Imatiwu 19:22 - IWE ỌNỊNỊ

²² Ama Ịjị ozi ọnọrụ ọnọọ maanị wụ́, dị ọ sị ayị oyidu aa na nị, agụvị ka opisa ọbanyị ọ vị nị.

Imatiwu 19:22 Referans Kwoze

Imatiwu 6:24

“Ẹ yị nyị ọza ịnya ana nyẹngụ aa hẹkẹ ọga ẹẹva; ọ vaa nyị ịhyẹrẹ ọnya, di o sì ịrẹyị ọsa; ẹ̀ yị vị avọọ, dị ọ sị ayị yị ọnya, dị aa sị eyii wụ ọsa. Wẹ yị nyẹngụ aa hẹkẹ Ohomorihi, dị ụ waa rẹẹ hẹkẹ ẹkẹhị nịnị.

Ezikẹẹrị 33:31

Ịzẹyịza dị aza hàrà gụ ka ẹnị ẹẹ wụ́ ịrẹyị ọnị waa kà. Ama ẹnịnị ẹ́ yị mẹ ịsị ọnị ụ ka ẹ̀ mẹ. Wàa wụ́ ịrẹyị irenu ẹnịnị, ụ ka ẹẹ da sì ịrẹyị aza, ama ọhọha vị ọnị ẹyaa yịị mẹẹ zị.

Imatiwu 13:22

Ọza ana rẹ dọ ihu ọnọọ tụ́ ịnị akakana ikeyi, ọ vị ọza ana wụ́ ịrẹyị ọnọọ di ariro ẹhẹ ọnọnị ọnịrị evene ẹkẹhị ọnịrị ụbanyị za ịrẹyị ọnọọ rị nị, agụvị avọọ ẹyị nyị ẹtụtụ.

Anikorasi 3:5

Agụvị avọọ asị ụ sị oze yị ịsa edivi ẹhẹ ọnọnị ọnị ụụ̄ vịdịị mẹ nịnị. Asị ụ rẹ̀ rẹ sẹ̀ ịrẹka, asị ụ rẹ̀ mẹ ụ̀nọ̀ nịnị; asị ụ rẹ̀ mẹ̀ ebira ịdọtị nịnị, asị ụ mẹ̀ ịsa edivi irenyi-irenyi ọnị ọchẹngụ awụ nịnịị̄ sì, dị ụ wa rẹ hụụnị eyọhụrẹ nịnị. Eyọhụrẹ vị ene re divi anka ori ọyịhẹkẹ avọọ.

Anẹhwẹsọsị 5:5

Wáa yẹ nịnị ka ọsẹrẹka nịnị ọnịrị onebira ịdọtị anaā há ọhọha, ẹyị vaa ngụ ịzị Ikirisiti ọnịrị Ohomorihi yà aa mẹ ịjọva. Ọza àaa há ọhọha, ori ọ raa hẹkẹ avọọ nị.

Ịmaakị 10:22

Ịjị ọ maanị wụ́, o si eyi vara ịhị, dị ọ sị ayị oyidu aa na, agụvị ka opisa ọbanyị ọ vị nị.

Imatiwu 16:26

Ọza ọ̀ọ sị avaba ẹhẹ rị ọgụ, dị ụhwẹ anị vene si vú nị, ọgụ ịsị ọza ọnọọ kụkụ va rị? Sị ọza vaa sị vara ụhwẹ anị?

Iruuku 18:23

Ịjị ọ maanị wụ́, ayị anị o si du, agụvị ka opisa ọbanyị ọ vị nị.

Imatiwu 14:9

Ẹngụ ọnọba ọ sị vahi, ama agụvị eku ọnị ọ sị hị́ ini eyi avaba ọzọga anị, ộ mẹ̀ ọda ka à na sị ọ va yọ.

Ịmaakị 6:26

Ịjị ohinọyị wụ́, ẹngụ anị ọ sị và hí. Ama o yi sì ka oni ò yi, agụvị eku ọnọọ sị hị́ ini eyi avaba azọga anị.

Ahẹ Ụgama 17:14

Ẹnẹyịmavara, navọ aza è re mẹ pooro ịnị ẹhẹ Navọ wa mẹ ogu yị wa dị ọ̀ hụ̄ wa. Navọ ezi ẹnịnị è re rị, dị ẹ̀ vọ tẹ ezi ịrẹma

Imatiwu 19:21

Dị Ijeesu kà a yọ ka, “Wèe sì ka wa gụ, na ná avaba ogu ọnị ụ nyị, dị ụ wa sị ẹkẹhị anị mẹ ọpịsarị nịnị ẹyịza, dị ụ wa nyẹngụ nyị ogu tụ́ ịda Ohomorihi. Dị ụ wa vẹ, dị ụ wa vaa dụ mịị zịịzị!”

Imatiwu 19:23

Ịjọnọọ dị Ijeesu kà a yị ezirẹma anị ka, “Ịzẹyịza m maa kà a wụ nịnị nị, ọ vaa daa tụ́ akanyaa yị ọnyẹkẹhị nịnị kẹnẹ, dị ẹ̀ zụ ngụ ịzị Ada ayị ẹbẹẹba yà aa mẹ ịjọva.

Ịjọọnụ 16:20

Ịzẹyịza m maa kà a wụ nịnị nị, u vee nowu, di u wee sụ ùnè nịnị, ama dị anẹhẹ ẹnị aa jẹ. Ayị awụ nịnị vee du, ama ayodu awụ nịnị vaa vara ayohine.