Imatiwu 19:29 - IWE ỌNỊNỊ

²⁹ Ọza ọ̀ọ navọ irehi anị, àa vị ẹyịnyara anị anọrụ, àa vị anẹẹ, ọ̀ọ navọ ada anị, àa vị ọnyị anị, ọ̀ọ navọ ose anị, àa vị ezi anị, ọ̀ọ navọ aarẹ tịtẹ agụvị ịrẹha amị, Ohomorihi rẹ vaa sị ịsa ene huna avọọ oze ẹchẹhị-ẹchẹhịị sí ọọ atọ, dị ọza ọnọọ rẹ yàra pooro zịna-zịna.

Imatiwu 19:29 Referans Kwoze

Anihwiripi 3:8

M mẹ̀ hụrẹ va yẹ Ijeesu Ikirisiti ka ọnị ọ nyị mị nị, avaba ịsa ana vọ vị ọnị mị kụkụ za ịrịka tụ́ ịnị ịsa kẹnẹ-kẹnẹ. Ọnọ o huna avaba ịsa ẹnẹẹ nị. Mé yi re wa anka ịhyẹrẹ, agụvị ma kụkụ va rị ọgụ obooro ana vị Ikirisiti.

Iruuku 14:26

“Ọza ana àa vẹ ịdị amị, di ò yi hí ayị ada anị ọnịrị ọnyị anị beri ose anị ọnịrị ozi anị ọnịrị ẹyịnyara anị ọnẹẹ ọnịrị ọnọrụ, dị ọ̀ yị rẹ hyakụ hí ayị ẹngụ anị ụvọta nị, ọza ọnọọ ọ yị zụ vị ozirẹma amị.

Imatiwu 16:25

Ọza tụra ọza ana aa ka oni ee tenyi ụhwẹ anịị tẹ, vi ee vú ọọ nị; ama ọza ene èe ne ụhwẹ anị ta agụvị amị, vị aa sị ọọ tẹ nị.

Imatiwu 6:33

Ama we vidii sì ka Ohomorihi ọ̀ọ mẹ ịjọva tụra wụ nịnị ịrẹsụ da, dị ụ wa rẹẹ mẹ̀ ịsa ana vọrọ nịnị, ka ọ vaa sị avaba ịsa ana vọ aanịị tụ̀ ọọ yị wụ nịnị.

1Ipita 4:14

Aza àa kụ̀ wụ nịnị ụhụ agụvị Ikirisiti, ọyịza ọ vaa vịị yị wụ nịnị nị; agụvị ka Ụhwẹ Ọnịnị ana nyị ụbanyị yàa wụ nịnị ịrẹma.

Imatiwu 10:22

Dị avaba aza aa nyị ịhyẹrẹ awụ nịnị kẹnẹ agụvị amị. Ama ọza ana àa zụ sị ẹngụ dọ ọ pooro ne tù ẹzẹtẹ, ọnị a vaa dọ ọ há nị.

Ịjọọnụ 15:19

Àa vị áanẹhẹ ụ vị nịnị nị, anẹhẹ yaanị sì wu nịnị anka aza anị. Ama ẹwụ ẹ yị vị áanẹhẹ; ẹma sị ẹwụ nịnị nyị hụụnị ẹhẹ; agụvị avọọ ánẹhẹ aa nyị ịhyẹrẹ awụ nịnị nị.

Iruuku 6:22

Ẹwụ nịnị vaa daa jẹ, aza àaa kụ́ ayị awụ nịnị, di e si wu nịnị yi tịtẹ, dị ẹ rẹ yaa kụ̀ wụ nịnị ụhụ, dị ẹ ka aza edivi ụ vị nịnị nị agụvị ẹmị Ozi ọza onigirima.

Imatiwu 5:11

Ụ vaa daa jẹ nịnị, aza àa kụ̀ wụ nịnị ụhụ, dị ẹyaa sị ụyaa rị wụ nịnị nị, dị ẹyaa sị irechee kà avaba ịsa odivi hi wu nịnị nị agụvị amị.

