Imatiwu 17:22 - IWE ỌNỊNỊ

²² Ẹ́nịnị mẹ̀ yà Igariri, dị Ijeesu kà a yị wa ka, “A vaa sị ẹmị Ozi ọza onigirimaa chire aza ụvọ,

Imatiwu 17:22 Referans Kwoze

Imatiwu 16:21

Hụrẹ ụmẹ ọnọọ, dị Ijeesu aa kà a yị ezirẹma anị ka â nyị ka ọnị ọ̀ nọ Ijerusarẹmị, dị azọkụ nịnị beri ohirẹsụ ẹbanyị irehi Ohomorihi ọnịrị ọzwọzọda nịnị ẹ̀ sị ụya rị ọnị ẹtẹẹtẹrẹ, dị ẹ̀ wụ ọnị, ịhyẹgwẹta anị, dị Ohomorihi ọ̀ rẹ ha ọnị hụụnị isu.

Ịmaakị 8:31

Dị Ijeesu nyima aa zụ̀ wa ịsa nị, dị ọ ka, “Ẹmị Ozi ọza onigirima mị vaa rị ụya ẹtẹẹtẹrẹ. Ọdọvịdị nịnị ẹnịrị ohirẹsụ ọbanyị irehi Ohomorihi nịnị beri ọzwọzọda nịnị vee yi mii tịtẹ. A rẹ vaa wụ̀ mị, ama ịhyẹgwẹta anị mị vaa haa hụụnị isu.”

Imatiwu 17:23

dị ẹ wụ̀ mị; ịhyẹgwẹta anị, a vaa ha mịị hụụnị isu.” Ayị ezirẹma anị e si du ẹtẹẹtẹrẹ.

Iruuku 24:46

Dị ọ kà a yị wa ka, “Â vavọọ chẹrẹ ẹ tụ́ ini Iwe Ohomorihi. Agụvị avọọ â nyị ka Ikirisiti ọ̀ rị ụya, dị ọ ha hụụnị isu ịhyẹgwẹta anị.

Iruuku 24:26

Ẹ yị vọrọ ka Ikirisiti ọ̀ maanị rị ụya, dị ọ̀ va ngụ ịnị igirima anịị?”

Iruuku 9:22

Dị ọ rẹ ka, “Â nyị ka ẹmị Ozi ọza onigirima ọ̀ rị ụya ẹtẹẹtẹrẹ. Ọdọvịdị nịnị ẹnịrị ohirẹsụ ẹbanyị irehi Ohomorihi beri ọzwọzọda nịnị vee yi mii tịtẹ. A rẹ vaa wụ̀ mị; ama ịhyẹgwẹta anị, mị vaa ha hụụnị isu.”

Odeyi 7:52

Áá nyị ọnịsẹ oni ohiku awụ nịnị ọ̀ yị sị ụya rị da? Ẹ raà wụ̀ aza ana vịdị va kà a tịtẹ ka Ọnịzẹyịza ọnọọ aa vẹ. Ọza ọnọọ u si chire aza ụvọ, dị ụ wụ̀ ọ nịnị nị.

Imatiwu 26:46

Kwẹẹtẹ, ya na nịnị! Ọza ana a sị mịị chire ọnịvị amị ụvọ, aa vaa ngụ ịzẹnị.”

Imatiwu 24:10

Aza ọrụrụ-ọrụrụ vaa hyẹdụ hụụnị ẹdọwụ ẹnịnị. Ịjọnọọ di eyee sì iruvo ẹngụ, dị ẹ rẹ yaa kụ́ ayị ẹngụ.

Imatiwu 16:28

Ịzẹyịza m maa kà a wụ nịnị nị, â nyị aza ẹnyị ana jẹẹ ịzẹnị, ana ahịka e yi vee sú pooro, di è re, Ózi ọza onigirima màa vẹ vaa mẹ ịjọva.”

1 Anịkọrịntị 11:23

Ịsa ọnị mị sị zụ̀ wụ nịnị, ịnị ụvọ Ananyị yị mị dọ ọ hụrẹ nị. Ịnị ịrahụ ịhị ọnọọ, dị a va sị Ijeesu Ananyị yịị chire ọnịvị anị ụvọ, ộ sị Ịbụrẹẹdị,

Imatiwu 26:16

Hụrẹ ịhị ọnọọ dị Ijudasi kuku ee sì oze ọnọọ vaa sịị sị Ijeesuu chire wa ụvọ nị.

Imatiwu 17:9

E mèe chíi hụụnị atabaa vẹ, di o hú wa ụvọ, dị ọ ka, “Asị ụ kà ịsa oni u re aanị yị ọza ọnyọọnyị pooro dị ẹmị Ozi ọza onigirima ọ̀ ha hụụnị isu!”

Imatiwu 17:12

Dị ma kà a wụ nịnị Erija ọ zị vẹ da, ama ẹnịnị ẹ yị yẹ ẹ; dị ẹ mẹ̀ ịsa ene zé wa eyi hi ọọ nị. Avọọ ẹ́mị Ozi ọza onigirima mẹ̀ rẹ yị vaa rị ụya ịnị ụvọ ẹnịnị nị.”

Iruuku 9:43

Ụkata ọbanyị Ohomorihi o si hí aza ẹnẹẹ irenu ẹtẹẹtẹrẹ. Ịjị avaba ịsa oni Ijeesu mẹ ee hí wa irenu, dị Ijeesu kà a yị ezirẹma anị ka: