Imatiwu 18:28 - IWE ỌNỊNỊ

²⁸ Ịjị ozi ahụ ọnọọ gẹdẹ-gẹdẹ sị jịnẹ dị aa na, di oni re ne tù ozi ahụ ọsa ana rị ọọ ụta chee aanị kẹnẹ nị. Dị ọ sị ụvọ hi ọọ ọrọkọ, dị ọ ka: ‘Wẹ̀ yị sị ẹkẹhị amịị mị ajịnị, wẹ yị hụụ ịzẹnị.’

Imatiwu 18:28 Referans Kwoze

Imatiwu 20:2

Ộ dọ yị anụkọrọ ẹnẹẹ ka ọnị vaa sị Ịnayịra ẹẹva yị wa ịnị ụkọrọ ẹkụhị-ẹkụhị. Ịjị ẹ sị dọ, dị ọ kụ́ wa nọ ịnị ụbazị anị nị.

Ezikẹẹrị 45:9

Ẹnẹyịmavara Ananyị ụkata hu ka, ẹwụ nịnị ọdọvịdị Anisirẹrị, ebira odivi awụ nịnị oo zé ọgọnị. Hụụnị ụkata-ụkata ọ̀ yị sị mẹ ịrẹyị nịnị, dị a sị ụ rẹ kụkụ mẹ ehuna yị aza nịnị. Waa sị ịzẹyịzaa mẹ ịrẹyị nịnị, dị waa mẹ̀ ịsa ana vọrọ nịnị. Ọ kà asị ẹ rẹ dụ aza anị hụụnị ẹtẹ ẹnịnị. Ọnị Ẹnẹyịmavara aa kà a yị wụ nịnị nị.

Iwe Ọhụhị Imosiisi ana aa hị́ Ọyịvatụrọda 15:2

Aanị a mẹ vaa mẹ̀ ẹ nị. Ọza tụra ọza anaa sị ẹkẹhị rere Anisirẹrị ọnọhụva anị vaa sị ayị hụụnị anị yọ. Asị ọ kụkụ varẹma na họ̀ ọ ụta. Ẹnẹyịmavara ọnị ụvọta ọ raà kụ ọ kwooze.

Ayịsaya 58:3

Aza e yee họ̀ use ka sị ẹ vẹ dị a ka ẹnị ẹ za awẹ ịrẹma ọnị Ẹnẹyịmavara ẹ yị sị eyi na ịnị anị? Ẹnẹyịmavara ô va ohi yị wa ka, ụmẹ ọnị ẹ ya za awẹ vị ọnị ẹ yaa yịị dụ ẹẹngụ ẹnịnị, dị ẹ ya mẹ ẹvaya yị anụkọrọ ẹnịnị.

Inehemaya 10:31

Dị ẹ ka anẹkụra ana gụrị ẹnị ẹ̀ẹ kụ ịsa và ná ẹkụhị ụhwọtụ, ẹnị ẹ yị vaa hị́ ịsaa hụụnị ụvọ ẹnịnị ịhị ọnọọ ọnịrị ịnị ẹkụhị ụhwọtụ ana vọ. Ẹ ka ẹnị ẹ yị vaa kụ́ ẹtẹ ẹnịnị ọnyọọnyị ịrịkụ ịnị ịrayị ana tụ ọ ịrayị ịhịmba. Dị ẹ rẹ ka ẹnị vaa sị eyii hụụnị avaba ụta ana aza ẹ̀ẹ rị ẹnị ịnị ịrayị ịhịmba ọnọọ nị.

Inehemaya 5:7

Mê ro ịrẹyị ọnọnị, dị mị zyaazị hi ọdọvịdị ọnịrị aza ọkọọka ẹnịnị nị. Dị mị kà a yị wa kà ẹvaya ẹ yaa mẹẹ yị anda ẹnịnị ẹnẹ ẹ sị ẹkẹhị rere dị ẹyaa dọ wa ọtụrọsarẹsụụ tụ́ ọ nị. Dị ọ hị́ aza gụ ịnị orere, dị ọ ka ịrẹyị ọnọọ nị.

Ụhịrẹyị 28:3

Ọ́dọvịdị anaā mẹ̀ ẹvayaa yị onosiye nịnị sị mẹ anka orihi ene du ịsa ịnị aarẹ ha avọọ nị.

Imatiwu 18:27

Dị ayị anị aa vá ọga anị, dị ọ hụrẹ ẹ ụvọ, dị ọ vagu ọọ ịnị ụta anị nị.

Imatiwu 18:29

Dị ozi ahụ ọnọọ ọnị rẹ và ku ẹtẹ, dị aa dá ịpẹẹ yọ, dị ọ ka: ‘Aarịhịnị nyị isuuru yị mị, ka mi vee sí avaba anịị yị wụ.’

Ịmaakị 6:37

Dị Ijeesu ka, “Sị ẹ vẹ? Ẹwụ nịnị ụvọta ọ̀ sị ịsọyịrị yị wa!” Dị ezirẹma anị ka, “Ho! Ụ wáá ka ya sị ẹkẹhị achuchu ẹẹva, dị ya sị na hị́ Ịbụrẹẹdị va yị wa, dị ẹ̀ rị ọọ nị?”

Ịmaakị 14:5

Ho! A yaanị nyẹngụ ná eturare ọnọnị ẹhụụ achuchu ẹẹta, dị a sị yị onosiye nịnị.” Dị ẹyaa tụ́ ọnẹẹ ọnọọ ohuvọ nị.

Iruuku 7:41

Di Ijeesu ka, “Â nyị ọza ịnya aanị ana nyị ọnụta ẹẹva. Ọnyara ọ rị ọọ achuchu ẹẹhị, dị ọsa rị ọọ achuchu ẹvarẹwụ nị.

Iruuku 10:35

Eyinẹhẹ anị, ọ màa na, dị ọ sị Ịnayịra ẹẹna yị adarehi ọnọọ, dị ọ ka ọ̀ọ tẹsị anị. Ọ kà ịsị ọ̀ọ vana mẹ ịhị tụ́ ịrẹsụ anị, ọnị ọ̀ọ vẹ, oni vee sí ọọ yọ.”

Ịjọọnụ 6:7

Dị Ihwiripi tụ́ o ohi, dị ọ ka, “Yàa daka hị́ Ịbụrẹẹdị achuchu ẹẹva, dị a ka ọzọza ọ̀ dà rị kiiki nị, ẹ yị hyakụ nyị ịzị o tù wa.”