Imatiwu 2:11 - IWE ỌNỊNỊ

¹¹ Ịjị ẹ sị ngụ ịnị irehi ọnọọ, ê re ozi ọnọọ ọnịrị Imeri ọnyị anị, dị ẹnịnị va ku ẹtẹ, dị ẹ kụ ọ nị. Â nyị ẹnya ẹnẹ ẹ za na, ịjị ẹ sị ọ hụ, dị ẹ sị igooru ọnịrị eturare ana aā rị ịra ne beri eturare ọsa ene e siī sisi ẹngụ, dị ẹ sị mẹ Ijeesu ẹyịza nị.

Imatiwu 2:11 Referans Kwoze

Ayịsaya 60:6

Osohu ẹbanyị-ẹbanyị ana asị ịnyaakụmị zị ụsẹ vaa hụrẹ Imidiyani ọnịrị Ehwa vẹ. Ẹnyị vaa kụ igooru ọnịrị eturare hụrị Ịshẹba vẹ yị wụ. Aza vaa ka enube ọyịza ịsị Ẹnẹyịmavara raà mẹ̀.

Ahẹ Ụgama 72:10

Ohinọyị Anitasisi ọnịrị ohinọyị ene hi ẹkụra huu vaa kụ́ ịsa vaa mẹ ohinọyị ẹyịza. Ohinọyị Anarabi ọnịrị ohinọyị Anetiyopiya rẹ vaa kụ́ ịsaa vaa yọ.

Iruuku 2:16

Dị ẹ wụsẹ zwe na, di e ne tù Imeri ọnịrị Ijosẹẹhụ beri ozi ọnọọ ka â sị ọọ hụtụ ịzị ịsụpaā yàa rị ịsa nị.

Imatiwu 2:2

Dị e họ̀ use ka: ịzị ozi ana a ma ana vaa vị ohinọyị Aniju nịnị ya? Ẹ ka ẹnị ê re ụzọmị anị ka ộ chị tụ eyi ọnị ọyịị̄ zịị hụrẹẹ vẹ, dị ẹnị vẹ ka ẹnị ẹ̀ va vaku ẹtẹ kụ ọ nị.

Ahẹ Ụgama 95:6

Vẹ yaa tanaa tụra ẹtẹẹ kụ́ ọ, dị yaa jị idinku kú ẹtẹ yị Ẹnẹyịmavara. Wâ yẹ ka ọnị ọ mẹ yị nị.

Ahẹ Ụgama 72:15

Ohinọyị ò kú orubo ọcha, ò kú orubo ẹya, Anarabi vị ana vaa kụ́ igooru vaa mẹ̀ ẹ ẹyịza Aza vị ana vaa mẹ̀ aduwa yọ pooro vi o vee zee yọ pooro ịnị ẹhẹ anị nị.

1 Ohinọyị 10:2

Ọ maà vẹ Ijerusarẹmị, dị ọ hara aza otomiroku saasa ẹngụ vẹ nị. Ọ kụ́ ịnyaakụmị oni o kune eturare ana nyị agụ ozoza tụra ọnịrị otomiroku igooru ne beri ịrẹta ọkatarihi. Ọ mẹ̀ vavọọ vẹ ịda Isoromọnị, dị ọ kà avaba ịrẹyị ana yà ịnị ayị anị yị Isoromọnị nị.

Ịrịka 7:14

Ẹnya igooru oweyi ọnya ana kụ eturare ohihi tụ;

Ẹtore 19:10

Dị mị và ku ẹtẹ ọvịdị anị ka ma hẹkẹ ẹ nị. Ama dị ọ kà a mị asị mị vavọọ mẹ nị. Ọ kà, Ọnịrị ẹyị dudu vị ezi ahụ beri anda ayị nịnị ana dọ ịrẹyị Ijeesu wụ́. Ohomorihi a vọrọ ka yaa hẹkẹ nị. Ịrẹyị ọnị Ijeesu sị zụ̀ ọ mẹ ka ọnịsẹ nịnị ẹ̀ zụ kà ịsẹ nị.

Imatiwu 14:33

Dị aza ene hi ịnị ẹpa va ku ẹtẹ, dị ẹ ka, “Ịzẹyịza, Ozi Ohomorihi ụ vị nị.”

Ẹtore 5:8

Ịjị ọ raà sị iwe ọnọọ, dị ịsa ẹẹna ẹnẹẹ ana nyị ụhwẹ, beri azọkụ ohurẹẹna ẹnẹẹ tana tụra ẹtẹ ọ́vịdị Ozi atẹmẹ ọnọọ nị. Avaba ẹnịnị ệ sị ịsa a sịị̄ jị ahẹ ene véné igita rị ụvọ, dị ẹ rẹ nyị ịchacha ọgana ana a sị igooru mẹ ene eturare ozoza yà ịnị anị nị. Eturare ọnọọ vị aduwa aza Ohomorihi.

Iruuku 2:38

Ụmẹ ana a sị Ijeesu vẹ gẹdẹ-gẹdẹ, dị ọnị rẹ vẹ, dị ọnị raa kụ́ Ohomorihi avọ nị. Dị ọ kà ịrẹyị ini oze ozi ọnọọ yị avaba aza ene ee zí Ohomorihi eyi ka ọ̀ va dọ Ijerusarẹmị tụ́ nị.

1 Ịsamụwẹrị 10:27

Ama a va nyị aza ẹnyị aanị ịzọọ, ana ahịka enebira kẹnẹ-kẹnẹ ẹ vị nị. Dị ẹnịnị ka, “Aanị ka Ịsọọrụ ọnọnị ọnị ọ zụ̀ dọ ẹyị tụ́?” Ẹnịnị ệ sị eyi oweyi re Ịsọọrụ, ẹ yị nyị ịsị ẹ sị va yọ. Dị Ịsọọrụ mẹ anka vị ọ̀ yị sị ayị nọ ịnị ịrẹyị aza ẹnẹẹ nị.

Ịrịka 7:86

Avaba ụrata ẹnya ana a sị igooru mẹ̀ ana a kụ eturare hi vị ẹhụ ikirogirami ọnya.

Ireevi 6:15

Ọ vaa ka ayị ọyị kwọ ọnọọ uvoku ọnya beri angwẹ ọnịrị eturare ana a sị tụ ọ, dị ọ rị ọ ịra ịrẹsụ ụta ịsọvọ. Ọnọọ ọ sị zụ ka avaba anị a sị va yị Ẹnẹyịmavara nị. Agụ ịsị ịsọvọ ọnọọ vị eneē hine Ẹnẹyịmavara.

Ọyịkụra 30:34

Dị Ẹnẹyịmavara rẹ kà a yị Imosiisi dị ọ ka, “Na tọ̀ọ́ ẹngụ eturare ọnị maa vaa hị́ aanị vabẹ. Ẹbẹẹbẹ ụ vaa sị ọzọza nị. Eturare ẹnẹẹ yị: inataka, Isehereti, Iherebeni ọnịrị irevinahi ene zoza.

Oyinyima 43:11

Dị ada ẹnịnị tụ́ wa ohi dị ọ ka, “Ẹhẹẹ, àa vị avọọ yọ, â nyị ịsị a vọrọ ka ẹ mẹ. Ọ kà ẹ̀ Sị ịnị ẹtụtụ ene zoza hu ịnị ẹtẹ ọnọnị za, dị ẹ sị na mẹ ọnọrụ ọnọọ ẹyịza. Dị ọ rẹ ka Ịnị ịsa ẹnẹ ẹ yaa sị, ẹ̀ sị ẹhụ, ọnya ọchị ana sị wụ ozoza irenyi-irenyi ne beri ẹtụtụ ọchị ipisitachiyo ọnịrị arịmọndị naa yọ.