1 Anịkọrịntị 2:9

Ama áa vịdị chẹrẹẹ tụ́ ini Iwe Ohomorihi ka, “Ịsa ana ahịka ẹ yị nyị ọza ene re da, dị ọza ọọ̀yị sị ụtọ wụ́ ọọ, dị aza ẹ yị hyakụ sị ayị nọ ịnị anị, ịsa ẹnẹẹ Óhomorihi reè tenyi tịtẹ yị aza ene sì ịrẹyị anị nị.”

Odeyi 9:16

Ẹmị ụvọta vaa sịị zụ̀ ọọ ụya ọnị ọ vaa rị agụvị amị.”

Imatiwu 25:34

Ịjọnọọ dị Ohinọyị kà a yị aza ene hi eyi ụvọrị anị ka: ‘Wa vẹ nịnị, ẹwụ nịnị ana Ada amị raà mẹ ka ò zé yị! Ngụ ịzị Ohomorihi yà aa mẹ ịjọva, oni o si tenyi tịtẹ wụ nịnị, ẹ́hẹ mè hụrẹ nyima.

Imatiwu 19:16

Ẹkụhị ọnya ọza ịnya ộ vẹ ịda Ijeesu, dị ọ kà a yọ ka, “Ọga ọyịza, sẹ vị ịsa ozoza ana a vọrọ ka ma mẹ, dị ma nyẹngụ yàra pooro zịna-zịna ị́da Ohomorihi?”

Imatiwu 13:23

Ọza ana dọ ihu ọnọọ tụ́ ịnị ẹtẹ ozoza, ọ vị ọza ana wụ́ ịrẹyị ọnọọ, dị ọ yẹ ịsị ọ vị nị. Dị ọ raa nyị ẹtụtụ nị, ẹnyị ệ nyị ẹtụtụ ẹchẹhị-ẹchẹhị, ẹnyị ẹbẹẹta-ẹbẹẹta, ẹnyị ohurẹẹwụ-ohurẹẹwụ.”

2 Anịkọrịntị 5:16

Ye yi kuku re ọzọnyị-ọzọnyị, anka ánẹhẹ mee re wa. Yàa daka vịdị sị eyi anẹhẹ re Ikirisiti, yẹ yị kụkụ vavọọ mẹ.

Imatiwu 25:46

Dị aa kụ́ aza ẹnẹẹ ne hi ịnị ụyọrị ẹnẹ ẹ̀ yị mā ta pooro zịna-zịna, ama dị ọnịrẹyịzẹyịza nịnị ẹnị aa nọ ịnị ẹhẹ ẹnẹ ẹ̀ yị mā ta pooro zịna-zịna.”

Imatiwu 13:8

Ama ihu ẹnyị ẹ rẹ hụrẹ ne ngụ ịnị ẹtẹ ozoza, dị ẹ nyị ẹtụtụ nị; ẹnyị ệ nyị ẹtụtụ ẹchẹhị-ẹchẹhị, ẹnyị ẹbẹẹta-ẹbẹẹta, ẹnyị vị ohurẹẹwụ-ohurẹẹwụ.

3 Ịjọọnụ 1:7

Agụvị ịrẹyị Ijeesu aza ẹnẹẹ sị sị aa jịnẹ nị. Ẹnịnị ẹ́ yị dọ ka ẹnị ẹ̀ dọ ịsọnyị-ịsọnyị hụụnị ụvọ aza ẹnẹ ẹ̀ yị vị ọdọwụ.

Iruuku 5:11

Dị ẹ sị ẹpa ẹnịnị vẹ ụtọ irehu, dị ẹ navọ avaba anị tụ́ ịzọọ, dị ẹyaa dụ Ijeesu ịrẹma nị.

Ịjọọnụ 4:36

Ọza ana aa kụ́ ịsa ịnị aarẹ gụ, vaa dọ ọgụ, ịsa ana aa kụ́ụ gụ vị aza ana vaa yàra ị́dị Ohomorihi pooro zịna-zịna. Ọnọọ vaa mẹ ka ọza ene chire ịsa ọnịrị ọza ana kụ́ ịsa gụ è duduu jẹ.

Ịrẹyị Ọzwọzịsa 3:6

Aa nyị ụmẹ ene e sii hèe ịsa, dị a nyị ụmẹ ọnị ịsa sii vu nị. Aa nyị ụmẹ ana a sịị sị ịsa tẹ, dị a nyị ụmẹ ene e sii ne ịsaa ta nị.