Imatiwu 18:10 - IWE ỌNỊNỊ

¹⁰ “Asị ụ zẹẹ ka wa sị eyi oweyi re ezi eweyi ẹnẹnị! Dị ma kà a wụ nịnị ka anggẹẹrị ẹnịnị ẹbẹẹba vị eneē re eyi Ada amị ẹbẹẹba.

Imatiwu 18:10 Referans Kwoze

Ahẹ Ụgama 91:11

Ohomorihi vaa hụ ụvị awụ kà a yị anggẹẹrị anị, di e yee sere wu aha tụra aha ọnị wàa nọ.

Anihiburu 1:14

Anggẹẹrị nịnị vị ịsị ọza ẹ yị zụ re, ana aa zị ụtụ yị Ohomorihi. Ẹnịnị ọọ tụ́ ka ẹ̀ na mẹ ọgụvọ yị aza ọnị ọnị vaa dọ há nị.

Ahẹ Ụgama 34:7

Anggẹẹrị Ẹnẹyịmavara vị ana maanị yà kara aza ana sị ayị tụra Ohomorihi dị ệ dọ ọ tụ́ ka asị a nyị ịsị ẹ mẹ̀ ẹ nị.

Iruuku 16:22

Ẹkụhị ọnya, dị ọpịsarị ọnọọ wusu nị. Dị anggẹẹrị nịnị sị ọọ na yaayịtẹ pe Abụrahamị nị. Dị ọnyẹkẹhị ọnọọ oni re sú, di e ne e nị.

Imatiwu 24:31

Dị ọpanyị ọbanyị ọnya sụ́ ịrẹyị, dị mị tụ́ anggẹẹrị amị nịnị ka ẹ̀ nọ avaba ẹhẹ, dị ẹ̀ na kụ́ avaba aza amị gụ hụrẹ avaba aha ịzị ẹhẹ ọnịrị ẹbẹẹba na ta hi.

Iruuku 1:19

Dị anggẹẹrị tụ́ ọọ ohi dị ọ ka, “Ẹma vị Igebirẹẹrị nị. Ọvịdị Ohomorihi mịị̄ jẹẹ nị. Ộ tụ́ mị ka ma va kà ịrẹyị yị wụ, dị ma sị enube ịrajẹ ọnọnị va yị wụ nị.

Imatiwu 18:14

Avọọ gẹdẹ-gẹdẹ Áda awụ nịnị ẹbẹẹba ò yi mè sì ka ọnya ini ezi eweyi ẹnẹnị è vu ẹtẹ nị.”

Imatiwu 18:6

“Ọza ana àa mẹ ka ọnya ini ezi eweyi ana dọ mị wụ́ aanị, ka ọ̀ mẹ ịvị, ọ yaanị dahi hu yọ ka à sị ịrẹtọkwayị ọbanyị, di è kuru ọ gẹ ẹ ọrọkọ, di è ne e ngụ òkū ana nyịnẹ, dị ọ mụnẹ ẹ.

Imatiwu 2:19

Ịjị Ịhẹrọdị wusu, dị anggẹẹrị Ohomorihi ọnya rẹ sị ẹngụ zụ̀ Ijosẹẹhụ ịnị ụra ịnị ẹtẹ Ijipiti nị,

Imatiwu 2:13

Ịjị e si hu, dị anggẹẹrị Ohomorihi sị ẹngụ zụ̀ Ijosẹẹhụ ịnị ụra nị. Dị ọ kà a yọ ka, ọ̀ kwẹẹtẹ dị ò si ozi ọnọọ ọnịrị ọnyị anị, dị ò zwe nọ Ijipiti nị. Ọ kà ọ̀ yà ịzọọ pooro ne tu ịhị ọnị ọnị ọ̀ọ kà a yọ ka ọọ vẹ, agụvị ka Ịhẹrọdị ee si ka ọnị ọ̀ wụ ozi ọnọọ.

Imatiwu 1:20

Ama o mee rò ịrẹyị tụ ịrẹsụ ịsa ẹnẹnị, re, dị anggẹẹrị Ohomorihi sị ẹngụ zụ ọ ịnị ụra nị. Dị ọ ka, “Ijosẹẹhụ, ozi Idevidi, asị u hí angwa ọyị nyị Imeri ose wu, agụvị ka Ụhwẹ ọnịnị ọ mẹ ka oo zyẹẹ nị.

1 Anịtẹsaronika 4:8

Ọza ana àa sị eyi wụ́ ịrẹyị ọnọnị, ayị vị ọza, ọ sị eyi wụ; Ohomorihi ana sị Ụhwẹ Ọnịnị yị wụ nịnị, ọ́za ọnọọ sị eyi wụ nị.

