Imatiwu 2:2 - IWE ỌNỊNỊ

² Dị e họ̀ use ka: ịzị ozi ana a ma ana vaa vị ohinọyị Aniju nịnị ya? Ẹ ka ẹnị ê re ụzọmị anị ka ộ chị tụ eyi ọnị ọyịị̄ zịị hụrẹẹ vẹ, dị ẹnị vẹ ka ẹnị ẹ̀ va vaku ẹtẹ kụ ọ nị.

Imatiwu 2:2 Referans Kwoze

Ịrịka 24:17

Ụmẹ ọnị ẹtẹ ọnị o re aanị vaa sị mẹ, o yi tu. Ẹkụhị ọnya, ohinọyị vaa kwẹẹtẹ hụrị Isirẹrị anka ụzọmị ana zẹtẹ avọọ. Dị o vu Animowabi nịnị ẹtẹ, dị ọ wụ evere Iseti nịnị va ha.

Ijeremaya 23:5

Ẹnẹyịmavara kà, ụmẹ aa vẹ ọnị ọnị vaa nyị ozi Idevidi ọnya ana vị ọnịrẹyịzẹyịza ka ọ̀ vị ohinọyị. Ọ vaa sị ịzẹyịza mẹ ohinọyị, dị aa mẹ̀ ịsa ana vọrọ ọnịrị ịzẹyịza ịnị avaba ẹtẹ anị.

Ẹtore 22:16

Ọ kà, Ọnị Ijeesu ọ tụ́ anggẹẹrị anị ka ọ̀ kà ịsa ẹnẹnịị wụ nịnị ịnị ịragụ Ohomorihi nị. Ọnị ọ chị hụụnị ovwoovu Idevidi vẹ nị. Ọnị ọ vị ụzọmị ana aa zẹtẹ ẹnẹnẹ nị.

Ịzakaraya 9:9

Aza ene hi Ịzayọnị ẹẹ jẹ, dị aza ene hi Ijerusarẹmị ee nowu ịrajẹ. Ree, ohinọyị awụ nịnị aa vẹ ịda awụ nịnị. Ọ nyị ịzẹyịza ọnịrị ẹdọha. Ọza hẹẹ ọ vị nị, ọ́ọ tụra ịkẹrịkẹtẹ, ozi ịkẹrịkẹtẹ araka ọ tura nị.

Ayịsaya 60:3

Etohweyi awụ vee tura anẹkụra nịnị ka wụ vẹ, dị ohinọyị nịnị vẹ vee tu wu ini ẹnịnị eyọnị ẹtohweyi ọnọọ.

Ịjọọnụ 18:37

Dị Ipayireti va họ̀ ọ ka, “Ohinọyị ẹwụ wáá vị ana vị nị?” Dị Ijeesu tụ́ ọọ ohi ka, “Ụ mẹ̀ yị kà a, avọọ yọ, ohinọyị mị vị nị. Â ma mị, mâ vẹ ịnị ẹhẹ, ka ma va sị ịzẹyịza zụ̀ aza. Ọza ene èe sì ịzẹyịza, vaa wụ́ ịrẹyị amị.”

Anihiburu 1:6

Óhomorihi màa vaa tụ́ Ozi anị ọnị ọ nyị mẹ ọọnyị vẹ ẹhẹ, ọ rẹ kà a ka, “Avaba anggẹẹrị Ohomorihi nịnị ẹẹ hẹkẹ ẹ.”

Iruuku 23:38

Dị ẹ chẹrẹ ịrẹyị ọnọnị tụ́ akẹbẹẹba nị ka, “Ohinọyị Aniju nịnị yị”.

Iruuku 23:3

Dị Ipayireti họ̀ Ijeesu ka, “Ẹ wáá vị ohinọyị Aniju nị?” Dị Ijeesu tụ́ ọọ ohi, dị ọ ka, “Ụ mẹ̀ yị kà a, avọọ yọ.”

Ahẹ Ụgama 2:6

Dị ọ ka ọnị ọ raà sị ohinọyị anị rị tụ́ Ịzayọnị ana vị ataba ọnịnị anị.

