́ Ịnazarẹtị.

Ịrịka 6:13

Ọda ana za aza ana sị ẹngụ ẹnịnị tụ irenyi yị Ohomorihi yị. Ịnị ịsọvọ ọdịrẹma ana aā mẹ̀, dị ọzịnya-ọzịnya ẹnịnị na ọvịdị oze ana na ngụ ajẹngụ Ohomorihi,

1 Ịsamụwẹrị 1:11

Ọ kà, “Ẹnẹyịmavara Ochẹtẹẹngụ, wèe re ụya ọnị maa rị aanị, dị ụ sị ozi ọnọrụ ọnyaa yị mị, ẹwụ mị vaa varẹma sịị yị pooro ịnị avaba ẹhẹ anị nị. Mẹ yị vaa kụ́ ọ ịrẹsụ pooro.”

Imatiwu 21:11

Dị ọkọnị aza ka Ijeesu, ọnịsẹ Ịnazarẹtị ana yà Igariri yọ.

Ịmaakị 1:9

Ẹkụhị ọnya Ijeesu ộ hụrẹ ẹkụra Ịnazarẹtị ịnị ẹtẹ Igariri vẹ. Ịjọọnụ ộ mẹ̀ ọyịhwọzenyi yọ ini Okuha Ịjọdanị.

Iruuku 18:37

Dị ẹ kà a yọ ka Ijeesu Anịnazarẹtị aa parahu nị.