1 Anịkọrịntị 11:22

Ho! Sẹ zụ vavọọ mẹ? Aanịka wẹ yị nyị eehi ịzị a vọrọ ka waa yàa rị, du wee hú nịnị? Sị ẹ vẹ dị ụ waa sị eyii wụ ịragụ Ohomorihi, dị ụ waa mẹ ụhịị nyị aza ẹnẹ ẹ̀ yị nyị ịsọyịrị nịnị? Si u ro ka ma kà wụ nịnị? Ụ waa vana ka maa ga wụ nịnị agụvị ẹngụ ebira ẹnẹẹ nị? Ọchọnọyịrẹsụ!

1 Anịkọrịntị 16:11

Asị a nyị ọza ana sị eyi wụ ọọ o! Gụ ọ ụvọ nịnị, dị ọ̀ nyẹngụ nyima ụsẹ anị ịnị ẹngwọọrọ, dị ọ̀ rẹ zụ vavẹ ve tù mi. Mee zí ọnịrị ẹyịnyara ayị ana vọ eyi.

Aniroomi 14:10

Sị ẹ vavẹ, dị waa jị ịvịị yị ọnọhụva awụ? Sị ẹ vẹ dị waa sị eyii wụ ọnọhụva awụ? Avaba ayị ọ va naa jẹẹ ọvịdị Ohomorihi, dị aa mẹ̀ ọkarẹyị ayị nị.

Odeyi 27:23

Anggẹẹrị Ohomorihi ana nyị mị, ọnị maa hẹkẹ, ộ jẹẹ pe mi ịrahụ”,

Odeyi 12:23

Obooboro ọnọọ, dị anggẹẹrị Ohomorihi nya Ịhẹrọdị ịsa zẹtẹ nị, agụvị ka ọ yị sị ụbanyị yị Ohomorihi. Dị ikukurumi vẹ, dị ẹ rị ọọ, di o sú nị.

Odeyi 12:15

Dị ẹ ka, “U wáá rụ ụra nị?” Dị aa yịị kà a ka ịzẹyịza yọ nọ! Dị ẹ kụkụ ka anggẹẹrị anịị yọ nị.

Odeyi 10:3

Ẹkụhị ọnya ịnị ụmẹ agogo ẹẹta ọọdụ, ô re ẹtẹ. Di o re anggẹẹrị Ohomorihi, dị ọ ngụ eehi ve tù ọọ, dị ọ hị́ ọọ ka, “Ịkọnẹrịyọsị!”

Odeyi 5:19

Ama ịrahụ ịhị ọnọọ, dị anggẹẹrị Ohomorihi va na oze ini otumare ọnọọ, dị ọ kụ́ wa jịnẹ nị. Dị ọ ka:

Ahẹ Ụgama 17:15

Ama emi vee re wu agụvị ka wâ yẹ ka mẹ yị mẹ̀ ebira odivi Màa sị há ini uhwoto awụ, ọnọọ vaa há mị ịnẹ.

Ahẹ Ụgama 15:4

Ẹngụ aza ẹnẹẹ èe re aza edivi ẹ yị vaa sị ụbanyịị yị wa ama aza ene hí angwa Ẹnẹyịmavara kẹnẹ ẹ vaa sị ụbanyịị yị nị. Ẹngụ aza ẹnẹẹ ẹ̀ẹ kà a ka ẹnị aa mẹ ịrẹyị vị ẹ yaa mẹ̀ ẹ nị, òo zee e eyi ịrẹyị ọnọọ ọ̀ kụ́ tù wa.

1 Ohinọyị 22:19

Di Imikaya aa kịị kà ịrẹyị anị dị ọ ka, “Batọ ọ dị wụ́ ịrẹyị ẹnị Ẹnẹyịmavara kà. Ụmẹ ọnya mê re Ẹnẹyịmavara kà ộ yaayịtẹ ịnị aga anị, di avaba anggẹẹrị anị ẹbẹẹba jẹẹ pè e eyi ụvọrị ọnịrị eyi ụvọha anị nị.

1 Itimoti 4:12

Asị ụ zẹẹ ka ọza ọnyọọnyị ọ̀ sị eyi wụ wụ, agụvị ka wáa mẹhị vị ozweyi! Ama vị ọza ọnị ọdọwụ ana vọ vee sì ka ẹnị ẹ̀ẹ hama ịnị ịrẹyị irenu ọnịrị ebira ẹtẹẹrẹ awụ, ini oyisì ịrẹyị aza ọnịrị ayị ọyịsị tụra Ohomorihi beri ebira ọnịnị.

1 Anịkọrịntị 9:22

Mèe re tù ịdị aza ẹnẹ ẹdọwụ ẹnịnị ẹ̀ yị vavọọ katẹngụ, dị mị sị ẹngụ amị tụ́ udi ẹnịnị, agụvị ma zụ mẹ ka ẹ̀ dọ Ijeesu Ohinọyị oni Ohomorihi nyị ka ọ̀ dọ yị há wụ́ hu avọọ. Udi tụra udi oni mèe ne tù ọza, dị mị rẹ sị ẹngụ amị tụ́ udi ọnọọ. Mị vavọọ aa mẹ ịsị màa zụ mẹ, ka ịsavọọ ma zụ mẹ ka à dọ aza ẹnyị há.