Ịmarakayị 1:11

Ọ kà aza vị ana aa hụrẹ avaba ẹhẹ vẹ, dị ẹyaa sị ụbanyị yị ọnị, dị ẹyaa rị eturare ịra yị ọnị, dị ẹyaa sị ịsa ana vọrọ vaa yị ọnị. Ọ kà aza ẹnẹẹ vavọọ aa mẹ agụvị ka ẹ yẹ ụbanyị anị.

Ahẹ Ụgama 45:8

Awuru awụ vị ana nyị agụ eturare ozoza-ozoza Irehi awụ vị ana kụ́ ike mẹ ọvị hi ịnị anị, di onisohu nini hi ịzọọ di e yee hú ịsa ana aa sị ịnẹ awụụ hine nị.

Ahẹ Ụgama 2:12

Waā sị ụbanyịị yị ozi anị nịnị ka ẹ̀ yị vavọọ ayị ọ̀ọ kụ́ ọ, vị aa wụ̀ wụ nịnị vaa ha nị. Yẹ nịnị ka ayị ọ zụ hụra kụ́ ọ. Aza ana sị ẹngụ ẹnịnị na tẹ̀ ịda anị ẹ̀ nyarị ịrẹsụ ọyịza.

1 Ohinọyị 10:10

Di ohinọyị ọnẹẹ ọnọọ kụ́ igooru ikirogirami akawụ-akawụ oze ẹẹva, dị ọ kụ́ mẹ Isoromọnị ohinọyị ẹyịza nị. Dị ọ rẹ hara eturare tatarata ana agụ anị zoza tụ́ ọ yọ nị, ne beri ịrẹta ọkatarihi. Â yị nyị ọza ana vịdị vavọọ hara eturare va yị Isoromọnị ohinọyị da anka ẹngụ oni ohinọyị Iseva kụ́ va yọ.

Ọyịkụra 30:23

“Ọ sị eturare ohuru-ohuru, dị a sị angwẹ ịmaya ikirogirami ịhịnọnyị, ikinamọnị ana nyi agụ ozoza ikirogirami ẹẹta, Ikane ana nyị agụ ozoza ikirogirami ẹẹta.

Ahẹ Isoromọnị 3:6

Sị ẹ́ hụụnị ụnọmị aa hịrẹẹ vẹ anka areyi ọbanyị anaa dá avọọ kẹ? Avaba ẹngụ anị aa dagụ kwẹ̀ẹ̀ yị eturare ana aā hị́ ihwirankisesi ọnịrị ịmaya ana á hị́ hụụnị ụvọ osohu nịnị avọọ

Imatiwu 1:18

Aanị a mẹmẹ ma Ijeesu Ohinọyị oni Ohomorihi nyị ka ọ̀ dọ aza há nị: Ijosẹẹhụ ộ nyị Imeri tụ́ oze ana vị ọnyị Ijeesu. Ama dị ẹ va nyị ẹngụ obooro, ô re ka Ụhwẹ ọnịnị ọ mẹ ka òo zyẹẹ.

Imatiwu 2:10

Ịjị e re ụzọmị ọnọọ, ịnẹ ẹnịnị ô hine ẹtẹẹtẹrẹ, dị ẹyaa jẹ nị.

Imatiwu 12:46

Íjeesu màa yịị kà ịrẹyịị yị ọkọnị aza ẹnẹẹ, dị ọnyị anị ọnịrị ẹyịnyara anị vẹ, dị ẹ jẹẹ ẹhẹ nị. Eyee sì ka eni è pe e kà ịrẹyị.

Ịjọọnụ 19:39

Inikodemọsị ene vịdị ne tù Ijeesu ịrahụ, ộ saasa Ijosẹẹhụ na. Dị ọ sị eturare ana aā hị́ imiiri ọnịrị aaro ene e hura vabẹ za nị. Eturare ọnọọ ộ rata ẹtẹẹtẹrẹ (ẹhụụ ampo anọ ẹẹva avọọ ọ vị nị).