Ịjọọnụ 5:23

agụvị avaba aza ẹ̀ zụ sị ụbanyị yị ẹmị Ozi anị, anka ẹ mẹ̀ẹ̄ sị ụbanyị yị Ada amị. Ọza ẹnẹ ẹ̀ yị sị ụbanyị yị ẹmị Ozi anị, ọ yị rẹ sị ụbanyị yị Ada amị, ana tụ́ mị vẹ ẹhẹ.

Ịjọọnụ 1:49

Dị Inatanẹrị tụ́ ohi, dị ọ ka, “Ọga, ẹwa vị Ozi Ohomorihi nị. Ẹ wa rẹ vị Ohinọyị Anisirẹrị nịnị nị.”

Iruuku 19:38

Dị ẹ ka, “Ohomorihi ọ̀ dà tụ́ ịnị ụbanyị yị ohinọyị ana aa vẹ ịnị ịrẹha Ananyị yị! Ẹngwọọrọ ọ̀ yà ini ihinẹba, di igirima ọ̀ rẹ yà ẹbẹẹba!”

Iruuku 2:11

A sị ozi ọnya ma yị wụ nịnị ajịnị tụ́ ịnị ẹkụra Idevidi. Ozi ọnọọ ọ vị Ọdọzaha nị, ọnị ọ vị Ikirisiti Ananyị yị nị.

Ijeremaya 30:9

Ama ẹnịnị vaa hẹkẹ ọnị, Ẹnẹyịmavara Ohomorihi ẹnịnị. Ẹ vaa vàa ku ẹtẹ yị ozi Idevidi ọnị ọnị vaa sịị rị ohinọyịị yị wa.

Ahẹ Ụgama 45:11

Ohinọyị vee sì ịrẹyị awụ agụvị ka wê zoza, Waā sị ụbanyịị yọ agụvị ka ọnị ọ̀ vị adarehi awụ nị.

Ịjọọnụ 9:38

Dị ọnọrụ ọnọọ ka, “Ananyị yị, mâ sị ayị tụra wụ”, dị ọ tana tụra ẹtẹ ọ́vịdị Ijeesu nị.

Ịjọọnụ 19:19

Ipayireti chẹrẹ ịsa ọnya, dị ọ vàa kú apavahị Ijeesu nị. Ịsa ọnọọ chẹrẹ yị: “Ijeesu Anịnazarẹtị, Ohinọyị Aniju.”

Ịjọọnụ 12:13

Dị ẹ na jị adambara, dị ẹ kụ́ ọ rị ụvọ aa naa gẹrị ọọ nị. Di eyee nowu ka, “Ihosana! Ohomorihi ọ̀ dà tụ́ ịnị ụbanyị yị ọza ana aa vẹ ịnị ịrẹha Ananyị yị, ana vị Ohinọyị Anisirẹrị.”

Imatiwu 27:11

Ijeesu ộ jẹẹ ọvịdị ịgọvọnọ, di ịgọvọnọ họ̀ ọ use ka, “Ẹwáá vị ohinọyị Aniju nị?” Dị Ijeesu tụ́ ohi, dị ọ ka, “Ụ mẹ̀ yị kà a avọọ yọ nị.”

Ịjọọnụ 20:28

Dị Ịtọmọsị tụ́ ọọ ohi, dị ọ ka, “Ananyị yị, Ohomorihi amị!”

Imatiwu 21:5

“Kà ẹ yị ozi ọnẹẹ Anịzayọnị ka: ‘Ohinọyị awụ aa vẹ ịdị awụ. Ọza hẹẹ ọ vị nị, ộ tụra ịkẹrịkẹtẹ, ozi ịkẹrịkẹtẹ m maa kà aanị nị.’ ”

Imatiwu 2:3

Ịjị Ịhẹrọdị maanị wụ́, ayị anị ọ yị nẹtẹ, ayị avaba Anijerusarẹmị nịnị ẹ́ yị rẹ nẹtẹ bẹẹ.