Aniroomi 15:1

 vọrọ ka ẹyị ẹnẹ ẹdọwụ anị katẹngụ, òo ro ịrẹyị aza ẹnẹ ẹdọwụ ẹnịnị ẹ̀yị vavọọ katẹngụ! Asa ahịka ịsị e zé yi eyi kẹnẹ, ị yaa mẹ nị!

Aniroomi 14:21

Ọyị rẹ vọrọ ka ọza ọ̀ uye, à vị ka ò hú eche, àa vị ka ọ̀ mẹ̀ ịsa ọnyọọnyị ana vaa mẹ ka ọhụva anị ọ̀ mẹ ịvị.

Ẹtore 8:2

Di mi re anggẹẹrị ịhịmba ana jẹẹ ọvịdị Ohomorihi, dị a sị ọpanyị ịhịmba yị wa nị.

Anigaratiya 6:1

Ẹwụ nịnị ẹyịnyara amị, àa nyị ọza ana a za ka aa mẹ ịvị, ẹwụ nịnị ana aa mẹ ịsị Ohomorihi sì, ọ̀ tangwa sị ịrẹsụ ọkahi vọrọ ọza ọnọọ zị oze! Dụ wa sị eyi pe ẹngụ awụ, dị asị ụ zẹẹ ka ẹwụ ụvọta ọ̀ hụrẹ ne ngụ ịnị ọyịzamare!

2 Anịkọrịntị 10:10

Aza ẹnyị aa kà a ka ịrẹyị ini iwe Ịpọọrụ ộ katẹngụ, o zụ henyi ọza. Ama ọnị ụvọta ọ̀ọ va sị ngụ ịdị ayị dị ọ sị vara ọza gụyẹ-gụyẹ, dị ẹ yị nyị ịsị ịrẹyị anị vị.

2 Anịkọrịntị 10:1

Ẹmị Ịpọọrụ, mâ sị ịrẹswọkahi ọnịrị ebira hẹẹ Ikirisiti dá ịpẹ wụ nịnị. Aza ẹnyị aa kà a ka màa yà ịdị awụ nịnị, ma mā nyayịnẹ kà ịrẹyị; ama màa va sị hụụ ịdị awụ nịnị, dị maa kà ọnọrụ.

Iruuku 10:16

Dị Ijeesu kà a yị ezirẹma anị ka, “Ọza ana àa wụ́ ịrẹyị awụ nịnị, ẹmị ọ rẹ wụ́ ịrẹyị anị avọọ nị. Ọza ana àa sị eyi wụ wụ nịnị, ẹmị ọ rẹ sị eyi wụ avọọ nị. Ọza ana àa sị eyi wụ̀ mị, Ohomorihi ana tụ́ mị, ọ sị eyi wụ avọọ nị.”

Imatiwu 12:20

Ọ yị vaa dà ịkẹ ana àa dà gẹnẹ. Ozotupa oni owu anị ee mi, oyi vee mi ọọ. Ọyị vaa tụ́ ụhwọ́ pooro di ò re ka ịzẹyịza ộ nyị ẹbẹẹba.

Ịzakaraya 13:7

Ẹnẹyịmavara Ochẹtẹẹngụ kà ụhwọ ọ kwẹẹtẹ tu oseratẹmẹ anị ana mẹ ụkọrọ yị ọnị. Ọ wù ọ dị atẹmẹ anị gara hi ozi. Ọnị a va eyi ịraazị ka aza anị.

Ịzakaraya 4:10

Aza ana si eyi wụ̀ ịsị e nyima kiiki vaa jẹ ịjị ee re ka Izerubabẹrị aa da irehi ọnọọ na tụ́ ọvịdị. Anggẹẹrị kà ịhịmba ọnọọ vị eyi Ẹnẹyịmavara ene re avaba ịsa ene hi ini ẹhẹ.

Ẹsịta 1:14

Aza ẹnị maa vaa hị́ aanị ẹ̀ gụrị ohinọyị. Aza ẹnẹẹ ẹ vị Ikasena, Iseta beri Adimata, ne chire Itasisi, Imeresi, ọnịrị Imarisena, navaka Imemukani. Aza ẹnị ịhịmba ẹnẹnị ẹ nyị udi ọbanyị huu ịnị ẹtẹ Ipesiya ọnịrị Imediyanị Ẹnị e ne tù ohinọyị nị.

2 Ịsamụwẹrị 14:28

Abịsarọmị ộ yà Ijerusarẹmị mẹ ịrayị ẹẹta, ẹ yị sị eyi gẹrị ohinọyị.

Anihiburu 9:24

Ikirisiti ọ́ yị na ngụ aha ọnịnị ana aza mẹ, ana ahịka vị ọnị aa sị ịsa obooro zụ̀ kẹnẹ nị. Ịdị Ohomorihi booro ọ ngụ nị, agụvị avọọ ọ na jẹẹ ọvịdị Ohomorihi agụvị ayị booro aanị nị.