Imatiwu 19:7 - IWE ỌNỊNỊ

⁷ Dị Anihwarisi ẹnẹẹ họ̀ ọ use ka, “Sị ẹ vẹ dị Imosiisi va kà a ka à sị iwe ivenu yọ di è yi ọọ tịtẹ?”

Imatiwu 19:7 Referans Kwoze

Imatiwu 5:31

“A rẹ kà a ka: ‘Ọza ene èe yi ose anị, ọ̀ sị iwe ivenu yọ!’

Ịmaakị 10:4

Dị ẹ ka, “Imosiisi ộ zẹẹ ka à mẹ iwe ivenu enee si yi ọọ, di è yi ọọ.”

Ịmarakayị 2:16

Ẹnẹyịmavara Ohomorihi Anisirẹrị kà, ọnị ọ nyị ịhyẹrẹ ẹhahi ẹvarose. Dị ọ ka, ọnị ọ nyị ịhyẹrẹ ọza ana vavọọ aa chamayị yị ose anị. Sị eyi pe ẹngụ awụ, asị ụ mẹ̀ ose wụ rị.

Imatiwu 1:19

Ijosẹẹhụ ọva anị vị ọnịrẹyịzẹyịza, o yi sì ka ọnị ọ̀ mẹ̀ ụhị nyị ọ eyi ịnọyị-ịnọyị; dị ó rò o ka ọnị ee weree yi ọ tịtẹ nị.

Ijeremaya 3:8

Ọ kà, Ijuda ẹnẹẹ yị nyị ịzẹyịza vị onyeyiza Isirẹrị. Oo re ka ọnị ộ jị Isirẹrị ịjẹvụ, dị ọnị da uwe yọ, dị ọnị dụ ọ kana kwooze nị, agụvị ka ộ và ịrẹma ka ọnị, ọ naa sẹ̀ ịrẹka. Ama angwa ẹ yị hụvị avọọ hi Ijuda, ọnị ọ́ rẹ naa sẹ̀ ịrẹka ụhị ẹ yị nyị ọ.

Ayịsaya 50:1

Ẹnẹyịmavara kà, ẹnịnị wéé ro ka a ọnị dụ aza anị jịnẹ anka ọnọrụ ene yi ose anị tịtẹ avọọ nị? Ẹnịnị wéé ro ka ọnị ná wa ọrịhị nọ ẹkụra ọsa anka ọza ana ná ezi ọrịhị avọọ nị? Eyiyee de! Ịvị Ọnị ệ mẹ̀ ọ mẹ ka a za wa ọrịhị nọ ẹkụra ọsa nị. Agụvị ebira odivi ẹnịnị a dụ wa jịnẹ nị.

Imatiwu 19:6

Ẹ yị kụkụ vị ẹẹva ẹ vị, ama ẹngụ ọnya. Agụvị avọọ, ịsị Ohomorihi sị vabẹ, asị a kụkụ ha a hi!”

Imatiwu 19:8

Dị Ijeesu kà a yị wa ka, “Agụvị ayị ọkatẹngụ awụ nịnị Imosiisi sị zẹẹ ka we yi ose ewu nịnị nị. Ama hụrẹ ụmọrụmọ ẹyị vị avọọ ọ mẹ̀ vịdị yà.