Imatiwu 18:8 - IWE ỌNỊNỊ

⁸ Agụvị avọọ, àa vị ụvọ awụ, à vị ahụ awụ ọ mẹ ka wa mẹ ịvị nị, jị wa ne ta! Ộ dahi ka wa vị ọjavụ dị ụ wa yàra pooro, hu ka wa nyị ụvọ ẹyịva, àa vị ahụ ẹyịva, ama di è ne wu ngụ ịnị ịra ene è yi mē mi pooro.

Imatiwu 18:8 Referans Kwoze

Aniroomi 13:12

Ụmẹ ịrahụ ọnọnị aa vaa ta, eyi aa vaa nị. Agụvị avọọ à kụkụ vẹ ya và ụkọrọ ịrahụ hi ẹtẹ, dị ya kụ́ ẹnya ịrẹkụ ọọdụ; ọnọọ vị ka

Ẹtore 20:15

Ọza tụra ọza ọnị ọza ọyị re ka áa chẹrẹ ịrẹha anị tụ́ ini iwe aza ana yàra pooro zịna-zịna, dị a sị ọọ, di ee nee ngụ ini adagu ịra ọnọọ.

Ẹtore 14:10

ọ vaa yẹ ọyịkụ Ohomorihi. Ọyịkụ anị ọnọọ vị ana sị mẹẹ anka ẹchịpa ohuru-ohuru avọọ, ọnọọ ká tụ́ ini ako ọyịkụ anị ana aza ẹnẹẹ vee hú. Dị ẹ yaa rị ụya ịnị ịra anaa sị ohuru tụ́ éyi anggẹẹrị ọnịnị nịnị ọnịrị Ozi Atẹmẹ ọnọọ.

Ezikẹẹrị 18:31

Sị ụvọ hụụnị ebira odivi ọnị waa mẹ nịnị, dị waa dọ ayị ọwọọwa ọnịrị ụhwẹ ọwọọwa nịnị. Ẹwụ nịnị Anisirẹrị, sị ẹ vẹ di wee sì ka we sú nịnị?

Ẹtore 21:8

Ama anangwahi ọnịrị aza ẹnẹ ẹ̀yị vị ọdọwụ, beri aza ana aā mẹ̀ ịsa enyisi, ọnịrị ọwọza nịnị beri ọsẹrẹka nịnị beri ẹnẹbẹ ọnịrị aza anaā hẹkẹ ori, ọnịrị avaba onireche nịnị vaa nyị aha ẹnịnị ini adagu ịra anaa sị ohuru tụ́; ọnọọ ọ vị isu ụpẹ ọhụva nị.”

Iruuku 14:33

Dị Ijeesu ka, “Avọọ gẹdẹ-gẹdẹ ọ mẹ̀ rẹ yà nị; ọza tụra ọza ịnị ẹngụ awụ nịnị ene è yi yi avaba ịsa ọnị ọ nyị tịtẹ, ọ yị zụ vị ozirẹma amị.”

Imatiwu 25:46

Dị aa kụ́ aza ẹnẹẹ ne hi ịnị ụyọrị ẹnẹ ẹ̀ yị mā ta pooro zịna-zịna, ama dị ọnịrẹyịzẹyịza nịnị ẹnị aa nọ ịnị ẹhẹ ẹnẹ ẹ̀ yị mā ta pooro zịna-zịna.”

Imatiwu 25:41

Dị ọ va vara eyi, dị ọ kà a yị aza ene hi eyi ụvọha anị ka: ‘Hụụ ịda amị nịnị, ẹwụ nịnị aza oyivu! Waa nọ ịnị ịra ene è yi mē mi pooro, ana a kà tịtẹ yị Echu ọnịrị anggẹẹrị anị.

Ayịsaya 33:14

Aza edivi ana aa mẹ̀ ebira odivi ene hi aa banyị ángwa mèe hi wa. Ẹ ka ẹnị ẹ rị ẹnị ana zụ sị ẹngụ dọ ọkarẹyị Ohomorihi ana aā rị ọza anka ịra pooro aanị.

Iruuku 16:24

Ọnyẹkẹhị ọnọọ ô nowu tụ́ ẹba, dị ọ ka: ‘Abụrahamị ada ayị, aarịhịnị vayị amị, dị ụ wa tụ́ Ịrasarụsị ka ọ̀ jị ịrẹsụ igege anị ngụ enyi, dị ọ̀ va tọ ọ tụ́ mị ịrarẹ, di ò hunẹnẹ; ka ịra ọnọnị aa sị ụyaa rị mị ẹtẹẹtẹrẹ.’

Ayịsaya 30:22

Ịjọnọọ ụ vaa kụ́ ori ụ bẹ dị u kụ́ ẹkẹhị ọnịrị igooru kú ọ, dị ụ kụ́ wa aa và ha anka ụsẹ ana aa nyị ọza ịhyẹrẹ avọọ. Dị ụ ka, “Nyaanyị, mẹ yị kụkụ nyị!”

Imatiwu 17:27

Ama ye yi sì ka ya mẹ ayị kụ́ wa. Agụvị avọọ, nọ ini irehu, di u we ne arị ngụ enyi, dị ụ wa sị ivovo ọnị ọ̀ọ vịdị za ịpaapa! Wàa ha a irenu, u vee re ẹkẹhị enyusẹ ọnya ịzọọ; sị ọọ dụ we si ne sí ụta ẹmịrị ẹwụ!”